Demujipoana 20:13 - EBƆRƐ BE KAWƆL

¹³ To, men fin basa nɛ b wora loŋ ashi Gibiya na n sa nɛ an mɔ bumo nɛ kulubi na e lar Israɛl be efuli so.” Ama Bɛnjamin be yiri to be basa na kini kenu n sa bumo braana Israɛl be basa na nna;

Demujipoana 20:13 ပူးပေါင်းရင်းမြစ်များ

2 Samuɛl 20:1

Kanyɛn ko nɛ e daa ku asheŋ nɛ baa tre Shɛba nɛ e la Bikri pibinyɛn nseŋ shi Bɛnjamin be yiri to daa wɔ Gilgaal nna. E daŋ foŋ kabel nna m ber kubomboŋ ŋ kaŋɛ le: “Men sa maŋ bɛ Jɛsi pibinyɛn Deevid so! E maŋ la anyi to be eko! Israɛlebi men shin nɛ an yɔ epe!”

2 Samuɛl 23:6

Ama belubiworapoana bre du fanɛ ewi nɛ esa maaŋ tiŋ n ta mbe enɔ m pulgi nna.

1 Bewura 21:13

Ndoŋ nna nɛ befɛpo anyɔ ko lar n yili Nabɔf be anishito ŋ kaŋɛ fanɛ e sho Ebɔrɛ nɛ ewura na kɔnɔ. Ŋkpal loŋ so nɛ b gberge mo n lar kade na be ekarso n ya kpla mo ajembu m mɔ.

2 Kronikɛls 13:7

Kumo be kaman nɛ e chala befɛpo nɛ basa fuloŋ be katuŋ ko nɛ b tintiŋ Rehoboam nɛ e baa wora kusɔ nɛ baa sha ŋkpal e ka kra la kebia nsaa maaŋ tiŋ n yili asheŋ kananɛ a daga loŋ be saŋɛ na so.

2 Kronikɛls 25:16

Nɛ ewura Amaziya ku mbe kamalga na to ŋ kaŋɛ le: “Saŋɛ mo nɛ an ta fo ŋ ki ewura be asoetojipo? Lo fo kɔnɔ na pɔɛŋ nɛ n shin nɛ b ba mɔ fo ndoŋ!” Anebi na ka jo nɛ e malga n loge, nɛ mo alɛ kaŋɛ le: “Naniere nɛ m pin fanɛ Ebɔrɛ bee sha kemur fo nna ŋkpal fo ka kplaŋ ma kasotoji so nseŋ wora asheŋ ere kikɛ so.”

2 Kronikɛls 25:20

Ama ewura Amaziya daŋ kini kenu nna ŋkpal manɛ so Ebɔrɛ e daa sha fanɛ b kɔ m pɔɔ mo so ŋkpal e ka daa shuŋ Edɔmebi be agbir so.

Aŋasa 29:1

Fo baŋ wora kumu kpakpaso ŋ kini kenu kasokpele damta, k maaŋ chɛr nɛ fo mur.

Kaŋinichiŋgeliŋ 11:10

Sa maŋ shin kusɔ kama e baa fɔŋ fo ŋko a tɔrɔ fo ashi fo kagbene to, ŋkpal manɛ so, kebifɔlbiya nɛ kumo be asheŋ woraso maa chɛr nsaa choŋ.

Hoziya 10:9

Enyɛnpe Ebɔrɛ yɛ: “Baŋ yili saŋɛ so nɛ Israɛlebi wora kulubi ŋ gbiti ma ashi Gibia na m ba fo mbre, b maŋ naŋ yige alubi be kebaawora a gbiti ma. Amoso Gibia nɛ baaŋ baa wɔ nɛ bedoŋ e ta kena m ba tu bumo.

Hoziya 9:9

Men wora alubi alegaiso nsaa puni fanɛ basa nɛ b daa wɔ Gibia na. Ebɔrɛ yɛ e beeŋ nyiŋi bumo be alubi nseŋ gberge bumo kusoe.”

