Demujipoana 4:14 - EBƆRƐ BE KAWƆL

¹⁴ Ndoŋ nna nɛ Dɛbora kaŋɛ Barak le: “Yɔ! Enyɛnpe Ebɔrɛ na e naa juŋkpar fo! E teŋ pɔɔ Sisɛra so n sa fo kabre.” Ndoŋ nna nɛ Barak juŋkpar nɛ mbe benapo ŋgboŋ kudu na gbelge kebee nɛ baa tre Tabɔɔ na so n yɔ.

Demujipoana 4:14 ပူးပေါင်းရင်းမြစ်များ

Jɛnesis 19:14

Ndoŋ nna nɛ Lɔt yɔ benyɛn nɛ mbe bibichesobi na daa sha kekil na kutɔ n ya kaŋɛ bumo le: “Men wora manaŋ n lar nfe, ŋkpal manɛ so, Enyɛnpe na bee sha kemur kade ere nna na.” Ama b daŋ fɛ fanɛ e bee pɛl nna.

Jɛnesis 44:4

B ka lar kade na to b daa maŋ naŋ fo kufɔ nɛ Josɛf kaŋɛ mbe kayɛrbi nimuso le: “Ju m bɛ basa na so epul ere to. Nɛ fo ya tu bumo fo bishi bumo le: ‘Manɛ e ba nɛ menyee ta kulubi a ka kelela be kukɔ?

2 Samuɛl 5:24

Men ka baŋ nu awɔr ka bee chɛ ndibi na to, kumo ere men fara a kɔ, ŋkpal manɛ so, meeŋ juŋkpar menyi n ya kɔ m pɔɔ Filistiebi be benapo na so.”

Aizaaya 52:12

Ama men sa maŋ kuse n lar ndoŋ. Ŋkpal manɛ so, esa kama maa ju a buu menyi so. Enyɛnpe menyi be Ebɔrɛ na e naaŋ baa juŋkpar menyi, nsaa kuŋ menyi kaba kama so ashi men doŋana be enɔ to.

Maika 2:13

Meeŋ bugi ekpa n sa ma basa nseŋ juŋkpar bumo n lar kenyaya nɛ b wɔtɔ ashi efuli pɔtɛana so m ba ki bumo be ewura.”

Ditɛronɔmi 9:3

Ama menyi ere beeŋ wu naniere fanɛ Enyɛnpe menyi be Ebɔrɛ na beeŋ juŋkpar menyi fanɛ gbaŋgbaŋ to be edɛ na. E beeŋ pɔɔ bumo so n sa menyi jemanɛ nɛ menyeeŋ baa kɔ bumo na, saŋɛ na so, menyeeŋ mur bumo nseŋ suge bumo be kasawule, fanɛ kananɛ e nase kɔnɔ na.

Joshuwa 10:8

Nɛ Enyɛnpe Ebɔrɛ kaŋɛ Joshuwa le: “Sa maa ŋana bumo. N teŋ ta bumo m bɔɔ fo enɔ. Bumo be ekama maaŋ tiŋ n tu fo ŋ kɔ.”

Joshuwa 7:13

Kaŋɛ fo basa na fanɛ b lara alubi ashi bumo be ŋgbene to ŋ ki cheembi, saŋɛ na so, ma nɛ bumo beeŋ tiŋ n shɛr echefo, ŋkpal manɛ so, ma, Enyɛnpe Israɛl be Ebɔrɛ na kɔ le nɛ ŋ kaŋɛ: ‘Menyi Israɛlebi ka kɔ asɔ nɛ a maŋ daga men ka ta ŋ ki menyi peya so na so nɛ men doŋana pɔɔ menyi so na. Men maaŋ tiŋ n tu men doŋana ŋ kɔ, ama men baŋ lara amo efuli nna m mur amo!’

Demujipoana 19:28

Nɛ kanyɛn na kaŋɛ le: “Koso nɛ an yɔ!” Ama ejipoche na maŋ tuge shɛŋ. Ndoŋ nna nɛ kanyɛn na ta ejipoche na n deŋi kurma so nseŋ pɛ epe be akpa.

Demujipoana 4:10

Ndoŋ nɛ Barak ya tre Zɛbyulɔn nɛ Naftali be eyiri to ebi na nɛ benyɛn ŋgboŋ kudu lar m bɛ mo so nɛ bumo nɛ Dɛbora kikɛ yɔ.

Demujipoana 7:9

Kumo be kanyɛso nɛ Enyɛnpe Ebɔrɛ na kaŋɛ Gidiɔn le: “Men koso ŋ gbelge to n ya kɔ Midianebi na, ŋkpal manɛ so, meeŋ shin nɛ men pɔɔ bumo so.

1 Samuɛl 9:26

nɛ e dese nɛ mo nɛ Samuɛl ber bare. Kare ka chɛ kachipurdidi, nɛ Samuɛl tre Sɔɔl kuchoŋi na so ŋ kaŋɛ mo le: “Koso, nɛ n shuŋi fo akpa.” Nɛ Sɔɔl koso nɛ mo nɛ Samuɛl bɛ abar so n lar.