Demujipoana 3:7 - EBƆRƐ BE KAWƆL

⁷ Israɛlebi na daŋ teŋ Enyɛnpe bumo be Ebɔrɛ na so nna nseŋ wora alubi n da mo so, nsaa shuŋ kegbir nɛ baa tre Baal nɛ kegbirche nɛ baa tre Ashira na.

Demujipoana 3:7 ပူးပေါင်းရင်းမြစ်များ

1 Bewura 16:33

E daŋ pɔr kegbirche Ashira gba nna n yili, nseŋ wora asheŋ lubi damta ga a chɔ Israɛl be bewura na kikɛ, nɛ Enyɛnpe nɛ e la Israɛl be Ebɔrɛ na be agbo kaa ga.

1 Bewura 18:19

Kaŋɛ Israɛlebi na kikɛ nɛ b ba kebeegboŋ nɛ baa tre Kamɛl na ase m ba tu ma. Keta Baal be agbirwuraana alfa ana nɛ adunu nɛ kegbirche Ashira be agbirwuraana alfa ana nɛ baa tu ewurche Jɛzebel a ji na m ba!”

2 Bewura 23:14

Ewura Josaya daŋ bure agbir jembu na to nna kpachɛrkpachɛrbi nseŋ ku kegbirche Ashira be kapɔrduli na n lɛ nseŋ ta edimɛdi be awibi n fari kaboŋ nɛ a daa yili na be kaplɛkama.

2 Bewura 23:6

E daŋ lara kegbirche Ashira be kapɔrduli na Enyɛnpe Ebɔrɛ be bɔrɛlambu na to nna n ta kumo n lar kade na to yɔ Kidrɔn be ketaŋɛ na to n ya chɔɔ kumo nseŋ bɛa kumo to nɛ k ki fanɛ nyifu nɛ e ta amo n lɛ basa be nchaŋana so.

2 Kronikɛls 15:16

Ewura Asa mo nanache Maaka daŋ yuu kedibi nna a shuŋ kegbirche nɛ baa tre Ashira na nɛ ewura Asa tia kumo ŋ kuya to n chɔɔ ashi Kidrɔn be ketaŋɛ to. Ŋkpal kusɔ nɛ Maaka wora na so nɛ ewura Asa lara mo ashi eyilikpa nɛ e daa kɔ efuli na so to.

2 Kronikɛls 24:18

Basa na daa maŋ naa yɔ bɔrɛlambu na to n ya kaa bunyaŋ bumo nananyɛnana be Ebɔrɛ na. B daŋ naŋ fara nna a shuŋ agbir nɛ kegbirche Ashira be kegbir be kapɔrduli. Ŋkpal kulubi nɛ b wora ere so, Enyɛnpe Ebɔrɛ be agbo daŋ ba Juda nɛ Jerusalɛm be basa so nna.

2 Kronikɛls 33:19

Ewura Manase be kabɔrɛkule nɛ kananɛ Ebɔrɛ nu mbe kekule, nɛ alubi nɛ e wora kikɛ pɔɛŋ nseŋ chɛrga, nɛ nnyamase be agbirana nɛ e shuŋ nɛ mboŋ nɛ e pɔr kegbirche Ashira nɛ agbirana be mpɔrduli, nɛ asheŋ nɛ e wora kikɛ be asheŋ wɔ anebiana be adrasheŋ be nwɔl to.

2 Kronikɛls 33:3

E daŋ lɔŋɛ nna m pɔr efuli pɔtɛana so be agbir nɛ mo tuto ewura Hɛzekaya daŋ mur na nna, nɛ ebɔrɛsure n sa Baal be kegbir na, nseŋ yuu kegbirche Ashira be mpɔrduli, nsaa shuŋ achɛkpabi gba.

2 Kronikɛls 34:3

Josaya ka ji kuwura be kafɛ burwasopo to, jemanɛ nɛ e kra la kabrantiɛfɔlbi na, nɛ e fara a bunyaŋ mo nananyɛn ewura Deevid be Ebɔrɛ na. Mbe kuwurji be kafɛ kuduanyɔsopo to, nɛ e fara a jija mboŋ nɛ nnyamase bee shuŋ bumo be agbir, nɛ kegbirche Ashira be mpɔrduli nɛ agbir nɛ b shɛl, nɛ amo nɛ b ŋalga asɔ n wora na kikɛ ashi Juda be efuli so nɛ Jerusalɛm to.

2 Kronikɛls 34:7

E daŋ bure ebɔrɛsure nɛ kegbirche Ashira be mpɔrduli nɛ a wɔ Israɛl be kelargato be esoso be kaba so be efuli so kikɛ nna nseŋ kɔr agbir na to nseŋ bɛa ebɔrɛsure nɛ baa chɔɔ eduwu amo so na to kpachɛrkpachɛrbi. E ka wora loŋ n loge nɛ e bɛta n yɔ Jerusalɛm.

Nshɛ 106:35

Ama b daŋ ji bumo keteri nna hale a wora asheŋ nnyamase na be edaŋkare be ekpa so.

Nshɛ 106:36

Ebɔrɛ be basa na daŋ shuŋ agbirana nna, nɛ kumo be loŋ shin nɛ kemur ba bumo so.

