Demujipoana 5:12 - EBƆRƐ BE KAWƆL

¹² Juŋkpar, Dɛbora, juŋkpar! Juŋkpar m pante kashɛ n wɔtɔ! Barak, Abinoam pibinyɛn, ba juŋkpar basa nɛ fo pɛ anya n yɔ!

Demujipoana 5:12 ပူးပေါင်းရင်းမြစ်များ

Nshɛ 108:2

Meeŋ fara a laŋ ma ejaŋjilaŋ a sa fo pɔɛŋ nɛ epeŋi e pete.

Nshɛ 57:8

Edi maŋ wɔ ma anishi to, meeŋ laŋ ma jaŋjilaŋ hale nɛ kare e ya chɛ.

Nshɛ 57:9

Enyɛnpe Ebɔrɛ, meeŋ fur fo nɛ ekama e nu. Nseŋ boŋ kabɔrɛshuŋ be nshɛ ashi basa kikɛ be anishito.

Nshɛ 68:18

Fo keta basa nɛ b ti ebu nna n dii n yɔ kebeegboŋ na be esoso. Ndoŋ nɛ basa ya kɛ fo asɔ. Fo doŋana nɛ b daa maa sha fanɛ fo baa wɔ ndoŋ gba sa fo ŋkɛ.

Aizaaya 14:2

Efuli pɔtɛana so be basa beeŋ chɛ Israɛl be basa to nɛ b bɛta n yɔ kasawule nɛ Enyɛnpe Ebɔrɛ na sa bumo na so. Efuli pɔtɛ ebi na beeŋ ya kaa shuŋ Israɛlebi na fanɛ anya, nɛ Israɛlebi na e naa ji kuwura basa nɛ b daa kɔrfɛ bumo na so.

Aizaaya 33:1

Asheŋ maaŋ nyalɛ n sa an doŋana! B suge anyi be asɔ nseŋ naŋ debɔr anyi, ama esa kama maŋ naŋ suge bumo ere be asɔ ŋko debɔr bumo. Bumo be kasuge nɛ kedebɔr be jemanɛ beeŋ fo ekar nɛ beko malɛ e suge bumo be asɔ nseŋ debɔr bumo.

Aizaaya 51:17

Jerusalɛm to ebi, men koso! Kasogberge nɛ Enyɛnpe Ebɔrɛ na nya agbo n shin nɛ k ba menyi so na shi ga. Kasogberge na shin nna nɛ menyee nite a lente fanɛ basa nɛ b boo nsa na.

Aizaaya 51:9

Enyɛnpe Ebɔrɛ, koso n chɛ anyi to! Bɔla fo eleŋgboŋ na so m mɔlga anyi, fanɛ kananɛ fo daŋ mɔlga anyi be basa dra dra na. Fo e daŋ ku teku to be kusɔbɔya lubi gboŋgboŋi nɛ baa tre Rehab, nɛ e yili n sa kebagato nɛ kulubi be eleŋana na to. Rehab yili n sa Ijipt be efuli jemanɛ nɛ Israɛlebi lar ndoŋ a yɔ na nna.

Aizaaya 60:1

Jerusalɛmebi, men koso n nyɛkpɛ n fulto fanɛ epeŋi. Karechɛ popɔr bee chɛ menyi so nna na. Ŋkpal manɛ so, Enyɛnpe Ebɔrɛ be kemaŋkura nyaŋɛ n yuu menyi so nna!

Jɛremaya 31:26

Saŋɛ na so basa beeŋ kaŋɛ le: ‘N di nna ŋ koso nɛ eleŋ popɔr.’

1 Kɔrintebi 15:34

Men naŋ bɛta n nya nfɛra nsaa maŋ naa wora alubi kashenteŋto. Menyi be beko maŋ nyi Ebɔrɛ. Kesheŋ nɛ mee kaŋɛ menyi ere la men be anishinyɔr nna.

Ɛfesesebi 4:8

Amoso nɛ abɔrɛsibɛ na bee kaŋɛ le na fanɛ: “E ka daŋ dii n yɔ esoso na, e daŋ yɛr anya nna nseŋ kɛ basa ŋkɛana.”

Ɛfesesebi 5:14

Amoso nɛ abɔrɛsibɛ na bee kaŋɛ le na fanɛ: “Edipo koso, niŋi to ŋ koso ashi luwu to nɛ Kristo e nyaŋɛ kefulto n yuu fo so.”

2 Timoti 2:26

nseŋ nya nfɛra n lar Setani be kejigbelɛ nɛ e ta m pɛ bumo n shin nɛ baa nu a sa mo na to.

Demujipoana 5:13

Nɛ benyɛn nɛ b ka na ba bumo be benimu kutɔ; nɛ Enyɛnpe Ebɔrɛ na be basa ba mo kutɔ fanɛ b wora shiriya nɛ b kɔ nna.