Demujipoana 3:10 - EBƆRƐ BE KAWƆL

¹⁰ Enyɛnpe Ebɔrɛ na be Kiyoyu e daŋ gbelge Ofniɛl so nɛ e ki Israɛl be efuli so be ejuŋkparpo nseŋ juŋkpar bumo n ya kɔ Mɛsopoteemia be ewura, Kushan Rishateem kena. Ndoŋ nna nɛ Enyɛnpe Ebɔrɛ na shin nɛ Ofniɛl kɔ m pɔɔ so.

Demujipoana 3:10 ပူးပေါင်းရင်းမြစ်များ

1 Kronikɛls 12:18

Ebɔrɛ be kiyoyu daŋ gbelge Amasai nɛ e la bumo be eko nseŋ ba ki benapo adesa na be enimu na so nna, nɛ e kaŋɛ: “Jɛsi pibinyɛn Deevid, an la feya nna! Fo nɛ fo basa beeŋ ba kɔ a pɔso saŋkama! Ŋkpal manɛ so Ebɔrɛ wɔ fo kaman.” Nɛ Deevid sɔ bumo nɛnɛ nseŋ ta bumo ŋ ki mbe benapo nɛ baa ta kena a purgi basa na be benimu.

2 Kronikɛls 15:1

Asheŋ ere ka wora n choŋ na, nɛ Ebɔrɛ be kiyoyu gbelge Odɛd pibinyɛn Azariya so,

2 Kronikɛls 20:14

Enyɛnpe Ebɔrɛ be kiyoyu na daŋ gbelge Livai be kanyɛn ko so nna saŋɛ so nɛ e daa wɔ jimaŋ na to na. Mbe ketre e daa la Jahaziil nɛ mo tuto la Zakareya nɛ mo alɛ mo tuto la Bɛnaya nɛ mo alɛ mo tuto la Jaɛl nɛ mo alɛ mo tuto la Mataniya ashi Asaf be kabuna.

Nshɛ 51:11

Sa maŋ ju ma ashi fo anishito. Ŋko n lara fo kiyoyu cheembi na ashi ma to.

Nɔmbɛs 11:17

Meeŋ gbelge m ba ndoŋ m ba malga menyi kutɔ, nseŋ sa bumo eleŋ nɛ n sa fo na, saŋɛ na so baaŋ baa chɛ fo to a keni ma basa so nɛ esulɔ na maaŋ naa la fo nawule peya.

Nɔmbɛs 11:25

Nɛ kuwɔlpa na gbelge m ba nɛ Enyɛnpe Ebɔrɛ malga Mosis kutɔ nseŋ sa bejuŋkparpo adushunu na gba eleŋ nɛ e sa Mosis na. B ka nya eleŋ na nɛ b fara a malga a cha awɔr fanɛ anebiana na. Ama b daa maŋ malga loŋ n chɛr.

Nɔmbɛs 11:29

Nɛ Mosis malɛ kaŋɛ le: “Fee kɔ kukɔrkɔ nna a sa ma a? K daa beeŋ par ma ga fanɛ Enyɛnpe Ebɔrɛ ka beeŋ sa mbe basa kikɛ eleŋ nɛ b baa malga fanɛ anebiana!”

Nɔmbɛs 24:2

nseŋ wu Israɛlebi na ka wora bumo be nyi to n chena eyiri yiri be ntuŋ so. Ndoŋ nna nɛ Enyɛnpe Ebɔrɛ be kiyoyu gbelge mo so,

Nɔmbɛs 27:18

Ndoŋ nna nɛ Enyɛnpe Ebɔrɛ kaŋɛ Mosis le: “Lara Nun pibinyɛn Joshuwa nɛ kiyoyu na bɔlɔ mo to na nseŋ ta fo enɔana n deŋi mbe kumu so.

Hibruwebi 6:4

Ama basa nɛ b daŋ bar kefulto na to nɛ b ba ji ebɔrɛso be kakɛ na be ebel ŋ keni na nseŋ nya bumo be kachige ashi Kiyoyu Cheeŋ na to pɔɛŋ nseŋ foe ekpa na bre be kenaŋ bɛta m ba Ebɔrɛ kutɔ maaŋ tiŋ n wora kikɛ.

Demujipoana 11:29

Ndoŋ nna nɛ Enyɛnpe Ebɔrɛ na be Kiyoyu ba Jɛfta so nɛ e shi Giliad m ba choŋ Manase nseŋ naŋ bɛta m ba Mizpa nɛ k wɔ Giliad be kasawule so na n ya fin benapo. Kumo be kaman nɛ b kre kena n ya tu Ammɔnebi.