Nshɛ 106:7

An nanaana ka daa wɔ Ijipt be efuli so na, bumo be lakal daa maa wɔ Ebɔrɛ be mamachi be asheŋ woraso so; ŋko kasha so. Jemanɛ nɛ b daa dii teku peper na, b daŋ pal kaman nna n sa mo.

Ɛksodɔs 34:13

Ama men bure m bure bumo be agbirana nɛ amo be elambuana nseŋ ku kegbirche Ashira be ndulgi be ndibiana na n lɛ.

Jɛremaya 23:27

Baa fɛ nna fanɛ edareana nɛ baa kute na beeŋ shin nɛ ma basa e teŋ ma so, fanɛ kananɛ bumo nananyɛnana daŋ kini ma nseŋ ya kaa shuŋ kegbir nɛ baa tre Baal na.

Ditɛronɔmi 16:21

Kumo be kaman nɛ men baŋ pɔr Enyɛnpe menyi be Ebɔrɛ na be bɔrɛsure, men sa maŋ kaŋ yuu kedibi tenteŋ nɛ k yili n sa kegbir cheso nɛ baa tre ‘Ashira’ na kumo ase.

Ditɛronɔmi 4:9

Amoso, men baa da so nɛ menyi maaŋ teŋ asheŋ nɛ men wu Ebɔrɛ ka wora n sa menyi ere so. Men baa nyiŋi menyi be amu nsaa kaŋɛ menyi be mbia nɛ benanabiana amo be asheŋ.

Ditɛronɔmi 8:11

Men baa da so nɛ menyi maaŋ teŋ Enyɛnpe Ebɔrɛ na so ŋko n wora mbe mbraana nɛ n ta a sa menyi kabre ere kusoe kpakpaso.

Ditɛronɔmi 8:14

men baa da so nɛ kamoowu maaŋ luri menyi to nɛ men teŋ Enyɛnpe menyi be Ebɔrɛ nɛ e kɔ n suge menyi kenyaya to ashi Ijipt be efuli so na so.

Ditɛronɔmi 8:18

Ama men baa nyiŋi fanɛ Enyɛnpe menyi be Ebɔrɛ na e sa menyi eleŋ nɛ men ta n fin kedamaya na. Mo alɛ wora loŋ nna a ŋini fanɛ, e bee ji kashenteŋ a sa mo nɛ men nananyɛnana be kɔnɔkoŋwule be ŋkre na nna hale nɛ mbre.

Demujipoana 3:12

Kede be kaman, nɛ Israɛlebi na naŋ wora alubi n da Enyɛnpe Ebɔrɛ na so nɛ e kpal loŋ so n sa Ɛglɔn nɛ e la Mowab be efuli so be ewura na eleŋ nɛ e kɔ m pɔɔ Israɛl so.

Demujipoana 3:8

Amoso nɛ Enyɛnpe Ebɔrɛ na nya agbo n wɔtɔ Israɛlebi nseŋ shin nɛ Ewura Kushan Rishateem, nɛ e la efuli nɛ baa tre Mɛsopoteemia na be ewura na ba kɔ m pɔɔ bumo so. Nfɛ aburwa nɛ Israɛlebi na bee shuŋ mo.

Demujipoana 6:25

Kumo be kanyɛso nɛ Enyɛnpe Ebɔrɛ na naŋ ba kaŋɛ Gidiɔn: “Ya keni fo tuto be kenalu to n lara gbolu nɛ e fo nfɛ ashunu na nseŋ bure mbe kegbirsure nɛ e pɔr n yili Baal na nseŋ naŋ tia kegbirche Ashira be kedibi tenteŋ nɛ k yil m mata kumo na n lɛ.

Demujipoana 8:33

Gidiɔn be luwu be kaman, Israɛlebi na kraŋ pal kaman nna n sa Ebɔrɛ nsaa shuŋ agbir. B daa shuŋ agbir nɛ baa tre Baal na nna nseŋ ta kumo nɛ baa tre Baal Bɛrif na fanɛ bumo kegbirgboŋ,

Demujipoana 8:34

nseŋ kini kenaŋshuŋ Enyɛnpe bumo be Ebɔrɛ nɛ e mɔlga bumo ashi bumo doŋana nɛ b kulti bumo na be enɔ to na.

1 Samuɛl 12:10

Ndoŋ nna nɛ b naŋ shu n tre Enyɛnpe Ebɔrɛ ŋ kaŋɛ le: “An wora kulubi ŋkpal an ka kini keshuŋ fo Enyɛnpe Ebɔrɛ na nsaa shuŋ agbir nɛ baa tre Baal nɛ kegbirche Ashtɔrɛf na so so. Mɔlga anyi ashi an doŋana kutɔ saŋɛ na so anyeeŋ shuŋ fo!”

1 Samuɛl 12:9

Ama ŋkpal Israɛlebi na ka daŋ kini kenu n sa Enyɛnpe Ebɔrɛ so, E daŋ sa Filistiebi na nɛ Mowab be ewura nɛ Sisɛra nɛ e la Heezɔ be kade be benapo be enimu na ekpa nna nɛ b kɔ m pɔɔ bumo so.”