Demujipoana 4:19 - EBƆRƐ BE KAWƆL

¹⁹ Kumo be kaman nɛ Sisɛra kaŋɛ mo le: “Jande, sa ma nchu nɛ n nuu!” Nɛ Jaɛl ya duga kenyipochu deŋkeŋ to n sa mo nɛ e nuu. E ka nuu n loge nɛ e naŋ bela asɔ m buu mo so.

Demujipoana 4:19 ပူးပေါင်းရင်းမြစ်များ

Jɛnesis 24:43

Shin nɛ kebichebi kama nɛ e ba nɛ e ba jɔ nchu nɛ ŋ kaŋɛ mo fanɛ e sa ma nchu nɛ n nuu nɛ e shuli n sa nchu nɛ n nuu

1 Bewura 17:10

Anebi Elaija ka bee yɔ Zarefaat, n ya ka taga to kade na be kabunagboŋ na, nɛ e wu ekulpoche ko ka bee kil ndibi nɛ e kaŋɛ mo le: “Jande, sa ma nchu nɛ n nuu.”

Aizaaya 41:17

Nɛ ma basa be ebɔl to wɔlto ŋkpal achukoŋ so, nɛ baa fin nchu nɛ b nuu nseŋ kule ma, ma, Enyɛnpe Ebɔrɛ na beeŋ nu bumo be kekule. Ma, Israɛl be Ebɔrɛ na, maaŋ kplaŋ bumo so kikɛ.

Baru lela nɛ Jɔn kute na 4:7

Ndoŋ nna nɛ Samɛria be kache ko ba nɛ e ba jɔ nchu nɛ Yesu kaŋɛ mo le: “Jande, sa ma nchu nɛ n nuu.”

Demujipoana 4:18

Ndoŋ nna nɛ Jaɛl shɛr Sisɛra to nseŋ kaŋɛ mo le: “N nyɛnpe, luri a ba ma wajɛbu to. Sa maa ŋana kufu!” Nɛ Sisɛra luri wajɛbu na to n dese nɛ Jaɛl ta ketaa m buu mo so.

Demujipoana 4:20

Ndoŋ nna nɛ Sisɛra kaŋɛ kache na le: “Yili kabuna to a keni, esa kama kaŋ ba bishi fo fanɛ esa ko wɔ nfe a, fo kaŋɛ mo fanɛ esa kama maŋ wɔtɔ.”

Demujipoana 5:24

Beche kikɛ to, Hɛba be eche Jaɛl e la kumulelawura; beche nɛ b wɔ ewajɛbu to kikɛ to, mo e la esa nɛ e nya nɛfa ga.