Demujipoana 5:22 - EBƆRƐ BE KAWƆL

²² Sisɛra be egbaŋɛ e shil kecha kecha a yɔ, nɛ bumo be aya bee pulgi kasawule na.

Demujipoana 5:22 ပူးပေါင်းရင်းမြစ်များ

Job be kawɔl 39:19

Fo, Job e sa egbaŋɛ eleŋ ŋko amo be kubɔ so be afuibi na a?

Nshɛ 20:7

Basa ko bee wu bumo be amu nna ŋkpal bumo be kena to be egbaŋɛturko so. Nɛ beko malɛ bee wu bumo be amu ŋkpal bumo be kena to be egbaŋɛ so. Ama anyi ere be yirda wɔ fo Enyɛnpe Ebɔrɛ na to nna.

Nshɛ 33:17

Egbaŋɛ nɛ b kɔ a kɔ kena be eleŋgboŋ na maaŋ tiŋ m mɔlga esa ŋko ŋ kuŋ mo.

Aizaaya 5:28

Kumo be kaman, bumo be akpaana du pɛlpɛlbi nna nɛ bumo alɛ wora shiriya a jo nɛ b to bumo be ata. Bumo be egbaŋɛ be alotobi du kpakpa fanɛ awarabi nna, nɛ bumo be kena to be egbaŋɛturko malɛ be aya bee kilgi to manaŋ manaŋ fanɛ kawuliwuli na.

Jɛremaya 47:3

Baaŋ nu egbaŋɛ be aya ka bee gbri kasawule so, nseŋ nu egbaŋɛturko be egbri gba kasawule so. Betuto nɛ benio maaŋ naŋ bɛta n ya ta bumo be mbia; ŋkpal manɛ so baaŋ paŋ kenyɛn nseŋ chɛl nɛ bumo be mbre maaŋ naa kɔ eleŋ.

Jɛremaya 47:4

Filistiebi be kemur be saŋɛ fo, saŋɛ fo nɛ bumo be ndegboŋ nɛ baa tre Tayɛ nɛ Sidɔn na e mur nɛ b maaŋ naŋ nya kechɛto. Ma, Enyɛnpe Ebɔrɛ na e naaŋ mur Filistiebi nɛ b shi keplasawule nɛ baa tre Kriit na m ba na.

Jɛremaya 8:16

An doŋana tea wɔ Dan be kadegboŋ nɛ k wɔ anyi be efuli be gbaŋ nɛ k wɔ a laŋɛ kelargato be esoso be kaba so na to a ba. Anyi alɛ tea nu bumo be egbaŋɛ be efute gba. Bumo be egbaŋɛ baŋ shu, kasawule na kikɛ bee gbuŋgbuŋ to nna. An doŋana na bee ba nɛ b ba mur anyi nɛ kasawule na nɛ kusɔ kama nɛ k wɔ kumo so nɛ anyi be kadegboŋ na nɛ basa nɛ b wɔ kumo to kikɛ na nna.”

Ezikɛl 27:14

Fo alɛ daŋ fa fo asɔ n sa Bɛf Togaama be efuli so ebi n sɔ egbaŋɛshuŋso nɛ egbaŋɛ nɛ baa ta a yɔ kena to nɛ ekurma.

Maika 4:13

Kumo be kaman nɛ Enyɛnpe Ebɔrɛ na naŋ kaŋɛ le: “Jerusalɛm to ebi, men ya gberge men doŋana kusoe. Meeŋ shin nɛ men baa kɔ eleŋ fanɛ egbolu nɛ amo be alambɛ du fanɛ abɛlso nɛ amo be alotobi malɛ du fanɛ danyaŋ na. Menyeeŋ pɔ efuli damtaana so nseŋ sɔ asɔ nɛ b daŋ ta eleŋsheŋ n nya na m ba sa ma, nɛ n la durnya kikɛ be Enyɛnpe Ebɔrɛ na.”