Demujipoana 4:4 - EBƆRƐ BE KAWƆL

⁴ Anebiche ko nɛ baa tre Dɛbora, nɛ e daa la kanyɛn nɛ baa tre Lappidɔf na be eche, e daa juŋkpar Israɛlebi na loŋ be jemanɛ na.

Demujipoana 4:4 ပူးပေါင်းရင်းမြစ်များ

2 Bewura 22:14

Hilkiya nɛ Ahikam nɛ Akbɔ nɛ Shafan nɛ Asaya e daŋ yɔ anebiche nɛ baa tre Hulda nɛ e wɔ Jerusalɛm be kelargato be esoso be kaba so na kutɔ. Hulda mo kul Shallum nɛ e la Tikva pibinyɛn nsaa la Hahas mo nanabi na e daa keni epiŋi so ashi bɔrɛlambu na to. B daŋ kaŋɛ anebi na kusɔ nɛ k wora kikɛ nna,

Nehemaya 6:14

Ndoŋ nna nɛ ŋ kule Ebɔrɛ le: “Ebɔrɛ nyiŋi kusɔ nɛ Tobaya nɛ Sanballat wora nɛ anebiche nɛ baa tre Nodaya nɛ anebiana nɛ b ka na be kananɛ b fin ekpa nɛ b funti ma. Jande gberge bumo kikɛ kusoe n sa ma.”

Ɛksodɔs 15:20

Ndoŋ nna nɛ anebi cheso Miriam, nɛ e la Ɛɛrɔn mo da cheso na, ta mbe chakachaka, nɛ beche nɛ b ka na malɛ ta echakachaka m bɛ mo so nɛ baa laŋ nsaa cha.

Ezikɛl 13:17

Ade be kaman nɛ Enyɛnpe Ebɔrɛ na naŋ kaŋɛ ma: “Naniere, dimɛdi pibi, kilgi fo anishi n yuu Israɛl be beche nɛ baa bɔla bumo gbagba be aparsheŋ so a wu asheŋ a kaŋɛ na so. Malga ŋ gbiti bumo

Maika 6:4

Ma e lara menyi nseŋ mɔlga menyi ashi kenyaya to ashi Ijipt be efuli so. Mosis nɛ Ɛɛrɔn nɛ Miriam nɛ n daŋ shuŋi fanɛ b ya juŋkpar menyi n lar ndoŋ.

Luuk 2:36

Epul na to gbagba nɛ anebiche ko nɛ baa tre Ana ba ndoŋ. Mo tuto e daa la Fanuwɛl nɛ e shi Ashɛr be kanaŋ to na.

Ashuŋ Shunso 21:9

E daa kɔ mo gbagba be mbichebi kurgeso bena. B daa la anebicheana nna a wɔtɔ a maŋ kil.

1 Kɔrintebi 11:5

Ama eche kama malɛ nɛ e bee kule Ebɔrɛ ŋko a wu abɔrɛsheŋ to a malga basa to nsaa maa ta shɛŋ a chɛ kumu bee ŋaba mbe kumu nna na. K baa du fanɛ b ka kpasa mbe kumu nna.

Galeeshaebi 3:28

Amoso, Ebɔrɛ be anishito Juw maŋ kɔr kanyamase to, kenya maŋ kɔr esa nɛ e wɔ mbe kumu to, benyɛn maŋ kɔr beche to, men kikɛ la kukoŋwule nna ashi Kristo Yesu to.

Demujipoana 4:3

Ewura Jabin daa kɔ abɛlso be egbaŋɛturko nɛ b kɔ a yɔ kena to alfa akpanu nna nseŋ daŋ kɔrfɛ Israɛl be basa na ga nfɛ adunyɔ. Ndoŋ nna nɛ Israɛlebi na shu n tre Enyɛnpe Ebɔrɛ na fanɛ e chɛ bumo to.

Demujipoana 4:5

Dɛbora daa chena abii be kedibi ko nɛ baa tre kumo Dɛbora be Abiidibi nɛ k daa yil nde nɛ baa tre Rama nɛ Bɛtɛl be kefɛato ashi Efrayim be kepreŋsawule so na be kifito nna nɛ Israɛlebi na bee ba mo kutɔ nɛ e bee ji bumo be asheŋ a sa bumo.

Demujipoana 5:1

Kachɛ nɛ b kɔ kena na n loge na nɛ Dɛbora nɛ Abinoam pibinyɛn, Barak, boŋ kashɛ a kaŋɛ le: