Demujipoana 5:11 - EBƆRƐ BE KAWƆL

¹¹ basa nɛ baa boŋ nshɛ atirbu ase na be ebɔl; baa kute Enyɛnpe Ebɔrɛ na be kekɔmpɔɔso be asheŋ nna, nsaa kaŋɛ Israɛl be basa ka kɔ m pɔɔ so be asheŋ! Enyɛnpe Ebɔrɛ na be basa bɛ abar so nna n yɔ bumo be ndegboŋana be mbuna ase.

Demujipoana 5:11 ပူးပေါင်းရင်းမြစ်များ

Jɛnesis 24:11

Kaaseso, saŋɛ nɛ beche bee yɔ eboŋ to na nɛ b fo ndoŋ. Ndoŋ nna nɛ e shin nɛ enyɔma na gbir ŋ gbir ketirbu ko ase ashi kade na be ekarso.

Jɛnesis 29:2

E ka bee yɔ nɛ e ya tu ketirbu ko kudɔsawule ko so nɛ mbolpɔ dese kumo ase ntuŋsaso, ŋkpal manɛ so, ketirbu na to nɛ b daa jɔ nchu a sa bumo. Kejembu gboŋgboŋi ko malɛ nɛ b daŋ ta m buu ketirbu na be kɔnɔ so.

Jɛnesis 29:3

Mbolpɔkpapo ko daa jo nna nɛ bumo braana kikɛ e gama pɔɛŋ nɛ b gbelti loŋ be kejembu na ashi to nseŋ jɔ nchu n sa bumo be mbolpɔ. Kumo be kaman nɛ b naŋ gbelti kejembu na m buu ketirbu na so.

Job be kawɔl 29:7

Jemanɛ kikɛ nɛ kadegboŋ na be benimu shɛr kadegboŋ na be kabuna nɛ ma alɛ gba ya tu bumo n chena,

Nshɛ 145:7

Baaŋ baa ji fo alelasheŋ damta be asheŋ a sa beko nsaa boŋ nshɛ kagbenefuliso a laŋɛ fo asheŋ niŋiso be kaplɛa so.

Nshɛ 71:15

Karechɛ kikɛ meeŋ baa malga fo alelasheŋ nɛ fo kumɔlga be asheŋ; ŋkpal manɛ so, fo wora asheŋgboŋ nɛ a baŋ ma kepinto so.

Aizaaya 12:3

Kananɛ esa nɛ achukoŋ kɔ be kagbene bee fuli nchu wushiso so na, aloŋ nɛ Ebɔrɛ be basa be ŋgbene bee fuli bumo jemanɛ nɛ e bee mɔlga bumo na.”

Aizaaya 28:6

Enyɛnpe Ebɔrɛ na beeŋ sa demujipoana kashenteŋji be nfɛra nseŋ sa kadegboŋ na be mbuna kenipoana kenyɛn be kagbene nɛ b baa tiŋ a kuŋ kadegboŋ na.

Nfabel 5:4

Naniere anyee ka nchu nɛ anyee nuu be kukɔ nna; nsaa tɔ ndibi puga edɛ yawu kpakpaso.

Nfabel 5:9

Anyee ta anyi be ŋkpa a kpa kelera nna pɔɛŋ nsaa nya ajibi jiso; ŋkpal basa nɛ baa mɔ basa ka sɔ efuli na be kaplɛkama so.

Maika 6:5

Ma basa, men baa nyiŋi kusɔ nɛ Mowab be ewura Balak daŋ kre kewora menyi nɛ kusɔ nɛ Biyɔɔ pibinyɛn Balaam daŋ kaŋɛ mo a laŋɛ menyi be kaplɛa so na. Men naŋ nyiŋi asheŋ nɛ e wora saŋɛ nɛ men lar Shitim a yɔ Gilgaal na nseŋ nyiŋi kananɛ ma, Enyɛnpe Ebɔrɛ na mɔlga menyi ale damta.”

Ditɛronɔmi 22:24

menyeeŋ keta bumo benyɔ na kikɛ n lar kade na to n ya kpa bumo ajembu m mɔ. Eche na daga luwu ŋkpal e ka maŋ boŋ to n tre basa nɛ b ba chɛ mo to jemanɛ nɛ e wɔ kade to nɛ ekama daŋ beeŋ tiŋ n nu e ka bee boŋ to so. Enyɛn na malɛ daga luwu nna ŋkpal e ka di eche nɛ esa ko bee ji mbe kesha so. Kananɛ menyeeŋ wora n lara le be kulubi ere ashi menyi to nna na.

Ditɛronɔmi 33:21

Bumo ere ta kasawule na be alela akpa nna n sa bumo be amu; ejuŋkparpo be kachige nɛ b ta n sa bumo. B daŋ wora Enyɛnpe Ebɔrɛ na be mbraana kasonu jemanɛ nɛ Israɛl be bejuŋkparpoana daŋ gama abar so na.”

Demujipoana 11:40

Kafɛ kikɛ, nchɛ ana nɛ Israɛlebi be mbichesobi bee lar a shu a kulti a nyiŋi Jɛfta pibiche ere.

Demujipoana 5:8

Jemanɛ nɛ Israɛlebi lara agbir popɔr a shuŋ na, nɛ kena ku bumo be ndeana to. Ama b daa maa kɔ abɛlso be asɔ kuŋso, ŋko akpa nɛ baaŋ ta ŋ kɔ.

1 Samuɛl 12:7

Naniere men yili nfe nɛ n nyiŋi menyi asheŋ tumase nɛ Enyɛnpe Ebɔrɛ wora nɛ kananɛ e mɔlga menyi nɛ men nananyɛnana na.