Demujipoana 11:32

Kede be kaman nɛ Jɛfta dii lɔr be kaba ndoŋ n ya kɔ Ammɔnebi na, nɛ Enyɛnpe Ebɔrɛ na shin nɛ e kɔ m pɔɔ bumo so.

Demujipoana 13:25

Kachako Samsɔn ka daa wɔ mboŋ nɛ baa tre Zora nɛ Ɛshtaɔl be kefɛato ashi Dan be keeyi to na nɛ Enyɛnpe Ebɔrɛ na be Kiyoyu na fara a sa mo eleŋ.

Demujipoana 14:19

Nɛ Enyɛnpe Ebɔrɛ na be Kiyoyu gbelge Samsɔn so nɛ e nya eleŋ nseŋ yɔ kadegboŋ nɛ baa tre Ashkɛlɔn na n ya mɔ benyɛn adesa nseŋ gbaŋ bumo be epiŋi nɛ asɔbuuso m ba sa basa nɛ b pin mbe keyiremu na be kusɔ nɛ k bee ŋini na. Kumo be kaman nɛ e nya agbo nseŋ bɛta n yɔ epe.

Demujipoana 14:6

Ama Enyɛnpe Ebɔrɛ na be Kiyoyu gbelge m ba Samsɔn so nɛ e nya eleŋ n ta mbe enɔana m pɛ buluŋ na m gberge to n tuge to fanɛ k ka la kaboebi na. Mo alɛ daŋ maŋ kaŋɛ mo nio ŋko mo tuto kusɔ nɛ e wora na be asheŋ.

Demujipoana 15:14

B ka ta Samsɔn m ba ka fo Lehi be kade to nɛ Filistiebi na yarase a ponte to a ba mo kutɔ. Epul to nɛ Enyɛnpe Ebɔrɛ na be Kiyoyu gbelge Samsɔn so n shin nɛ e nya eleŋ nɛ efɔl nɛ b ta ŋ kre mbe enɔ nɛ aya na kikɛ tuge to n tɔr fanɛ nyaŋkpaŋfɔl wuso na.

Demujipoana 3:11

Nfɛ adena nɛ Israɛl be efuli na wɔ kayurwushi to hale n ya fo fanɛ Ofniɛl ka wu.

Demujipoana 3:8

Amoso nɛ Enyɛnpe Ebɔrɛ na nya agbo n wɔtɔ Israɛlebi nseŋ shin nɛ Ewura Kushan Rishateem, nɛ e la efuli nɛ baa tre Mɛsopoteemia na be ewura na ba kɔ m pɔɔ bumo so. Nfɛ aburwa nɛ Israɛlebi na bee shuŋ mo.

Demujipoana 6:34

Ndoŋ nna nɛ Enyɛnpe Ebɔrɛ na be Kiyoyu ba Gidiɔn so nɛ e foŋ kabel n tre Abiyeza be kabuna be benyɛn kikɛ fanɛ b ba bɛ mo so,

1 Samuɛl 10:10

Sɔɔl nɛ mbe kayɛrbi ka fo Gibia, nɛ anebiana be katuŋ ko ba tu bumo epul to na to nɛ Ebɔrɛ be kiyoyu gbelge mo so eleŋso nɛ mo alɛ gba fara a wu asheŋ a kaŋɛ.

1 Samuɛl 10:6

Enyɛnpe Ebɔrɛ be kiyoyu be eleŋ beeŋ gbelge fo so epul to na to nɛ fo alɛ gba e tu bumo a wu asheŋ a kaŋɛ nsaa wora asheŋ nɛ fo daa maa wora.

1 Samuɛl 11:6

Sɔɔl ka nu loŋ, nɛ Ebɔrɛ be kiyoyu gbelge mo so eleŋso nɛ e nya agbo ga ŋkpal kusɔ nɛ Nahaash kaŋɛ na so.

1 Samuɛl 16:13

Nɛ Samuɛl duga ŋku na n do Deevid be kumu so nɛ mo daana yil a keni mo. Baŋ yili kumo be kamɔnchɛ na kikɛ nɛ Enyɛnpe Ebɔrɛ be kiyoyu ba luri m bɔlɔ Deevid to eleŋso nsaa wɔ mo to saŋkikɛ. Kumo be kamɔnchɛ na malɛ kikɛ nɛ Samuɛl bɛta n yɔ Raama.