Demujipoana 20:34 - EBƆRƐ BE KAWƆL

³⁴ Nɛ Israɛl be benapo kpakpaso fanɛ basa ŋgboŋ kudu kilgi n tu Gibiyaebi na nɛ kena na ki kena kpakpaso. Bɛnjaminebi na daa maŋ nyi fanɛ bumo be kemur be jemanɛ baa fo nna na.

Demujipoana 20:34 ပူးပေါင်းရင်းမြစ်များ

Job be kawɔl 21:13

Kebaawɔtɔ malɛ bee nite nɛnɛ nna a sa bumo, shɛŋ maa tɔrɔ bumo be nfɛra hale n ya fo kachɛ nɛ baaŋ wu.

Aŋasa 29:6

Belubiworapo be alubi e naa kilgi a pɛ bumo, ama basa nɛ baa wora asheŋ nɛ a niŋi bre bee boŋ kagbenefuli be nshɛ nna.

Aŋasa 4:19

Ama belubiworapo bre be ekpa biri to nna fanɛ tentembiri plɔ. Baa fiti a tɔr, ama b maa wu asɔ nɛ baa fiti na.

Kaŋinichiŋgeliŋ 9:12

Fo maaŋ tiŋ m pin jemanɛ nɛ fo peya bee ba. Kananɛ abulbi bee pɛ mbuibi ŋko ewule bee pɛ ekɔrɔtɔ epul to na, aloŋ nɛ asheŋ lubi bee ba edimɛdi gba so.

Aizaaya 47:11

Ama kumulubi gboŋgboŋi beeŋ ba menyi so, Kegbaya damta nɛ men yirda na be kekama maaŋ tiŋ ŋ kuŋ kumo. Kemur cheche nɛ menyee maa ku kumo be edare beeŋ ba purgi menyi epul to!

Matiu 24:44

To, menyi alɛ gba e wora shiriya a jo ma, Nyiŋgbasa Pibinyɛn na, ŋkpal manɛ so, meeŋ ba saŋɛ nɛ men maaŋ baa tama ma.

Luuk 21:34

Ama men baa de menyi be amu so nsaa maa wɔ kebaawɔtɔ jiga nɛ kasanuu nɛ durnya ere to be kasɔsha be kebaawɔtɔ to nɛ menyi be aba e pɔ menyi nɛ kachɛ nɛ ma, Nyiŋgbasa Pibinyɛn beeŋ ba na e purgi menyi fanɛ kejigbelɛ na.

1 Tɛsalɔnikaebi 5:3

Saŋɛ nɛ basa ya kaa kaŋɛ: “Naniere bre kaboŋ nyalɛ nɛ kagbenewushi ba,” epul na malɛ to nɛ kemur be tɔrɔ beeŋ tɔr bumo so fanɛ kananɛ kakurge be ebesa bee purgi edampoche na. Bumo be ekama maaŋ lar.

Joshuwa 8:14

Ai be Ewura ka wu Joshuwa be basa na, nɛ mo nɛ kade na to be benyɛn kikɛ nya manaŋ ŋ koso kachipurdidi m bɔla Jɔɔdan be ketaŋɛ na be kaba so nɛ b ya kɔ Israɛlebi na ashi kaboŋ nɛ bumo nɛ bumo daŋ kɔ na. E daa maŋ nyi fanɛ Israɛlebi na be beko ŋana kade na be ekarso nɛ b kɔ mo.

Demujipoana 20:35

Ndoŋ nna nɛ Enyɛnpe Ebɔrɛ na shin nɛ Israɛlebi na pɔɔ Bɛnjamin be benapo so. Bɛnjamin be benapo ŋgboŋ adunyɔ nɛ anu nɛ kalfa koŋwule nɛ Israɛl be benapo na mɔ loŋ be kachɛ na.