Demujipoana 5:1 - EBƆRƐ BE KAWƆL

¹ Kachɛ nɛ b kɔ kena na n loge na nɛ Dɛbora nɛ Abinoam pibinyɛn, Barak, boŋ kashɛ a kaŋɛ le:

Demujipoana 5:1 ပူးပေါင်းရင်းမြစ်များ

2 Samuɛl 22:1

Enyɛnpe Ebɔrɛ ka mɔlga ewura Deevid ashi mo doŋana nɛ ewura Sɔɔl be enɔ to na, nɛ e boŋ kashɛ ere m maŋkura mo.

2 Kronikɛls 20:21

Ewura na ka malga basa na kutɔ n loge, nɛ e shin nɛ beshɛbompo ko ta epiŋi nɛ baa buu nchɛgboŋ achɛ na m buu n juŋkpar benapo na nsaa a boŋ nshɛ a kaŋɛ le, “Kemaŋkura e baa la Enyɛnpe Ebɔrɛ na peya! Mbe kasha wɔtɔ nna hale mbaanaayɔ!”

2 Kronikɛls 20:27

Kumo be kaman nɛ Ewura Jehoshafat juŋkpar mbe benapo n yɔ Jerusalɛm kagbenefuliso ŋkpal Enyɛnpe Ebɔrɛ ka pɔɔ bumo doŋana so n sa bumo so.

Job be kawɔl 36:24

Beko kpaŋ Ebɔrɛ ŋkpal kusɔ nɛ e wora so, a daga fanɛ fo alɛ gba e kpaŋ mo.

Job be kawɔl 38:7

Loŋ be kachɛ na be kachipurdidi, achɛkpabi daa boŋ nshɛ nna, nɛ ebɔrɛso be emalaika kikɛ daa ji eyur.

Nshɛ 18:1

Enyɛnpe Ebɔrɛ mee sha fo; fo kutɔ nɛ ma eleŋ bee shi.

Nshɛ 32:7

Fo e la ma eŋanakpa. Fo alɛ beeŋ mɔlga ma ashi tɔrɔ to; nɛ m boŋ nshɛ awɔrso ŋkpal fo ka mɔlga ma so.

Ɛksodɔs 15:1

Ade kikɛ be kaman nɛ Mosis nɛ Israɛlebi na kikɛ boŋ le be kashɛ ere n sa Enyɛnpe Ebɔrɛ a kaŋɛ: “Meeŋ boŋ kashɛ n sa Enyɛnpe Ebɔrɛ na, ŋkpal manɛ so e kɔ m pɔɔ so kemaŋkuragboŋ so. Mo e shin nɛ egbaŋɛ nɛ bumo be bediipoana mur ashi teku to na.

Ɛksodɔs 15:21

Nɛ Miriam bee boŋ kashɛ a wɔtɔ bumo to a kaŋɛ: “Men boŋ kashɛ n sa Enyɛnpe Ebɔrɛ na, ŋkpal mbe kekɔmpɔɔso be eleŋ nɛ kemaŋkura ka shi ga so. Mo e shin nɛ egbaŋɛturko nɛ amo be bediipo mur teku to na.”

Aizaaya 25:1

Enyɛnpe Ebɔrɛ, fo e la ma Ebɔrɛ; Meeŋ maŋkura fo nseŋ kpaŋ fo ketre. Fo e wora emamachisheŋ nɛ a bee mɔ kɔnɔ; fo alɛ e ta kashenteŋji n shin nɛ fo ŋkre nɛ fo wora dra na kikɛ bɔlɔ so.

Aizaaya 26:1

Kachako bee ba nɛ basa e boŋ kashɛ ere ashi Juda be kasawule so: Anyi be kadegboŋ na kɔ eleŋ! Ebɔrɛ gbagba e naa kɔ a kuŋ kumo be egbalana!

Nɔmbɛs 21:17

Ndoŋ nna nɛ Israɛl be basa boŋ le be kasha ere: “Ketirbu, bul nchu. Nɛ an boŋ kasha n chɔrɔ.

Luuk 1:46

Nɛ Mɛɛri kaŋɛ: “Mee ta ma kagbene kikɛ a di Ebɔrɛ epaŋ.

Demujipoana 4:24

Israɛlebi na daŋ pɔɔ Keenan be ewura Jabin so nna, hale n ya mur mo kuraa.

Demujipoana 4:4

Anebiche ko nɛ baa tre Dɛbora, nɛ e daa la kanyɛn nɛ baa tre Lappidɔf na be eche, e daa juŋkpar Israɛlebi na loŋ be jemanɛ na.

1 Samuɛl 2:1

Ndoŋ nna nɛ Haana boŋ kashɛ ŋ kaŋɛ le: “Enyɛnpe Ebɔrɛ shin nɛ ma kagbene fuli ma. Ma kagbene fuli ma ga ŋkpal Ebɔrɛ ka mɔlga ma nseŋ sa ma eleŋ so. Ŋkpal kusɔ nɛ Ebɔrɛ wora n sa ma ere so meeŋ mushe ma doŋana.