Demujipoana 3:9 - EBƆRƐ BE KAWƆL

⁹ Ama Israɛlebi na ka naŋ shu n tre Enyɛnpe Ebɔrɛ na nɛ e shuŋi Kalɛb mo sipo Kɛnaz pibinyɛn, Ofniɛl, fanɛ e ba mɔlga bumo.

Demujipoana 3:9 ပူးပေါင်းရင်းမြစ်များ

Nehemaya 9:27

Amoso fo ta bumo nna m bɔɔ bumo doŋana enɔ, nɛ b kɔrfɛ bumo ga. Ama bumo be awurfoŋ na to, b daŋ kule fo fanɛ fo chɛ bumo to nna. Ebɔrɛso nɛ fo wɔ nseŋ nu bumo be kekule, ŋkpal fo kuwɔrwu ka shi ga so, fo daŋ shuŋi bejuŋkparpo nna nɛ b ba kɔ n suge bumo ashi bedoŋ be enɔ to.

Nshɛ 22:5

B shu n tre fo, nɛ fo lara bumo ashi tɔrɔ to. B yirda fo, nɛ fo alɛ maŋ shin nɛ b ji anishinyɔr.

Nshɛ 78:34

Jemanɛ kikɛ nɛ Ebɔrɛ baŋ shin nɛ bumo be beko wu, bumo nɛ b ka na bee tuba nna nsaa kule mo kenishipere so.

Joshuwa 15:17

Otniɛl nɛ e daa la Kalɛb mo sipo Kenaaz pibinyɛn na e daŋ wora loŋ, nɛ Kalɛb ta mo pibiche Aksa n sa mo nɛ e kil.

Demujipoana 1:13

Nɛ Ofniɛl nɛ e la Kalɛb mo sipo Kɛnaz pibinyɛn, ya kɔ m pɔɔ kumo so nɛ Kalɛb ta mo pibiche, Aksa, n sa mo nɛ e ta ŋ ki mbe eche.

Demujipoana 10:10

Ndoŋ nna nɛ Israɛlebi na shu n tre Enyɛnpe Ebɔrɛ na ŋ kaŋɛ: “An wora alubi ŋ gbiti fo nseŋ kplaŋ anyi be Ebɔrɛ so n ya kaa shuŋ agbir nɛ baa tre Baal na.”

Demujipoana 2:16

Ade kikɛ be kaman nɛ Enyɛnpe Ebɔrɛ na naŋ lara bejuŋkparpo ko Israɛlebi na to nɛ b kɔ m mɔlga bumo ashi bumo doŋana be enɔ to.

Demujipoana 2:18

Jemanɛ kikɛ nɛ Enyɛnpe Ebɔrɛ na baŋ ya lara ejuŋkparpo n sa bumo, mo alɛ beeŋ chɛ loŋ be ejuŋkparpo na to nɛ e tiŋ m mɔlga bumo ashi bumo doŋana be enɔ to hale n ya fo fanɛ ejuŋkparpo na ka beeŋ wu. Ŋkpal manɛ so, jemanɛ kikɛ nɛ b baŋ ya kaa wɔ tɔrɔ to nseŋ shu n tre Enyɛnpe Ebɔrɛ na e bee wu bumo kuwɔr nna.

Demujipoana 3:15

Ndoŋ nna nɛ Israɛlebi na naŋ shu n tre Enyɛnpe Ebɔrɛ na nɛ e naŋ sa bumo emɔlgapo nɛ baa tre mo Ehud, nɛ e la enapo nsaa la kanyɛn nɛ baa tre Gɛra, nɛ e shi Bɛnjamin be yiri to na pibinyɛn. Israɛlebi daŋ ta bumo be lampo nna n shuŋi Ehud fanɛ e ta n ya sa ewura Ɛglɔn nɛ e la Mowab be efuli so be ewura na.

Demujipoana 3:8

Amoso nɛ Enyɛnpe Ebɔrɛ na nya agbo n wɔtɔ Israɛlebi nseŋ shin nɛ Ewura Kushan Rishateem, nɛ e la efuli nɛ baa tre Mɛsopoteemia na be ewura na ba kɔ m pɔɔ bumo so. Nfɛ aburwa nɛ Israɛlebi na bee shuŋ mo.

Demujipoana 4:3

Ewura Jabin daa kɔ abɛlso be egbaŋɛturko nɛ b kɔ a yɔ kena to alfa akpanu nna nseŋ daŋ kɔrfɛ Israɛl be basa na ga nfɛ adunyɔ. Ndoŋ nna nɛ Israɛlebi na shu n tre Enyɛnpe Ebɔrɛ na fanɛ e chɛ bumo to.

Demujipoana 6:7

Ndoŋ nna nɛ Israɛlebi na shu n tre Enyɛnpe Ebɔrɛ nɛ e chɛ bumo to ŋ kɔ Midianebi,

1 Samuɛl 12:10

Ndoŋ nna nɛ b naŋ shu n tre Enyɛnpe Ebɔrɛ ŋ kaŋɛ le: “An wora kulubi ŋkpal an ka kini keshuŋ fo Enyɛnpe Ebɔrɛ na nsaa shuŋ agbir nɛ baa tre Baal nɛ kegbirche Ashtɔrɛf na so so. Mɔlga anyi ashi an doŋana kutɔ saŋɛ na so anyeeŋ shuŋ fo!”