Demujipoana 21:1 - EBƆRƐ BE KAWƆL

¹ Israɛlebi na daŋ bɔ ntaŋ nna n sa Enyɛnpe Ebɔrɛ na ashi Mizpa ŋ kaŋɛ: “Anyi be ekama e sa maŋ kaŋ ta mo pibiche n sa Bɛnjamin be kabuna be enyɛn kikɛ nɛ e ta ŋ ki mbe eche.”

Demujipoana 21:1 ပူးပေါင်းရင်းမြစ်များ

Kaŋinichiŋgeliŋ 5:2

Baa fɛ nfɛra pɔɛŋ nsaa malga, sa maa nya manaŋ a nase nnɔ Ebɔrɛ be anishito. Ebɔrɛ wɔ ebɔrɛso nna nɛ fo alɛ wɔ kasawule ere so, amoso sa maa malga ga.

Jɛremaya 4:2

kumo ere menyeeŋ tiŋ n ta ma ketre n nase nnɔ. Kumo be kaman nɛ efuliana na be basa e kpaŋ ma nɛ ma alɛ e nɛfa bumo.”

Jɛremaya 40:6

Nɛ n yɔ Gɛmaliya kutɔ ashi kade nɛ baa tre Mizpa na nseŋ ya kaa wɔ basa nɛ b ka kasawule na so na to.

Maak 6:23

Kumo be kaman nɛ e bɔ ntaŋ ŋ kaŋɛ mo: “Meeŋ sa fo kusɔ kama nɛ fo kule ma hale nɛ k la efuli ere be bargato gba.”

Ashuŋ Shunso 23:12

Kumo be ŋklade nɛ Juwebi na shɛr ŋ kre bumo be nia nseŋ sa Ebɔrɛ kɔnɔ fanɛ b baa maŋ mɔ Pɔɔl b maaŋ ji ajibi, bumo alɛ maaŋ nuu shɛŋ.

Romebi 10:2

Ŋkpal manɛ so, meeŋ tiŋ n ji shɛda ŋ kaŋɛ fanɛ Ebɔrɛ be asheŋ pere bumo kenishi ga, ama loŋ be kenishipere na malɛ maŋ bɛ kepin asheŋ to so.

Demujipoana 20:1

Israɛl be basa nɛ b shi Dan be kasawule nɛ k dese kelargato be esoso be kaba so n ya fo Bɛshiba be kasawule nɛ k wɔ kelargato be kaseto be kaba so na, n ta bumo nɛ b shi Giliad be kasawule nɛ k wɔ Jɔɔdan be lɔr na be epeŋilarkpa be kaba so na kikɛ n ti so ka nu kesheŋ na nɛ b lar fanɛ esa koŋwule m ba shɛr Enyɛnpe Ebɔrɛ na be anishito ashi Mizpa.

Demujipoana 20:10

Israɛl be yiri to be basa kikɛ beeŋ lara basa kalfa to be basa kudu nɛ b baa sa benapo na ajibi. Benapo nɛ b ka na malɛ beeŋ yɔ n ya gberge Gibiya be basa na kusoe ŋkpal mbushusheŋ nɛ b wora Israɛl be efuli so na so.”

Demujipoana 20:48

Ade be kaman nɛ Israɛlebi na kilgi m bɛta n yɔ Bɛnjaminebi na be nde to n ya mɔ amo to be basa nɛ asɔbɔya kikɛ nseŋ chɔɔ kusɔ kama kuraa.

Demujipoana 20:8

Nɛ basa na kikɛ kpa n niŋi to kɔnɔkoŋwuleso ŋ kaŋɛ le: “Anyi be ekama maa bɛta a yɔ epe. Ayai, ekoŋwule kama gba maaŋ bɛta n yɔ mo pe.

Demujipoana 21:18

Anyi maaŋ tiŋ n ta anyi be bibiche n sa bumo ŋkpal ntaŋ nɛ a m bɔ fanɛ: ‘Kɔnɔsho e baa wɔ esa kama nɛ e beeŋ sa Bɛnjamin be kabuna be esa kikɛ eche so.’ ”

Demujipoana 21:22

Bumo tutoana ŋko bumo siponyɛnana kaŋ ba bile asheŋ n sa anyi, anyeeŋ kaŋɛ bumo: ‘Men wu anyi kuwɔr nseŋ chɛ bumo to, ŋkpal manɛ so, an daa maŋ nya beche kena na to n sa bumo kikɛ. Menyi alɛ gbagba ka maŋ ta menyi be bibiche na n sa bumo so, kumo be kulubi maa gbiti menyi.’ ”

Demujipoana 21:5

Kede be kaman nɛ Israɛlebi na bishi abar le: “Israɛl be yiri mo e daŋ kini keba shɛr Enyɛnpe Ebɔrɛ na be anishito jemanɛ nɛ an daŋ tre nshɛr ashi Mizpa na?” Ŋkpal manɛ so, b daŋ bɔ ntaŋ nna fanɛ yiri kama nɛ k kini keshɛr Enyɛnpe Ebɔrɛ na be anishito ashi Mizpa daga luwu nna.

Demujipoana 21:7

Nuso nɛ anyeeŋ wora n nya beche n sa Bɛnjamin be benyɛn nɛ b ka ere. Ŋkpal manɛ so, an nase kɔnɔ Enyɛnpe Ebɔrɛ na be anishito fanɛ ekama e sa maŋ kaŋ sa bumo mo pibiche nɛ b ta ŋ ki bumo be beche.”

1 Samuɛl 14:24

Akoŋ daŋ mɔ Israɛlebi be benapo na nna nɛ b bɛlɛ ŋkpal Sɔɔl ka daŋ bɔ ntaŋ ŋ kaŋɛ le so: “Kɔnɔsho e baa wɔ ekama nɛ e beeŋ ji ajibi pɔɛŋ nɛ n wora ma doŋana n tal to so.” Ŋkpal loŋ so esa kama daa maŋ ji shɛŋ kumo be kamɔnchɛ.