Demujipoana 21:12 - EBƆRƐ BE KAWƆL

¹² B ka yɔ nɛ b ya wu fanɛ mbichesobi alfa ana e maŋ nyi benyɛn ashi Jabesh Giliad ndoŋ, nɛ b pɛ bumo m ba Shilo nɛ k wɔ Keenan be efuli so, kakpa nɛ b daa wɔ na.

Demujipoana 21:12 ပူးပေါင်းရင်းမြစ်များ

Nshɛ 78:60

E daŋ kini mbe wajɛbu nɛ e daa wɔ kumo to ashi mbe basa to ashi Shilo be kade to nna n lɛ.

Jɛremaya 7:12

Men yɔ kade nɛ baa tre Shilo nɛ n juŋkpar n lara fanɛ b baa shuŋ ma ndoŋ na n ya keni nɛ n kusɔ n wora ndoŋ. Ŋkpal ma basa Israɛlebi na ka wora alubi so, n daŋ mur kumo nna.

Joshuwa 18:1

Israɛlebi na ka kɔ n sɔ kasawule na n loge, nɛ bumo kikɛ ya gama abar so ashi Shilo nseŋ yuu Enyɛnpe Ebɔrɛ be nshɛr be wajɛbu ndoŋ.

Demujipoana 20:18

Kumo be kaman nɛ Israɛl be basa na yɔ kakpa nɛ baa shuŋ Ebɔrɛ ashi kade nɛ baa tre Bɛtɛl na n ya kule Ebɔrɛ m bishi: “Yiri mo e naaŋ juŋkpar anyi n ya kɔ Bɛnjamin be yiri to ebi na kena?” Nɛ Enyɛnpe Ebɔrɛ na kaŋɛ: “Juda be yiri to be basa e naŋ juŋkpar.”

Demujipoana 21:11

Kusɔ nɛ b kaŋɛ benapo na nde: “Kusɔ nɛ menyeeŋ wora nde. Men ya mɔ benyɛn kikɛ nɛ beche kama nɛ b nyi benyɛn nseŋ yige beche nɛ b maŋ naŋ pin benyɛn na bre.”

Demujipoana 21:13

Kumo be kaman nɛ Israɛlebi kikɛ shuŋi Bɛnjaminebi na kutɔ ashi Rimmɔn be kefalta na ase a fin bumo nɛ bumo be nferinto be kayurwushi.

Demujipoana 21:8

Nɛ b naŋ laŋɛ m bishi: “Israɛl be eyiri na to be kabuna mo e maŋ shɛr Enyɛnpe Ebɔrɛ na be anishito ashi Mizpa?” Ndoŋ nɛ b wu fanɛ esa kama daŋ maŋ shi Jabesh ashi Giliad m ba nshɛr na to.