Demujipoana 4:5 - EBƆRƐ BE KAWƆL

⁵ Dɛbora daa chena abii be kedibi ko nɛ baa tre kumo Dɛbora be Abiidibi nɛ k daa yil nde nɛ baa tre Rama nɛ Bɛtɛl be kefɛato ashi Efrayim be kepreŋsawule so na be kifito nna nɛ Israɛlebi na bee ba mo kutɔ nɛ e bee ji bumo be asheŋ a sa bumo.

Demujipoana 4:5 ပူးပေါင်းရင်းမြစ်များ

Jɛnesis 35:8

Loŋ be saŋɛ na nɛ Dɛbora, nɛ e daa la kebita a keni Rebɛka so kebiato na wu nɛ b puli mo Bɛtɛl be kedibigboŋ na ase. Loŋ so b daa tre ndoŋ Alɔn Bakut nna.

Ɛksodɔs 18:13

Kumo be ŋklade nɛ Mosis nawule chena a ji basa na kikɛ demu nɛ basa na yil mo so kachipurso loŋ hale n ya fo kaaseso.

Ɛksodɔs 18:16

Nɛ fanɛ bumo be benyɔ malɛ baŋ wora n da abar so baa ba ma kutɔ nna nɛ n yili Ebɔrɛ be mmalga naseso nɛ mbe mbraana so n ji bumo demu m pin emo nɛ e kɔ kashenteŋ.”

Ɛksodɔs 18:19

To, naniere nu ma kamalga ere. Fo nu kumo, Ebɔrɛ beeŋ chɛ fo to nɛ fo baa yili basa na kikɛ be katelamu to a ta bumo be edemu a ba Ebɔrɛ be anishito.

Ɛksodɔs 18:26

Ndoŋ nna nɛ loŋ be basa na fara a ji Israɛlebi na be edemu saŋkikɛ. Ama demu kama nɛ k daa la demugboŋ bre, b daa ta kumo nna a yɔ Mosis kutɔ, amo nɛ a daa maŋ la demugboŋ na bre, bumo gbagba e daa ji amo.

Jɛremaya 31:15

Enyɛnpe Ebɔrɛ na yɛ: “Awɔr ko bee cha ashi Raama be kade to; k la kenishipereso be kushu be awɔr nna. Reechel e naa shu nseŋ kini kelolo ŋkpal mbe mbia ka wu so.

Joshuwa 16:2

nseŋ yili Bɛtɛl n yɔ Luuz n ta n yɔ Atarɔf ashi Aakebi be kasawule so

Joshuwa 18:22

Bɛf Araba nɛ Zemaraim nɛ Bɛtɛl nɛ

Joshuwa 18:25

Gibiɔn nɛ Rama nɛ Biirɔf nɛ

Demujipoana 4:4

Anebiche ko nɛ baa tre Dɛbora, nɛ e daa la kanyɛn nɛ baa tre Lappidɔf na be eche, e daa juŋkpar Israɛlebi na loŋ be jemanɛ na.

1 Samuɛl 1:1

Kanyɛn ko e daa wɔ Raama ashi Efrayim be efuli so be kakpa nɛ abee wɔ na nɛ baa tre mo Ɛlkana. Ɛlkana mo tuto e daa la Jeroham nɛ mo nananyɛn malɛ daa la Elihu nɛ Elihu malɛ mo tuto daa la Tohu nɛ Tohu malɛ mo tuto daa la Zuuf.

1 Samuɛl 1:19

Kumo be ŋklade kachipurdidi nɛ Ɛlkana nɛ mbe kanaŋ wule ŋ koso n ya bunyaŋ Enyɛnpe Ebɔrɛ nseŋ bɛta n yɔ Raama, bumo be kade to. Elkana nɛ mbe eche Haana ka di keche nɛ kenyɛn nɛ Enyɛnpe Ebɔrɛ nu Haana be kabɔrɛkule.

1 Samuɛl 22:6

Kachako nɛ Sɔɔl tase kedibi fimbi ko nɛ baa tre tamariski na be kifito ashi Gibia be kebee na so nseŋ keta mbe kekpa nɛ mbe benapo be benimu kikɛ wɔ ndoŋ. Ndoŋ nna nɛ e nu fanɛ b wu Deevid nɛ mbe basa.

1 Samuɛl 25:1

Samuɛl ka wu nɛ Israɛlebi na kikɛ ba abar so m ba shu mbe keeli, nseŋ ta mo n ya puli mbe kade to ashi Raama. Ade kikɛ be kaman nɛ Deevid yɔ Paran be kiyi to.

1 Samuɛl 7:17

Saŋkama malɛ nɛ e baŋ loge mbe kushuŋ e bee bɛta nna n yɔ Raama mbe kade to n ya kaa ji bumo alɛ gba be asheŋ a sa bumo. E daŋ pɔr bɔrɛsure ashi Raama nna n sa Enyɛnpe Ebɔrɛ.