Demujipoana 4:3 - EBƆRƐ BE KAWƆL

³ Ewura Jabin daa kɔ abɛlso be egbaŋɛturko nɛ b kɔ a yɔ kena to alfa akpanu nna nseŋ daŋ kɔrfɛ Israɛl be basa na ga nfɛ adunyɔ. Ndoŋ nna nɛ Israɛlebi na shu n tre Enyɛnpe Ebɔrɛ na fanɛ e chɛ bumo to.

Demujipoana 4:3 ပူးပေါင်းရင်းမြစ်များ

Nshɛ 106:42

Bumo doŋana daŋ kɔrfɛ bumo nseŋ ji eleŋ bumo so ga.

Nshɛ 50:15

Men shu n tre ma ashi men be etɔrɔ to nɛ n mɔlga menyi, nɛ men bunyaŋ ma.

Nshɛ 78:34

Jemanɛ kikɛ nɛ Ebɔrɛ baŋ shin nɛ bumo be beko wu, bumo nɛ b ka na bee tuba nna nsaa kule mo kenishipere so.

Ɛksodɔs 2:23

Kumo be nfɛ damta ka ba choŋ nɛ Ijipt be ewura na wu, ama amo nɛ amo kikɛ nɛ Israɛlebi na kraa wɔ kenyaya to nna a ji awurfoŋ nsaa shu a tre Ebɔrɛ fanɛ e chɛ bumo to.

Ditɛronɔmi 28:29

E beeŋ shin nɛ men baa nite a laa a laa kapiidi fanɛ etanpo na a maa wu ekpa a nite. Ade kikɛ be kaman, kusɔ kama nɛ menyeeŋ baa wora maaŋ nyalɛ n sa menyi. Basa pɔtɛ beeŋ ba kaa mɛaŋ menyi nsaa yuri menyi be asɔ nɛ esa kikɛ maaŋ baa wɔtɔ nɛ e chɛ menyi to.

Ditɛronɔmi 28:33

Efuli pɔtɛ so be basa beeŋ ba suge menyi be adɔjibi nɛ men gben n dɔ n nya na. Menyi maaŋ naŋ nya shɛŋ ama kɔrfɛ nɛ kamɛaŋ nawule.

Joshuwa 17:16

Ndoŋ nna nɛ b kaŋɛ: “Abee so be kasawule na maŋ shibi n sa anyi, Keenanebi nɛ b wɔ keplasawuleso na malɛ kɔ anyembi be egbaŋɛturko nna. Bumo be bumo nɛ b wɔ Bɛf Shan nɛ ndewurbi nɛ a mata kumo na nɛ bumo nɛ b wɔ Jizreel be ketaŋɛ to na kikɛ kɔ amo nna.”

Demujipoana 1:19

Enyɛnpe Ebɔrɛ na e daŋ chɛ Judaebi na to nɛ b tiŋ ŋ kɔ n suge efuli nɛ a daa wɔ kebeesawule so na. Ama b daŋ maŋ tiŋ n ju basa nɛ b daa tase aplasawule so na bre, ŋkpal manɛ so, b daa kɔ abɛlso be egbaŋɛturko nna.

Demujipoana 10:10

Ndoŋ nna nɛ Israɛlebi na shu n tre Enyɛnpe Ebɔrɛ na ŋ kaŋɛ: “An wora alubi ŋ gbiti fo nseŋ kplaŋ anyi be Ebɔrɛ so n ya kaa shuŋ agbir nɛ baa tre Baal na.”

Demujipoana 10:16

Kumo be kaman nɛ b kini efuli pɔtɛ be agbir na kikɛ nseŋ fara a shuŋ Enyɛnpe Ebɔrɛ na. Nɛ Israɛlebi be awurfoŋ nɛ b daa ji na be asheŋ naŋ ba ka tɔrɔ Enyɛnpe Ebɔrɛ na.

Demujipoana 3:15

Ndoŋ nna nɛ Israɛlebi na naŋ shu n tre Enyɛnpe Ebɔrɛ na nɛ e naŋ sa bumo emɔlgapo nɛ baa tre mo Ehud, nɛ e la enapo nsaa la kanyɛn nɛ baa tre Gɛra, nɛ e shi Bɛnjamin be yiri to na pibinyɛn. Israɛlebi daŋ ta bumo be lampo nna n shuŋi Ehud fanɛ e ta n ya sa ewura Ɛglɔn nɛ e la Mowab be efuli so be ewura na.

Demujipoana 3:9

Ama Israɛlebi na ka naŋ shu n tre Enyɛnpe Ebɔrɛ na nɛ e shuŋi Kalɛb mo sipo Kɛnaz pibinyɛn, Ofniɛl, fanɛ e ba mɔlga bumo.

Demujipoana 4:13

nɛ e yili Haroshɛt Hagoyim ŋ gama mbe abɛlso be egbaŋɛturko alfa akpanu na kikɛ nɛ mbe benapo kikɛ nseŋ juŋkpar bumo m ba choŋ lɔr nɛ baa tre Kishɔn na ase.

Demujipoana 4:4

Anebiche ko nɛ baa tre Dɛbora, nɛ e daa la kanyɛn nɛ baa tre Lappidɔf na be eche, e daa juŋkpar Israɛlebi na loŋ be jemanɛ na.

Demujipoana 5:8

Jemanɛ nɛ Israɛlebi lara agbir popɔr a shuŋ na, nɛ kena ku bumo be ndeana to. Ama b daa maa kɔ abɛlso be asɔ kuŋso, ŋko akpa nɛ baaŋ ta ŋ kɔ.

Demujipoana 6:6

Israɛlebi na malɛ daa maŋ tiŋ nɛ b wora shɛŋ a laŋɛ bumo be kaplɛa so.

1 Samuɛl 7:8

Nɛ b kaŋɛ Samuɛl le: “Baa kule Enyɛnpe Ebɔrɛ na fanɛ e mɔlga anyi ashi Filistiebi ere be enɔ to.”