Demujipoana 5:23 - EBƆRƐ BE KAWƆL

²³ Nɛ Enyɛnpe Ebɔrɛ be malaika kaŋɛ: “Sho kade nɛ baa tre Mɛrɔz kɔnɔ! Ŋkpal manɛ so, kumo be basa kini kechɛto ŋ kɔ Enyɛnpe Ebɔrɛ na mo doŋ kpakpasoana kena.”

Demujipoana 5:23 ပူးပေါင်းရင်းမြစ်များ

Nehemaya 3:5

Tekua be kade to ebi e daŋ daga fanɛ b lɔŋɛ m pɔr kaba nɛ k bɛ so na, ama bumo be bejuŋkparpoana na bre kini fanɛ b maaŋ shuŋ kushuŋ kpakpaso nɛ benimu nɛ baa keni beshumpo na so na sa bumo na.

Nshɛ 94:16

Wanɛ e naŋ yili ma kaman n tu ma ŋ kɔ basa lubi ere?

Jɛremaya 48:10

Mee sha fanɛ men mɔ Mowabebi na nna; men kaŋ shin nɛ b nya n shile m mɔlga bumo be amu meeŋ sho menyi kɔnɔ.”

Matiu 25:41

Ade be kaman nɛ ŋ kaŋɛ bumo nɛ b wɔ ma bena so na le: ‘Basa lubi ere, men shile ma so n yɔ edɛ nɛ b puga n yili Setani nɛ mbe emalaika na to. Edɛ na maa duŋ kikɛ.

Romebi 15:18

Meeŋ baa kɔ kenyɛn nawule a malga asheŋ nɛ Kristo na wora ashi ma to nɛ loŋ e tiŋ n shin nɛ m bɔla mmalga nɛ ashuŋ shunso to n shin nɛ nnyamase e ba kaa nu a sa Ebɔrɛ.

1 Kɔrintebi 16:22

Ekama nɛ e maa sha Enyɛnpe na, kɔnɔso e baa wɔ amodoŋwura na so. An Nyɛnpe e naaŋ bɛta m ba.

1 Kɔrintebi 3:9

Ebɔrɛ mo braana beshumpo e la anyi nɛ menyi alɛ du fanɛ mbe kasawule nseŋ naa du fanɛ mbe ebu nɛ e bee pɔr.

2 Kɔrintebi 6:1

Naniere anyi nɛ Ebɔrɛ ka bee shuŋ ere, anyee kule nsaa fiɛ menyi so nna fanɛ men sa maa sɔ Ebɔrɛ be kuwɔr be kakɛ na kenyanyaŋɛso.

Demujipoana 13:3

Kachako nɛ Enyɛnpe Ebɔrɛ be malaika lar eche na so ŋ kaŋɛ mo le: “Fo la egbentepo nna, ama k maaŋ chɛr feeŋ di kedampo ŋ kurge ebinyɛn.

Demujipoana 2:1

Enyɛnpe Ebɔrɛ na be Malaika daŋ shi Gilgaal nna n yɔ Bokim n ya kaŋɛ Israɛlebi na le: “Ma e lara menyi Ijipt be efuli so nseŋ bar menyi kasawule nɛ n nase kɔnɔ dra kikɛ fanɛ meeŋ ta n sa men nananyɛnana na so. N daŋ kaŋɛ bumo fanɛ m maaŋ lar kɔnɔkoŋwule be ŋkre nɛ ma nɛ men nananyɛn Eebraham kre na kaman kikɛ.

Demujipoana 21:5

Kede be kaman nɛ Israɛlebi na bishi abar le: “Israɛl be yiri mo e daŋ kini keba shɛr Enyɛnpe Ebɔrɛ na be anishito jemanɛ nɛ an daŋ tre nshɛr ashi Mizpa na?” Ŋkpal manɛ so, b daŋ bɔ ntaŋ nna fanɛ yiri kama nɛ k kini keshɛr Enyɛnpe Ebɔrɛ na be anishito ashi Mizpa daga luwu nna.

Demujipoana 21:8

Nɛ b naŋ laŋɛ m bishi: “Israɛl be eyiri na to be kabuna mo e maŋ shɛr Enyɛnpe Ebɔrɛ na be anishito ashi Mizpa?” Ndoŋ nɛ b wu fanɛ esa kama daŋ maŋ shi Jabesh ashi Giliad m ba nshɛr na to.

Demujipoana 4:6

Kachako nɛ e shuŋi n tre kanyɛn nɛ baa tre Barak nɛ e la Abinoam pibinyɛn nseŋ shi kadegboŋ nɛ baa tre Kedɛsh nɛ k wɔ Naftali be yiri to be kasawule so na, ŋ kaŋɛ mo le: Enyɛnpe, Israɛl be Ebɔrɛ na yɛ: “Keni Naftali nɛ Zɛbyulɔn be eyiri to n lara benyɛn ŋgboŋ kudu n juŋkpar bumo n yɔ kebee nɛ baa tre Tabɔɔ na so.

Demujipoana 5:13

Nɛ benyɛn nɛ b ka na ba bumo be benimu kutɔ; nɛ Enyɛnpe Ebɔrɛ na be basa ba mo kutɔ fanɛ b wora shiriya nɛ b kɔ nna.

Demujipoana 6:11

Kachako nɛ Enyɛnpe Ebɔrɛ na be malaika ba kadebi nɛ baa tre Ofra na nseŋ ba chena kedibigboŋ ko be kifito ashi kanyɛn ko nɛ baa tre Joash, nɛ e shi Abiyeza be kabuna na be kelɔnɛ so. Loŋ be saŋɛ na nɛ Joash pibinyɛn, Gidiɔn malɛ ŋana e bri ayu kegoro so, saŋɛ na so Midianebi na maaŋ wu mo.

Demujipoana 8:5

B ka ta n ya fo kade nɛ baa tre Sukɔf na, nɛ Gidiɔn kaŋɛ ndoŋebi le: “Men jande, men sa ma benapo ere ajibi ŋkpal manɛ so, b gben nsaa chɛl nna na; ama anyi alɛ kraa ju Zeba nɛ Zalmuna nɛ b la Midian be bewura na nna.”

Demujipoana 8:6

Ama le nɛ Sukɔf be kade be benimu na kaŋɛ: “Manɛ so nɛ anyeeŋ sa fo benapo ajibi? Menyi maŋ naŋ nya Zeba nɛ Zalmuna m pɛ.”

Demujipoana 8:8

Kede be kaman nɛ Gidiɔn naŋ yɔ kade nɛ baa tre Penuɛl na n ya kule bumo alɛ gba ajibi nɛ e sa mbe benapo. Nɛ bumo alɛ gba kaŋɛ mo kusɔ nɛ Sukɔfebi na daŋ kaŋɛ mo na.

1 Samuɛl 17:47

Ekama malɛ nfe beeŋ pin fanɛ mannɛ etokobi ŋko akpa nɛ Enyɛnpe Ebɔrɛ na bee ta a kɔ a mɔlga mbe basa. E la ekɔmpɔɔsopo kena kikɛ to nna. Mo alɛ beeŋ chɛ anyi to nɛ an kɔ m pɔɔ menyi so.”

1 Samuɛl 18:17

Kachako nɛ Sɔɔl kaŋɛ Deevid le: “Nɛ feeŋ nya kenyɛn a kɔ Enyɛnpe Ebɔrɛ be ana a sa ma bre, kumo ere ma alɛ beeŋ ta m pibiche nimuso Mɛrab n sa fo.” Sɔɔl be nfɛra e daa la fanɛ nɛ e wora loŋ, Filistiebi na beeŋ nya Deevid m mɔ, saŋɛ na so k maaŋ ba fanɛ mo e mɔ mo.

1 Samuɛl 25:28

Jande, nɛ n wora fo kulubi ko gba nna, fo ta m paŋ ma. Enyɛnpe Ebɔrɛ na beeŋ shin nɛ fo ki ewura nɛ fo kanaŋ to ebi e baa ji kuwura ŋkpal fo ka bee kɔ a sa mo so. Ma kabɔrɛkule e la fanɛ fo maaŋ wora kulubi kikɛ hale nɛ fo ba lar durnya ere to.

1 Samuɛl 26:19

Yiramu, nu kusɔ nɛ mee sha nɛ ŋ kaŋɛ fo ere! Nɛ fanɛ Enyɛnpe Ebɔrɛ na e shin nɛ fee kɔ ma, kumo ere meeŋ lara sarga n sa mo nɛ e chɛrga mbe nfɛra. Nɛ fanɛ dimɛdi malɛ e naa wora loŋ, Enyɛnpe Ebɔrɛ be kɔnɔsho na e pɛ amodoŋwura. Ŋkpal manɛ so, b ju ma ashi Enyɛnpe Ebɔrɛ be kasawule so n ya lɛ nnyamase be efuli so, kakpa nɛ m maaŋ tiŋ n shuŋ Ebɔrɛ.