Demujipoana 3:16 - EBƆRƐ BE KAWƆL

¹⁶ Ama pɔɛŋ nɛ Ehud yɔ na, e daŋ bɛl tokobi ji nnɔ nyɔ nna, nɛ kumo be nteŋ sa fanɛ keyadra koŋwule nɛ bargato, ŋ kre m mata mbe jisa be kebembi nseŋ buu piŋi n deŋi so.

Demujipoana 3:16 ပူးပေါင်းရင်းမြစ်များ

2 Samuɛl 20:8

B ka bee yɔ n ya fo Gibiɔn be kefalta gboŋ na ase nɛ Amasa ba tu bumo ndoŋ. Jɔab malɛ daŋ buu mbe anasɔ nna nɛ mbe kasaŋɛbi wɔ kumo be efar to a chɛ mbe kashɛr to a chul. E ka bee ba Amasa kutɔ, nɛ mbe kasaŋɛbi na lar kumo be efar to n tɔr.

Nshɛ 149:6

B baa kpaŋ Ebɔrɛ awɔrso jemanɛ nɛ b ta bumo be etokobi jiso m bɔɔ enɔ a yɔ

Nshɛ 45:3

Ewurgboŋ, kemaŋkura wura nɛ ejuŋkparpo, ta fo tokobi n wɔtɔ kumo be efar to ŋ kre kashɛr to.

Sɔlɔmɔn 3:8

Benapo na kikɛ la benapo lempo nɛ b nyi kena to nɛnɛ nna. B nyi tokobi be keta ŋ kɔ nɛnɛ. Bumo be ekama malɛ di tokobi nna nseŋ wora shiriya a jo kusɔ nɛ k beeŋ wora kanyɛso nna.

Hibruwebi 4:12

Ŋkpal manɛ so, Ebɔrɛ be kamalga na kɔ ŋkpa nɛ eleŋ nna a ji a chɔ tokobi jinnɔnyɔ. K bee tiŋ a ku a barga nfɛra nɛ kiyoyu to nseŋ naa tiŋ a barga awibichɛkpa nɛ nfɔ to, ŋ gbrɛ a tiŋ a ji basa be nfɛra to be asɔ shaso nɛ bumo be ŋgbene to be nfɛra fɛsoana demu.

Kelaraŋŋini 1:16

E daa kɔ achɛkpabi ashunu nna mbe enɔjiso to nɛ tokobi jinnɔnyɔ jiso ko shi mbe kɔnɔ to n lar. Mbe anishiakpa malɛ daa kpa edɛ nna fanɛ epeŋi ka bee nyaŋɛ ga na.

Kelaraŋŋini 2:12

Nɛ e naŋ kaŋɛ: “Sibɛ kawɔl ere n sa Pɛɛgamem be kade to be asɔri be malaika na ŋ kaŋɛ mo le: ‘Mmalga ere shi emo nɛ e kɔ tokobi jinnɔnyɔ jiso to na kutɔ nna.

Demujipoana 3:15

Ndoŋ nna nɛ Israɛlebi na naŋ shu n tre Enyɛnpe Ebɔrɛ na nɛ e naŋ sa bumo emɔlgapo nɛ baa tre mo Ehud, nɛ e la enapo nsaa la kanyɛn nɛ baa tre Gɛra, nɛ e shi Bɛnjamin be yiri to na pibinyɛn. Israɛlebi daŋ ta bumo be lampo nna n shuŋi Ehud fanɛ e ta n ya sa ewura Ɛglɔn nɛ e la Mowab be efuli so be ewura na.

Demujipoana 3:17

Kumo be kaman nɛ e ta lampo na n ya sa Mowab be ewura, Ɛglɔn. Ewura ere daŋ danto nna ga.

Demujipoana 3:21

nɛ Ehud ta mbe enɔ bena ŋ gberge tokobi na mbe jisa be kebembi na so m pee n da ewura na be epun to.