Demujipoana 4:11 - EBƆRƐ BE KAWƆL

¹¹ Jemanɛ ere so nɛ kanyɛn ko nɛ baa tre Heba, nɛ e shi Kɛn be kabuna na, malɛ yuu mbe wajɛbu ashi kadebi ko nɛ baa tre kumo Zaananim na be kedibi gboŋgboŋi ko ase m mata Kɛdesh. E daŋ lar mo kurgepoana Kɛnebi nɛ b la kanyɛn ko nɛ baa tre Hɔbab nɛ e la Mosis mo churo na be kaman to ebi na to nna n ya chena ndoŋ.

Demujipoana 4:11 ပူးပေါင်းရင်းမြစ်များ

Ɛksodɔs 18:1

Ade kikɛ be kaman nɛ Mosis mo shanyɛn Jetro nɛ e daa la Midian be bɔrɛmatapo na daŋ nu asɔ nɛ Ebɔrɛ wora n sa Mosis nɛ Israɛlebi na nɛ kananɛ Enyɛnpe Ebɔrɛ lara mbe basa Israɛlebi na ashi Ijipt be asheŋ.

Ɛksodɔs 2:18

Mbichesobi na ka bɛta n yɔ bumo tuto Jetro kutɔ nɛ e bishi bumo: “Manɛ nna nɛ men bɛta m ba manaŋ kabre loŋ?”

Ɛksodɔs 3:1

Mosis daa kpa mo shanyɛn Jetro nɛ e daa la Midian be bɔrɛmatapo na be mbolpɔ nna. Kachako nɛ e kpa bumo m bɔla kiyi to n ya fo Ebɔrɛ be kebeegboŋ nɛ baa tre Sainai na ase.

Nɔmbɛs 10:29

B ka bee bela ase nɛ b kaa na, nɛ Mosis kaŋɛ Jetro pibinyɛn Hobab nɛ e la mo ere Mosis mo churo na le: “Anyee bela ase nna nɛ an yɔ kakpa nɛ Enyɛnpe Ebɔrɛ nase kɔnɔ fanɛ e beeŋ sa anyi na. Mo e kaŋɛ fanɛ e beeŋ nɛfa Israɛl, amoso bɛ anyi so, asheŋ beeŋ ya nyalɛ n sa anyi kikɛ.”

Nɔmbɛs 10:32

Nɛ fo baŋ tu anyi n yɔ, nɛfa kama nɛ Enyɛnpe Ebɔrɛ beeŋ ta n nɛfa anyi na, fo alɛ gba beeŋ nya ako.”

Nɔmbɛs 24:21

Kusɔ nɛ e wu ŋ kaŋɛ a laŋɛ Kenebi be kaplɛa so mbe bɔrɛdare na to nde: “Menyee fɛ fanɛ men nya kekuŋ nna, fanɛ kananɛ kabuibi bee tɔl kasha kebee be esoso na.

Joshuwa 19:33

Bumo be kasawule be ekar daŋ yili Helɛf n yɔ Zaananim be kedibigboŋ na, n ya bɔla Adaminekɛb nɛ Jamnia n ta loŋ n ya fo Lakuum hale n ya fo Jɔɔdan be lɔr na.

Joshuwa 19:37

Kedɛsh nɛ Edrei nɛ, Enhazɔɔ nɛ

Demujipoana 1:16

Kɛnebi nɛ b la Mosis mo shanyɛn be kaman to ebi daŋ tu Judaebi nna n lar kade nɛ baa tre Jɛriko na n ya chena m mata kade nɛ baa tre Arad nɛ k dese kasawule wɔlso nɛ k wɔ kelargato be kaseto na so.

Demujipoana 4:12

Sisɛra ka nu fanɛ Barak yɔ kebee nɛ baa tre Tabɔɔ na ase na

Demujipoana 4:6

Kachako nɛ e shuŋi n tre kanyɛn nɛ baa tre Barak nɛ e la Abinoam pibinyɛn nseŋ shi kadegboŋ nɛ baa tre Kedɛsh nɛ k wɔ Naftali be yiri to be kasawule so na, ŋ kaŋɛ mo le: Enyɛnpe, Israɛl be Ebɔrɛ na yɛ: “Keni Naftali nɛ Zɛbyulɔn be eyiri to n lara benyɛn ŋgboŋ kudu n juŋkpar bumo n yɔ kebee nɛ baa tre Tabɔɔ na so.

1 Samuɛl 15:6

Le nɛ Sɔɔl daŋ kaŋɛ Kenebi ko nɛ b daŋ chena m mata Amalɛkebi na: “Saŋɛ nɛ anyi be efuli ere so ebi daŋ lar Ijipt a ba na, menyi be basa daŋ wora bumo kelela ga. Amoso men lar Amalɛkebi ere to manaŋ nɛ an sa maŋ kaŋ mɔ menyi n ti bumo so saŋɛ nɛ anyee kɔ bumo kena na.” Ndoŋ nna nɛ Kenebi na lar Amalɛkebi na to.

1 Samuɛl 27:10

nɛ Akish e bishi mo le: “Basa mo nɛ fo yaŋ kre kena n ya purgi kabre?” Nɛ Deevid malɛ e kaŋɛ mo fanɛ Juda be kelargato be kaseto be kaba so ŋko Jeramiil be kaman to ebi be kaba so ŋko Keenanebi na be kakpa nɛ b tase na be kaba so.