Demujipoana 3:27 - EBƆRƐ BE KAWƆL

²⁷ Ehud ka fo Siira ashi Efrayim be abeesawule so, nɛ e foŋ kabel n tre Israɛl be basa fanɛ b lar m ba kɔ kena, nseŋ juŋkpar bumo ŋ gbelge abee na so

Demujipoana 3:27 ပူးပေါင်းရင်းမြစ်များ

2 Samuɛl 20:22

Ndoŋ nna nɛ e yɔ kade na be basa kutɔ nɛ mo nɛ bumo kre ŋkre nɛ b ku Shɛba be kumu n ta kumo ŋ kpa egbal na be kaman n sa Jɔab. Nɛ Jɔab foŋ kabel a ŋini fanɛ mbe benapo na e lar kade na to. Benapo na ka lar n choŋ epe nɛ Jɔab malɛ bɛta n yɔ ewura Deevid kutɔ ashi Jerusalɛm.

2 Bewura 9:13

Epul to nɛ Jehu mo braana benimu na parga bumo be epiŋi to n deŋi ketempreŋ na so nɛ Jehu dii n yili so. Nɛ b foŋ mbel nseŋ cha awɔr ŋ kaŋɛ: “Jehu e la ewura!”

Nehemaya 4:14

Kumo be kaman nɛ n wu fanɛ basa na be ŋgbene jija bumo, nɛ ŋ kaŋɛ bumo nɛ bumo be bejuŋkparpo nɛ ekrachi na le: “Men sa maa ŋana anyi doŋana ere. Men baa nyiŋi kananɛ Enyɛnpe na be eleŋ shi ga nɛ kananɛ mbe asheŋ bee keta kufu. Amoso men leŋ menyi be amu to nseŋ kɔ kenishipereso n sa menyi be basa nɛ mbia nɛ beche nɛ elantoebi!”

Joshuwa 17:15

Nɛ Joshuwa kaŋɛ le: “Nɛ Efrayim be kebee so be kasawule na du fimbi n sa menyi ŋkpal men ka shi so, kumo ere men ya lɔŋɛ kupo nɛ k wɔ Pɛrizebi nɛ Refaebi be kasawule so na n chena.”

Joshuwa 17:18

Abee so be kasawule na be kaba so beeŋ baa la menyeya. K la kupo nna bre ama men ya lɔŋɛ ndoŋ n chena. Kashenteŋ nna fanɛ Keenanebi na kɔ anyembi be egbaŋɛturko nsaa kɔ eleŋ, ama menyeeŋ tiŋ n ju bumo kasawule na so.”

Demujipoana 10:1

Abimelɛk ka wu be kaman, kanyɛn ko nɛ baa tre mo Tola, nɛ e la Puwa pibinyɛn nɛ mo nananyɛn daa la Dodo na, e ba sɔ so nɛ e mɔlga Israɛl be efuli na ashi bumo doŋana be enɔ to. Issaka be kabuna nɛ e shi, ama e daŋ chena Shamir nɛ k wɔ Efrayim be kepreŋ be efuli so na nna.

Demujipoana 17:1

Kanyɛn ko e daa wɔtɔ nɛ baa tre mo Maika nɛ e daŋ chena Efrayim be kepreŋsawule so.

Demujipoana 19:1

Pɔɛŋ nɛ bewura fara a ji kuwura ashi Israɛl be efuli so na, Livai be yiri to be kanyɛn ko e daa wɔ kakpa wɔfɔ ko ashi Efrayim be kepreŋsawule so nseŋ ya ta ejipoche ashi kade nɛ baa tre Bɛtlɛhɛm nɛ k wɔ Juda be efuli so na.

Demujipoana 3:26

Jemanɛ nɛ baa jo na nɛ Ehud malɛ nya ekpa n shile. E daŋ shile n ya baŋ ajembu nɛ b shɛl n yili na so n ya fo kade nɛ baa tre Siira na.

Demujipoana 5:14

Beko daŋ shi Efrayim be yiri to m ba, kakpa nɛ Amalɛkebi daa wɔ na. Nɛ beko malɛ shi Bɛnjamin be yiri to m ba; nɛ benapo nimuso shi Makiir nɛ e shi Manase be yiri to na be kanaŋ to m ba, nɛ bejuŋkparpo na malɛ shi Zɛbyulɔn be eyiri to m ba.

Demujipoana 6:34

Ndoŋ nna nɛ Enyɛnpe Ebɔrɛ na be Kiyoyu ba Gidiɔn so nɛ e foŋ kabel n tre Abiyeza be kabuna be benyɛn kikɛ fanɛ b ba bɛ mo so,

Demujipoana 7:24

Nɛ Gidiɔn shuŋi mbɔ Efrayimebi nɛ b chena kebeesawule so na kutɔ ŋ kaŋɛ: “Men gbelge to m ba kɔ Midianebi na. Men baa kuŋ bumo nɛ b sa maŋ nya n dii Jɔɔdan nɛ mbombi nɛ a wɔ Bɛf Bara na.” Ndoŋ nna nɛ Efrayimebi na lar n ya yili Jɔɔdan be lɔr na ase a kuŋ hale n ya fo Bɛf Bara.

1 Samuɛl 13:3

Nɛ Jonatan be benapo yɔ n ya kɔ Filistiebi be benapo ashi Gɛba, nɛ Filistiebi na kikɛ nu kumo be asheŋ. Ndoŋ nna nɛ Sɔɔl shuŋi mbɔ fanɛ b nite efuli na so kikɛ n foŋ kabel ŋ kaŋɛ basa kusɔ nɛ k wora.