Demujipoana 20:22 - EBƆRƐ BE KAWƆL

^22-23 Ndoŋ nna nɛ Israɛl be basa na yɔ kakpa nɛ baa shuŋ Ebɔrɛ na n ya shu Enyɛnpe Ebɔrɛ na be anishito hale nɛ kaase fo. Nɛ b naŋ bishi Enyɛnpe Ebɔrɛ na le: “A daga fanɛ an naŋ bɛta n ya kɔ an kurgepoana Bɛnjamin be basa na a?” Nɛ Enyɛnpe Ebɔrɛ na kaŋɛ: “Mm, men bɛta n yɔ!” Ndoŋ nna nɛ Israɛl be benapo na naŋ nya keleŋto nseŋ ya yili mboŋ nɛ b daŋ yili kachɛ sososo na

Demujipoana 20:22 ပူးပေါင်းရင်းမြစ်များ

2 Samuɛl 11:25

Nɛ ewura Deevid kaŋɛ kabɔ na le: “Ya kaŋɛ Jɔab fanɛ e sa maa pɔ aba ŋko n shin nɛ mbe kagbene e baa jija mo, ŋkpal manɛ so, esa kama maŋ nyi esa nɛ e bee wu kena to. Kaŋɛ mo nɛ e laŋɛ ŋ kre mbe ntua nɛnɛ nseŋ kɔ n sɔ kade na.”

Nshɛ 64:5

Baa leŋ abar to nna a wɔtɔ alubi be kewora to, nsaa malga kananɛ baaŋ sho bumo be ajigbelɛ ŋ ŋana, nsaa kaŋɛ fanɛ esa kikɛ maaŋ wu bumo.

Demujipoana 20:15

Benapo ŋgboŋ adunyɔ nɛ ashe nɛ Bɛnjamin be yiri to ebi daŋ tre bumo be ndeana kikɛ to m ba. Kumo be kaman nɛ Gibiya be basa malɛ gama benyɛn alfa ashunu nɛ b nyi kena to nɛnɛ.

Demujipoana 20:17

Israɛl be eyiri na to be basa nɛ b ka na malɛ daŋ gama benapo ŋgboŋ alfa ana nɛ b nyi etokobi be keta ŋ kɔ nna. Bumo be ekama malɛ daa la ekɔpo nɛ e nyi kena to nɛnɛ nna.

Demujipoana 20:21

Ndoŋ nna nɛ Bɛnjamin be benapo na lar kade na to m ba kɔ Israɛl be benapo na. Ta a ba kapaso nɛ b teŋ mɔ Israɛl be benapo ŋgboŋ adunyɔ nɛ anyɔ.

1 Samuɛl 30:6

Ndoŋ nna nɛ kagbenejija tɔr Deevid so, nɛ mbe basa be ŋgbene kikɛ kaa bumo ŋkpal b ka paŋ bumo be mbia so. Nɛ baa kaŋɛ fanɛ baaŋ kpa Deevid ajembu m mɔ nɛ Enyɛnpe Ebɔrɛ nɛ e la mbe Ebɔrɛ na leŋ mo to ga.