Demujipoana 4:12 - EBƆRƐ BE KAWƆL

¹² Sisɛra ka nu fanɛ Barak yɔ kebee nɛ baa tre Tabɔɔ na ase na

Demujipoana 4:12 ပူးပေါင်းရင်းမြစ်များ

Nshɛ 89:12

Fo e to kelargato be esoso nɛ kaseto kikɛ. K du fanɛ abee nɛ baa tre Tabɔɔ nɛ Hɛɛmɔn na bee boŋ nshɛ kagbenefuliso nna a kpaŋ fo ketre.

Nshɛ 89:13

Fo shibi nsaa kɔ eleŋ pasaa!

Jɛremaya 46:18

Ma, Enyɛnpe Ebɔrɛ na e la ewura. Ma e la Ebɔrɛ nɛ e bee sa ŋkpa na. Kananɛ Tabɔɔ be kebee baa du jeŋgreŋ a chɔ abeeana, nɛ Kaamɛl be kebee malɛ dii awɔlto a chɔ teku na, aloŋ nɛ edoŋ nɛ e beeŋ ba kɔ fo na be eleŋ beeŋ baa chɔ feya.

Hoziya 5:1

“Menyi bɔrɛmatapoana, e nu nfe! Israɛl be basa, men kaŋ kusoe n nu! Menyi nɛ men la kuwurji be kanaŋ to ebi, e nu nfe! Menyi ere e daga kebaaji asheŋ nɛ amo be ekpa so! Ama ŋkpal men ka maa wora loŋ so kasogberge beeŋ ba menyi so. Men ki ajigbelɛ nɛ ashewu nna n sho basa ashi Mizpa nɛ kebeegboŋ nɛ baa tre Tabɔɔ na so.

Joshuwa 19:12

Nseŋ yili Sarid be kaba nyɔsopo na n ta n sɔ to epeŋilarkpa be kaba so n ya fo Chislof Tabor be kasawule be ekar nseŋ keta loŋ n ya fo Daberaf nɛ Jafaya kikɛ.

Joshuwa 19:22

Bumo be kasawule na be ekar daŋ fo Tabɔɔ nɛ Shahazumah nɛ Bɛf Shimɛsh nɛ Jɔɔdan be lɔr na. Ndegboŋ kuduashe nɛ amo be ndewurbi e daa wɔ kasawule na so.

Joshuwa 19:34

Ndoŋ nɛ k yili ŋ kilgi n sɔ epeŋitɔrkpa be kaba so n yɔ Aznɔf Tabɔɔ n ta n ya bɔla Hukɔk n yɔ Zɛbyulɔn ashi kelargato be kaseto be kaba so nɛ Ashɛr ashi epeŋitɔrkpa be kaba so nɛ Jɔɔdan be lɔr na ashi epeŋilarkpa be kaba so.

Demujipoana 4:11

Jemanɛ ere so nɛ kanyɛn ko nɛ baa tre Heba, nɛ e shi Kɛn be kabuna na, malɛ yuu mbe wajɛbu ashi kadebi ko nɛ baa tre kumo Zaananim na be kedibi gboŋgboŋi ko ase m mata Kɛdesh. E daŋ lar mo kurgepoana Kɛnebi nɛ b la kanyɛn ko nɛ baa tre Hɔbab nɛ e la Mosis mo churo na be kaman to ebi na to nna n ya chena ndoŋ.

Demujipoana 4:13

nɛ e yili Haroshɛt Hagoyim ŋ gama mbe abɛlso be egbaŋɛturko alfa akpanu na kikɛ nɛ mbe benapo kikɛ nseŋ juŋkpar bumo m ba choŋ lɔr nɛ baa tre Kishɔn na ase.

Demujipoana 4:6

Kachako nɛ e shuŋi n tre kanyɛn nɛ baa tre Barak nɛ e la Abinoam pibinyɛn nseŋ shi kadegboŋ nɛ baa tre Kedɛsh nɛ k wɔ Naftali be yiri to be kasawule so na, ŋ kaŋɛ mo le: Enyɛnpe, Israɛl be Ebɔrɛ na yɛ: “Keni Naftali nɛ Zɛbyulɔn be eyiri to n lara benyɛn ŋgboŋ kudu n juŋkpar bumo n yɔ kebee nɛ baa tre Tabɔɔ na so.

Demujipoana 8:18

Ndoŋ nna nɛ Gidiɔn bishi Zeba nɛ Zalmuna le: “Nuso be basa nɛ men daŋ mɔ ashi Tabɔɔ na?” Nɛ b kaŋɛ mo le: “B daa du fanɛ fo nna. Bumo be ekama daa du fanɛ ewurbi nna.”