Demujipoana 5:20 - EBƆRƐ BE KAWƆL

²⁰ Achɛkpabi gba shi esoso ŋ kɔ. Jemanɛ nɛ achɛkpabi na bee tia a firgi a choŋ esoso na, nɛ e kɔ Sisɛra kena.

Demujipoana 5:20 ပူးပေါင်းရင်းမြစ်များ

2 Samuɛl 18:8

Kena na daŋ salga to nna n yɔ kade na be kupuŋ to nɛ kupo na to kikɛ nɛ benapo nɛ b wu ŋkpal kupo na to be awurfoŋ so daa shi a chɔ bumo nɛ b mɔ kena na gbagba to.

Joshuwa 10:10

Amɔriebi na ka wu Israɛl be benapo na nɛ Enyɛnpe Ebɔrɛ shin nɛ keyeŋiyeŋi tɔr bumo so, nɛ Israɛlebi na mɔ bumo ga ashi Gibiɔn, nseŋ ju m buu bumo so m bɔla kebee ase ashi Bɛf Hɔrɔn a mɔ bumo hale n ya fo kelargato be kaseto be kaba so ashi Azeka nɛ Makɛda kikɛ.

Joshuwa 10:11

Amɔriebi na ka bɔla kebee na ase ashi Bɛf Hɔrɔn a shile a mɔlga bumo be amu Israɛl be benapo kutɔ na nɛ Enyɛnpe Ebɔrɛ shin nɛ abɔrɛjembu gboŋgboŋi shi awɔlpa to a tɔr bumo so a mɔ hale n ya fo Azeka. Bumo nɛ abɔrɛjembu na daŋ mɔ na daa chɔ bumo nɛ Israɛlebi na gbagba daŋ mɔ.

Joshuwa 10:12

Kachɛ nɛ Enyɛnpe Ebɔrɛ ta Amɔriebi na m bɔɔ Israɛlebi enɔ na, nɛ Joshuwa yili Israɛlebi na be anishito ŋ kule Enyɛnpe Ebɔrɛ ŋ kaŋɛ le: “Epeŋi, yili Gibiɔn be kade ere be kumu so! Kufɔl, fo alɛ e yili Aijalɔn be ketaŋɛ be kumu so!”

Demujipoana 4:15

Barak nɛ mbe benapo ka ya tu Sisɛra nɛ mbe benapo e kɔ nɛ Enyɛnpe Ebɔrɛ na shin nɛ keyeŋiyeŋi tɔr Sisɛra nɛ mbe benapo so. Ndoŋ nna nɛ Sisɛra tɛ mbe gbaŋɛturko so ŋ gbelge nseŋ lara keya fuful a shile.

Demujipoana 5:21

Lɔr nɛ baa tre Kishɔn na e sulɔ Sisɛra be benapo n yɔ. Kishɔn be lɔr nɛ k wɔtɔ dra dra na kikɛ na e sulɔ bumo n yɔ. Meeŋ ta eleŋ nɛ kenyɛn n yɔ anishito!

1 Samuɛl 7:10

Samuɛl kraa lara sarga na nna, nɛ Filistiebi na gbaŋ m buu bumo so nɛ b kɔ bumo, nɛ Enyɛnpe Ebɔrɛ shin nɛ bɔrɛ ponte nɛ Filistiebi na be nfɛra wul bumo to nɛ keyeŋiyeŋi tɔr bumo so nɛ b shile.