Demujipoana 3:3 - EBƆRƐ BE KAWƆL

³ Basa pɔtɛ nɛ Enyɛnpe Ebɔrɛ na daŋ shin nɛ b ka kasawule na so na e daa la Filistiebi be ndegboŋ anu nɛ Keenanebi kikɛ nɛ Sidɔnebi nɛ Hivebi nɛ b daa wɔ Lebanɔn be abee nɛ yili kebee nɛ baa tre Baal Hɛɛmɔn na n ya fo kakpa nɛ baa tre Hamat be kɔnɔ to na so na.

Demujipoana 3:3 ပူးပေါင်းရင်းမြစ်များ

Jɛnesis 49:13

Zɛbyulɔn beeŋ ba kaa wɔ teku ase nɛ mbe echenakpa e ki nchu so be ekuloŋgboŋana be eyilikpa. Mbe kasawule beeŋ dese loŋ n ya taga to Sidɔn.

2 Samuɛl 24:7

Kumo be kaman nɛ b yɔ kade nɛ b pɔr egbal ŋ kulti nɛ baa tre Tayɛ na, n ta loŋ n ya fo Hivebi nɛ Keenanebi be nsawule so be nde kikɛ to. N yili ndoŋ n yɔ Bɛshiba nɛ k wɔ Juda be kelargato be kaseto be keshishɛrsawule so na.

1 Bewura 8:65

Ewura Sɔlɔmɔn nɛ Israɛlebi na kikɛ daŋ ji abuu to be kebaawɔtɔ be kejigboŋ nchɛnshunu nna m bɛ abar so. Basa na daŋ shi efuli na be kaplɛkama nna. Bedamta daŋ shi Hamaf Paas ashi kelargato be esoso be kaba so nna nɛ beko malɛ shi Ijipt be kasawule be egbaŋ to ashi kelargato be kaseto be kaba so.

1 Bewura 9:20

Ewura Sɔlɔmɔn daŋ shin nna nɛ Keenan be efuli so be basa, nɛ Israɛlebi daa maŋ mɔ saŋɛ nɛ b daŋ lar Ijipt m ba sɔ kasawule na bee shuŋ a sa mo. Bumo e daa la Hitebi nɛ Amɔriebi nɛ Pɛrizebi nɛ Hivebi nɛ Jebusiebi nɛ bumo be kaman to ebi la anya hale m ba fo kabre.

Ezikɛl 47:20

Kumo be epeŋilarkpa be ekar malɛ beeŋ fara Mɛditerenia be Teku ase ŋ keta n sɔ kelargato be esoso n ya fo Lɛbo Hamaf be epeŋitɔrkpa be kaba so.

Nɔmbɛs 13:29

Amalɛkebi e chena kasawule na be kelargato be kaseto be kaba so, nɛ Hitebi nɛ Jebusiebi nɛ Amɔriebi malɛ chena kebee be efuli na be kaba so; nɛ Keenanebi malɛ chena m mata Teku nɛ baa tre Mɛditerenia na nɛ Jɔɔdan be lɔr na be ekarso.”

Nɔmbɛs 34:8

nseŋ yili ndoŋ n yɔ Hamaf be kepla na ŋ keta n ya fo Zedad

Ditɛronɔmi 1:7

Men kaa keeyi nseŋ fara a yɔ Amɔriebi be kepreŋsawule nɛ mboŋ nɛ a kulti ndoŋ na so, an ta fanɛ Jɔɔdan be ketaŋɛ na nɛ keplasawule nɛ abonfu nɛ a dese a laŋɛ kelargato be kaseto na nɛ Teku nɛ baa tre Mɛditerenia na be ekarso. Men yɔ Keenan be kasawule so hale m baŋ so n yɔ Lebanɔn be abee ase n ya fo Lɔrgboŋ nɛ baa tre Yufreetes na ase.

Ditɛronɔmi 3:9

(Hɛɛmɔn be kebeegboŋ ere nɛ Sidɔnebi bee tre Siriyɔn nɛ Amɔriebi malɛ bee tre kumo Senir.)

Joshuwa 11:19

Basa nɛ bumo nɛ Israɛlebi daŋ wora kagbenewushi be kɔnɔkoŋwule e daa la Hivebi nɛ b wɔ Gibiɔn na. Bumo nɛ b ka na bre kikɛ, Israɛlebi daŋ pɔɔ bumo so kena na to nna.

Joshuwa 11:3

E daŋ sa Keenanebi nɛ b chena Jɔɔdan be lɔr na be mba anyɔ so na nɛ Amɔriebi nɛ Hitebi, nɛ Pɛrizebi nɛ Jebusiebi nɛ b wɔ abee be efuli so na, nɛ Hivebi nɛ b chena kebeegboŋ nɛ baa tre Hɛɛmɔn na be kaseto ashi Mispa be kasawule so na gba ebɔl.

Joshuwa 13:3

nɛ Avvim be efuli ashi kelargato be kaseto be kaba so. Kumo e yili Shihɔr be kabombi nɛ k wɔ Ijipt be ekar n ya fo Ekrɔn be ekar ashi kelargato be esoso nɛ baa tre kumo Keenanebi be kasawule na. Ndoŋ be nde e la Gaaza nɛ Ashdɔd nɛ Ashkɛlɔn nɛ Gaaf nɛ Ekrɔn nɛ Filistiebi be bewura daa wɔ na.

