Demujipoana 5:2 - EBƆRƐ BE KAWƆL

² Anyeeŋ kpaŋ fo, Enyɛnpe Ebɔrɛ na! Ŋkpal manɛ so, Israɛlebi na kikɛ e yili kumo fanɛ baaŋ kɔ; basa na kikɛ malɛ e shuli so loŋ kagbenefuliso

Demujipoana 5:2 ပူးပေါင်းရင်းမြစ်များ

2 Kronikɛls 17:16

Enimu sasopo e daa la Zikri pibinyɛn Amaziya nɛ mo alɛ daa keni benapo ŋgboŋ alfa anyɔ so. Amaziya daŋ lara mbe kumu nna n yili fanɛ e beeŋ shuŋ Enyɛnpe Ebɔrɛ.

Nehemaya 11:2

Ndoŋ nna nɛ basa na nɛfa bekama nɛ b shuli fanɛ bumo ere beeŋ yɔ Jerusalɛm n ya chena na.

Nshɛ 103:2

Meeŋ ta ma kagbene kikɛ ŋ kpaŋ Enyɛnpe Ebɔrɛ na! Ma alɛ maaŋ teŋ asheŋ lela nɛ e wora ma na kikɛ so.

Nshɛ 110:3

Kachɛ nɛ feeŋ kɔ fo doŋana kena na, fo basa gbagba e naŋ shuli n tu fo ŋ kɔ bumo. Fo mbrantiɛfɔlbi beeŋ ba fo kutɔ fanɛ kachipurdidi be bunyaŋ.

Nshɛ 136:15

Mo e daŋ shin nɛ Ijipt be ewura nɛ mbe benapo ji nchu m mur ashi Teku Peper na to na; mbe kasha nɛ k maa chɛrga na malɛ wɔtɔ nna mbaanaayɔ.

Nshɛ 18:47

Fo e bishi kuwule n sa ma nseŋ shin nɛ efuliana bee nu a sa ma.

Nshɛ 48:11

Amoso Jerusalɛm nɛ Juda be ndeana to ebi be ŋgbene fuli bumo nna ŋkpal fo kaa bee ji asheŋ nɛ amo be ekpa so so.

Nshɛ 94:1

O Enyɛnpe Ebɔrɛ nɛ fee gberge basa nɛ b wora n jija kusoe; ŋini bumo esa nɛ e la fo nseŋ gberge bumo kusoe!

Nshɛ 97:8

O Enyɛnpe Ebɔrɛ, Jerusalɛm to nɛ Juda be efuli so be ndeana to be basa be ŋgbene fuli nna, nɛ baa ji eyur ŋkpal fo demuji so.

1 Kɔrintebi 9:17

Ŋkpal manɛ so, nɛ fanɛ mee wora loŋ nna ŋkpal ma alɛ gbagba be keparso, n daa beeŋ baa kɔ kakɔka, ama nɛ k maŋ la fanɛ ŋ gbagba be kepar be asheŋ so nɛ mee wora kumo, kumo ere kusɔ nɛ b ta m bɔɔ ma enɔ nɛ mee wora.

2 Kɔrintebi 8:12

Ŋkpal manɛ so, nɛ esa baŋ bugi kagbene n yili kumo fanɛ e beeŋ sa, kumo ere kusɔ nɛ amodoŋwura kɔ so nɛ Ebɔrɛ beeŋ yili n sɔ loŋ be kakɛ na, mannɛ kusɔ nɛ e maŋ kɔ so.

2 Kɔrintebi 9:7

Kanaŋkama nɛ ekama fɛ mbe kagbene to fanɛ e beeŋ sa, e sa nsaa maa shin nɛ k naa besa mo ŋko a wora fanɛ b kaa bee tintiŋ mo na, ŋkpal manɛ so, esa nɛ e bee sa kagbenefuliso nɛ Ebɔrɛ bee sha.

Ditɛronɔmi 32:43

Efuli pɔtɛana be basa, a daga fanɛ men tu Enyɛnpe Ebɔrɛ na be basa n ji eyur, ŋkpal manɛ so, e bee gberge bekama nɛ b mɔ mbe basa kusoe nna. Mo e naa bishi mo doŋana kuwule nsaa ta mbe basa be alubi a paŋ bumo na.”

Ditɛronɔmi 33:21

Bumo ere ta kasawule na be alela akpa nna n sa bumo be amu; ejuŋkparpo be kachige nɛ b ta n sa bumo. B daŋ wora Enyɛnpe Ebɔrɛ na be mbraana kasonu jemanɛ nɛ Israɛl be bejuŋkparpoana daŋ gama abar so na.”

Filipaiebi 2:13

Ŋkpal manɛ so, Ebɔrɛ e wɔ menyi to a shuŋ saŋkikɛ a shin nɛ menyee sha Ebɔrɛ nsaa tiŋ a nu a sa mo gbagba be aparsheŋ.

Failimɔn 1:14

Ama m maa sha kelar fo kaman n wora kusɔ nɛ k maaŋ par fo nɛ fo gbagba be kelela e ki fanɛ tintiŋ be kusɔ, ama kusɔ nɛ k shi fo gbagba be kagbene to.

Kelaraŋŋini 18:20

Ebɔrɛsoebi, men shin nɛ men be ŋgbene e fuli menyi, ŋkpal mbe kemur ere so. Ebɔrɛ be basa laraso nɛ beshuŋipoana nɛ anebiana, men shin nɛ men be ŋgbene e fuli menyi, ŋkpal manɛ so, Ebɔrɛ gberge mo kusoe nna ŋkpal kusɔ nɛ e wora menyi na so.”

Kelaraŋŋini 19:2

Mo alɛ be demuji kɔ kashenteŋ nna nseŋ niŋi. E gberge sakalechegboŋ mo nɛ e ta mbe kesakaleasheŋ n jija kasawule ere na kusoe. E bishi mo kuwule ŋkpal mbe anya be ŋklaŋ so.”

Demujipoana 5:9

Mee maŋkura fo nna, Enyɛnpe Ebɔrɛ; ma alɛ bee di epaŋ nna ŋkpal bejuŋkparpo nɛ benapo nɛ b fuli kagbene n lar m ba kɔ na so.