Demujipoana 20:32 - EBƆRƐ BE KAWƆL

³² Kusɔ nɛ Bɛnjamin be basa na daa kaŋɛ e la: “An yaa pɔɔ bumo so nna na.” Nɛ Israɛl be benapo na malɛ kaŋɛ le: “Men shin nɛ an bɛta a shile nseŋ fule bumo n lar kade na to n yɔ ekpa to.”

Demujipoana 20:32 ပူးပေါင်းရင်းမြစ်များ

Joshuwa 8:5

Ma alɛ nɛ bumo nɛ b ka na beeŋ ba yɔ kade na be kabunagboŋ na ase. Aiebi na kaŋ lar m ba nɛ b ba tu anyi ŋ kɔ, anyeeŋ kilgi a shile fanɛ kananɛ an daŋ wora na.

Joshuwa 8:6

Loŋ na, baaŋ ju a bɛ anyi so n lar kade na to, a fɛ fanɛ an yaa shile bumo nna fanɛ sososo na nna.

Demujipoana 20:31

Ndoŋ nna nɛ Bɛnjamin be benapo na lar kade na to a yɔ nɛ b ya kɔ Israɛl be benapo na kena, nɛ Israɛl be benapo na kute a shile a laŋɛ kaman nɛ b ju a buu so. Bɛnjamin be benapo na daŋ mɔ Israɛl be benapo na be basa adesa nna ashi kupuŋ to nɛ ekpa nɛ k dese Bɛtɛl nɛ Gibiya be kefɛato na so.

Demujipoana 20:33

Kumo be kaman nɛ Israɛlebi be benapo nɛ b bɛta a shile na ya gama abar so ashi Baal Tama, nɛ bumo nɛ b ŋana m pugi Gibiya be epeŋitɔrkpa na malɛ lar a ba.

Demujipoana 20:39

saŋɛ na so nɛ b baŋ wu edishi na nɛ bumo alɛ e kilgi n tu Bɛnjamin be benapo na a kɔ. Le be jemanɛ ere nɛ Bɛnjamin be benapo na tia mɔ Israɛlebi na be beko. B daŋ mɔ basa beeŋ wora fanɛ basa adesa. Kusɔ nɛ Bɛnjaminebi na daa kaŋɛ e la fanɛ: “An yaa pɔɔ bumo so fanɛ kananɛ an daŋ wora sososo be kena na to na nna.”