Demujipoana 20:5 - EBƆRƐ BE KAWƆL

⁵ Nɛ Gibiya be benyɛn ba kulti laŋ nɛ an daa wɔ kumo to kanyɛso na. B daŋ kre kemɔ ma nna, ama b ka maŋ nya ma so nɛ b pur n jipoche na nɛ e wu.

Demujipoana 20:5 ပူးပေါင်းရင်းမြစ်များ

Levitikɔs 18:24

Sa maŋ kaŋ wora ekishisheŋ ere be kekama nseŋ wora eyurpi, ŋkpal manɛ so, kusɔ nɛ k ba nɛ Enyɛnpe Ebɔrɛ na bee shin nɛ e ju efuliana na so be basa n lɛ nseŋ ta menyi n chena ndoŋ nna na. B wora loŋ be eyurpisheŋ nna ashi Ebɔrɛ kutɔ.

Ditɛronɔmi 22:21

kumo ere kade na to be benyɛn beeŋ keta eche na n yɔ mo tuto be laŋ be kabuna to n ya kpa mo ajembu m mɔ. Ŋkpal e ka pin enyɛn, jemanɛ nɛ e kraa wɔ mo tuto pe pɔɛŋ nseŋ ba kakil to so, nyɔmɔ be kesheŋ nɛ e wora ashi anyi be basa to na. Kananɛ menyeeŋ lara le be kulubi ere ashi menyi to nna na.

Ditɛronɔmi 22:24

menyeeŋ keta bumo benyɔ na kikɛ n lar kade na to n ya kpa bumo ajembu m mɔ. Eche na daga luwu ŋkpal e ka maŋ boŋ to n tre basa nɛ b ba chɛ mo to jemanɛ nɛ e wɔ kade to nɛ ekama daŋ beeŋ tiŋ n nu e ka bee boŋ to so. Enyɛn na malɛ daga luwu nna ŋkpal e ka di eche nɛ esa ko bee ji mbe kesha so. Kananɛ menyeeŋ wora n lara le be kulubi ere ashi menyi to nna na.

Joshuwa 7:15

Esa kama nɛ b kaŋ wu asɔ nɛ a maŋ daga na mo kutɔ, baaŋ chɔɔ mo nɛ mbe kanaŋ nɛ mbe asɔ nɛ e kɔ kikɛ, ŋkpal e ka shin nɛ le be anishinyɔr lubi ere ba Israɛl so nseŋ naŋ wora n da Enyɛnpe Ebɔrɛ be ŋkre na so so!”

Demujipoana 19:22

Jemanɛ nɛ baa ji na nɛ kade na to be basa lubi ba kulti laŋ na n wɔtɔ nseŋ fara a ŋmea kukuloŋ na a ponte to a kaŋɛ kanyɛnnimubi na le: “Shin nɛ kanyɛn nɛ fo keta m ba fo laŋ to na e lar m ba! Anyee sha kedi mo keche nɛ kenyɛn nna!”

Demujipoana 19:28

Nɛ kanyɛn na kaŋɛ le: “Koso nɛ an yɔ!” Ama ejipoche na maŋ tuge shɛŋ. Ndoŋ nna nɛ kanyɛn na ta ejipoche na n deŋi kurma so nseŋ pɛ epe be akpa.

Demujipoana 20:4

Ndoŋ nna nɛ Livai be kanyɛn nɛ b mɔ mo jipoche na kaŋɛ: “Ma nɛ n jipoche e yɔ kade nɛ baa tre Gibiya na ashi Bɛnjamin be kasawule so nɛ an ya dese ŋklade.