Demujipoana 5:17 - EBƆRƐ BE KAWƆL

¹⁷ Gad be yiri to ebi daŋ chena lɔr nɛ baa tre Jɔɔdan na be epeŋilarkpa nna, nɛ Dan be yiri to ebi malɛ daŋ shir a wɔ bumo be nchuso be ekuloŋgboŋ ase. Ashɛr be yiri to ebi malɛ daŋ chena teku be kɔnɔ nna; nseŋ shir a wɔ kepla so ndoŋ.

Demujipoana 5:17 ပူးပေါင်းရင်းမြစ်များ

Jɛnesis 35:25

Reechel be kebita Bilha be mbia e daa la, Dan nɛ Naftali.

Eemɔs 4:3

Baaŋ gbeye menyi m bɔla men be kade be egbal na be kaba nɛ k bure na n ya lɛ kakpa nɛ baa tre Hɛɛmɔn be kaba so.” Ma Enyɛnpe Ebɔrɛ e malga na.

Joshuwa 13:25

Bumo alɛ be kasawule daŋ yili Jaza nɛ Giliad be kasawule so be ndegboŋ na kikɛ nɛ Ammɔn be kasawule be bargato n ya fo Arowa nɛ k wɔ Raaba be epeŋilarkpa be kaba so na nna.

Joshuwa 13:31

Giliad be kasawule na be bargato nɛ Ashterɔf nɛ Edrei nɛ a la Ɔg be efuli so be ndegboŋ ashi Bashan na kikɛ gba daŋ ti bumo be kasawule so nna. B daŋ ta amo kikɛ nna n sa Makiir nɛ e la Manase pibinyɛn na be yiri to be basa be bargato nɛ a ba la bumo be kapetɛ.

Joshuwa 22:9

Ndoŋ nna nɛ basa nɛ b shi Ruben nɛ Gad be yiri to na nɛ Manase be yiri nɛ k wɔ epeŋilarkpa be kaba so na bɛta n yɔ bumo pe ana. B daŋ yige Israɛlebi be basa nɛ b ka na nna ashi Shilo nɛ k wɔ Keenan na nseŋ bɛta n yɔ bumo gbagba be kasawule so ashi Giliad nɛ b kɔ n sɔ fanɛ kananɛ Enyɛnpe Ebɔrɛ bɔla Mosis so ŋ kaŋɛ bumo kenishipereso na.