Demujipoana 5:3 - EBƆRƐ BE KAWƆL

³ Bewura, men nu nfe! Bewurjipo, men kaŋ asoe n nu! Ma ere beeŋ laŋ alaŋsɔ m boŋ kashɛ n sa Enyɛnpe, Israɛl be Ebɔrɛ na.

Demujipoana 5:3 ပူးပေါင်းရင်းမြစ်များ

Jɛnesis 6:17

Lɔŋɛ kuloŋ na, ŋkpal manɛ so, meeŋ shin nɛ bɔrɛ e ba durnya to nɛ nchu e sɔ kaplɛkama n ji kusɔ futeso kikɛ nyam. Kashenteŋto, durnya to be kusɔ kama nyam beeŋ mur.

Jɛnesis 9:9

“Yili kabre a yɔ, mee nase kɔnɔ nna a sa menyi nɛ men be kanaŋ to ebi

1 Bewura 18:22

Ndoŋ nna nɛ anebi Elaija naŋ kaŋɛ le: “Ma nawule e la Enyɛnpe Ebɔrɛ be anebi nɛ e ka, ama Baal be agbirwuraana bre wɔ alfa ana nɛ adunu.

1 Bewura 19:10

Nɛ Elaija kaŋɛ le: “Enyɛnpetale Ebɔrɛ, fo nawule nɛ mee shuŋ saŋkikɛ. Ama Israɛlebi na bre ku kɔnɔkoŋwule be ŋkre nɛ fo nɛ bumo kɔ na to nna nseŋ da fo bɔrɛsureana n lɛ, m mɔ fo anebiana kikɛ. Naniere n nawule e ka nɛ baa sha kemɔ ma alɛ gba.”

1 Bewura 19:14

Nɛ Elaija naŋ kaŋɛ le: “Enyɛnpetale Ebɔrɛ, fo nawule nɛ mee shuŋ saŋkikɛ. Ama Israɛlebi na bre ku kɔnɔkoŋwule be ŋkre nɛ fo nɛ bumo kɔ na to nna nseŋ da fo ebɔrɛsureana n lɛ m mɔ fo anebiana kikɛ. Naniere n nawule e ka nɛ baa sha kemɔ ma alɛ gba.”

Ɛzra 7:21

Ma, ewurgboŋ Atazɛzɛs, e naa sa bekama nɛ baa keni Yufreetes be epeŋitɔrkpa be efuli so be amansherbi so na ebɔl fanɛ kusɔ kama nɛ Ɛzra, nɛ e la bɔrɛmatapo nɛ Ebɔrɛ be mbra na be eŋinipo na bee sha, b sa mo.

Nshɛ 119:46

Ma alɛ beeŋ baa malga fo mbraana be asheŋ a sa bewurjipo nsaa maa ŋana anishinyɔr.

Nshɛ 146:2

Meeŋ boŋ nshɛ ŋ kpaŋ Enyɛnpe Ebɔrɛ na saŋɛ nɛ n wɔ ŋkpa to ere.

Nshɛ 27:6

Ndoŋ nna nɛ ŋ kɔ m pɔɔ n doŋana so nseŋ lara sarga ashi mbe bɔrɛlambu to; nseŋ cha awɔr kagbenefuliso m boŋ nshɛ m fur Enyɛnpe Ebɔrɛ na.

Nshɛ 61:8

Saŋɛ na so meeŋ baa di fo ketre epaŋ saŋkama nsaa wora a bɔlɔ ma kɔnɔ naseso so saŋkama.

Ɛksodɔs 31:6

Ma alɛ naŋ lara Oholiab nɛ e la Ahisamak malɛ pibinyɛn ashi Dan be kanaŋ to nna fanɛ e baa chɛ Besalɛl to a shuŋ. Bekama malɛ gba nɛ b ti so a kɔ enɔ to be kushuŋ be kenyi na, n sa bumo kikɛ kenyi damta, saŋɛ na so, baaŋ tiŋ n wora asɔ kama nyam nɛ ŋ kaŋɛ fo fanɛ b wora na.

Levitikɔs 26:28

kumo ere meeŋ nya agbo n wɔtɔ menyi nseŋ shin nɛ menyi be kasogberge e ti so ale shunu so a chɔ adra na.

Ditɛronɔmi 32:1

“Esoso nɛ kasawule so be asɔ, men nu ma mmalga ere; men nu kusɔ nɛ mee kaŋɛ ere nɛnɛ!

Ditɛronɔmi 32:3

Meeŋ fur Enyɛnpe Ebɔrɛ na be ketre, nɛ mbe basa e malga mbe keshi be asheŋ.

Demujipoana 5:7

nɛ basa nɛ b wɔ ndekarso maaŋ naŋ tiŋ n shuŋ bumo be adɔana to. Ndoŋ nna nɛ ma, Dɛbora ba sɔ kejuŋkpar, a kuŋ Israɛl fanɛ kananɛ enio bee kuŋ mbe mbia na.