Joshuwa 13:5

N ta Gebalebi be efuli nɛ Lebanɔn kikɛ ashi epeŋilarkpa, n yili Baal Gad nɛ k wɔ kebeegboŋ nɛ baa tre Hɛɛmɔn na be kelargato be kaseto hale n ya fo Hamaf.

Joshuwa 19:28

Ebrɔn nɛ Rehɔb nɛ Hamɔn nɛ Kaana hale n ya fo Sidɔn.

Joshuwa 9:7

Ama le nɛ Israɛlebi na daŋ kaŋɛ: “Manɛ so nɛ anyi nɛ menyi bee wora kɔnɔkoŋwule be ŋkre? Ashere anyi nɛ menyi maŋ chena n feŋ abar ga gba.”

Demujipoana 10:12

Sidɔnebi nɛ Amalɛkebi nɛ Maonebi na kikɛ daa kɔrfɛ menyi nɛ men shu n tre ma fanɛ n chɛ menyi to na, m maŋ mɔlga menyi ashi bumo be enɔana to nna a?

Demujipoana 10:7

Ndoŋ nna nɛ Enyɛnpe Ebɔrɛ na nya agbo n wɔtɔ bumo nseŋ shin nɛ Filistiebi nɛ Ammɔnebi ba kɔ m pɔɔ bumo so.

Demujipoana 14:4

Samsɔn mo nio nɛ mo tuto bre daa maŋ nyi fanɛ Enyɛnpe Ebɔrɛ na e daa fin ekpa nɛ e kɔ n suge Israɛl be basa ashi Filistiebi nɛ b daa ji Israɛl so kuwura loŋ be jemanɛ na be enɔ to. Amoso nɛ e shin nɛ Samsɔn be kagbene pɛ eche na na.

Demujipoana 18:7

Ndoŋ nna nɛ basa anu na ta n yɔ Layish be kade to n ya wu fanɛ ndoŋebi be kebaawɔtɔ baa du fanɛ Sidɔnebi peya nna. Shɛŋ shɛŋ daa maa tɔrɔ bumo ndoŋ. B daa maa ŋana kufu fanɛ kusɔ ko beeŋ wora bumo, amoso shɛŋ be asheŋ maŋ tir bumo.

Demujipoana 3:2

E daŋ wora le nna nɛ e ŋini Israɛlebi be kenana kama kena be asheŋ, fɔŋfɔŋ bumo nɛ b maŋ naŋ kɔ kena ŋ ku so na.

Demujipoana 4:2

Amoso nɛ Enyɛnpe Ebɔrɛ na shin nɛ Jabin nɛ e la Keenan be ewura nseŋ daŋ chena kade nɛ baa tre Hazɔɔ a ji kuwura na pɔɔ bumo so. Kanyɛn nɛ baa tre Sisɛra na e daa la mbe benapo be enimu. Kade nɛ baa tre Haroshɛt Haggoyim na nɛ e daa wɔ.

1 Samuɛl 13:5

Ndoŋ nna nɛ Filistiebi na tre bumo be benapo m ba shɛr abar so nɛ b kɔ Israɛlebi kena. B daa kɔ egbaŋɛturko ŋgboŋ asa nɛ egbaŋɛdiipoana ŋgboŋ ashe nɛ bumo be benapo nɛ b na aya so malɛ daa shi fanɛ teku ase be leele. Nɛ b ya wora bumo be keeyi to ashi Mikmash nɛ k wɔ Bɛf Avɛn be epeŋilarkpa be kaba so na.

1 Samuɛl 29:2

Filisti be bewura anu na ka keta bumo be benapo ntuŋ kalfa kalfa nɛ ntuŋ kagboŋ kagboŋ so a yɔ, nɛ Deevid malɛ nɛ mbe basa nɛ ewura Akish wɔ bumo be kaman a ba.

1 Samuɛl 6:16

Filisti be bewura anu na ka wu kusɔ nɛ k wora na nɛ b bɛta n yɔ Ekrɔn be kade to kamɔnchɛ na kikɛ.

1 Samuɛl 6:18

Shuwa be asɔ anu nɛ a du fanɛ eshiboe na be kekama malɛ daŋ yili nna n sa Filistiebi be nde nɛ b pɔr egbal ŋ kulti na nɛ ndewurbi nɛ a mata amo na be bewura anu na. Kejembu gboŋgboŋi nɛ Livaiebi na daŋ ta Enyɛnpe Ebɔrɛ be ŋkre be deka na n ya yili so ashi Bɛf Shimɛsh be kanyɛn ko nɛ baa tre Joshuwa na be ndɔ to na, kraa dese shɛda so hale kabre.

1 Samuɛl 6:4

Nɛ basa na naŋ bishi le: “Nuso be kakɛ e daga an ka ta n ya sa mo?” Nɛ agbirwuraana na nɛ bekpalpo na kaŋɛ: “Men ta shuwa n lɔŋɛ asɔ anu fanɛ achuubɔbɔ nseŋ naŋ ta shuwa n lɔŋɛ eshiboe anu nɛ a yili n sa Filisti be bewura anu na, ŋkpal manɛ so kulɔ na teŋ pɛ menyi nɛ bewura na kikɛ.