Romebi 1:32

B nyi Ebɔrɛ be mbra na ka bee kaŋɛ fanɛ bekama nɛ b wɔ le be kebaawɔtɔ ere to daga luwu, ama b kraŋ pere kenishi nna a wora amo nsaa leŋ basa pɔtɛ gba to a wɔtɔ loŋ be asheŋ na be kewora to.

1 Kɔrintebi 5:13

Ebɔrɛ e naaŋ ji basa nɛ b maŋ wɔ asɔri na to demu. Kusɔ nɛ abɔrɛsibɛ na bee kaŋɛ e la fanɛ: “Men ju alubiworapo kama ashi menyi to.”

2 Kɔrintebi 6:15

Nuso nɛ Kristo nɛ alubipo Beelial na bee wora a kɔ kɔnɔkoŋwule a wɔtɔ? Manɛ e wɔ ebɛsopo nɛ emo nɛ e maŋ la ebɛsopo be nferinto?

Ditɛronɔmi 13:13

fanɛ menyi be efuli so be basa jiga ko fule bumo be ndeana to be basa ko nɛ b shuŋ agbirana nɛ menyi maŋ naŋ shuŋ ŋ ku so kikɛ.

Ditɛronɔmi 13:5

Kumo be kaman nɛ men mɔ basa nɛ baa kute edare be afito ŋko anebiana nɛ baŋ kaŋɛ menyi fanɛ men lar Enyɛnpe Ebɔrɛ nɛ e lara menyi kenyaya to ashi Ijipt be efuli so kaman na. Le be basa ere la basa lubi nna nsaa wora ania nɛ b lara menyi kebaawɔtɔ nɛ Enyɛnpe Ebɔrɛ na kaŋɛ fanɛ men baa kɔ na to. A daga fanɛ men mɔ bumo, saŋɛ na so menyeeŋ lara kulubi ere ashi menyi to.

Ditɛronɔmi 13:6

Kede be kaman, fo niopibi ko ŋko fo pibi ko ŋko eche nɛ fee sha ŋko fo teri kpakpaso ko beeŋ tiŋ m ba fo kutɔ ashiri to nɛ e ba leŋ fo to n wɔtɔ agbir nɛ fo ŋko fo nananyɛnana maŋ naŋ shuŋ ŋ ku so to.

Ditɛronɔmi 17:12

Esa kama nɛ e kaŋ pɛl ŋ kini kewora demujipo na ŋko bɔrɛmatapo nɛ e wɔ kushuŋ to loŋ be jemanɛ na kasonu, daga fanɛ men mɔ mo. Kananɛ menyeeŋ wora n lara kulubi Israɛl be efuli so nna na.

Ditɛronɔmi 17:7

Eshɛdajipoana na e naaŋ juŋkpar ŋ kpa bumo ajembu nɛ basa nɛ b ka na malɛ e chɛ to ŋ kpa bumo ajembu m mɔ. Kananɛ menyeeŋ wora n lara kulubi na ashi menyi to nna na.

Ditɛronɔmi 19:19

feeŋ nya kasogberge nɛ k daga efɛpo. Kananɛ menyeeŋ wora nɛ le be kulubi maaŋ baa wɔ efuli na so nna na.

Ditɛronɔmi 21:21

Saŋɛ na so nɛ kade na be benyɛn e kpa kebia na ajembu m mɔ, nɛ kumo be loŋ e lara le be kulubi ere ashi menyi to nɛ kufu e pɛ Israɛl be esa kama nɛ e nu kumo be asheŋ.

Ditɛronɔmi 22:21

kumo ere kade na to be benyɛn beeŋ keta eche na n yɔ mo tuto be laŋ be kabuna to n ya kpa mo ajembu m mɔ. Ŋkpal e ka pin enyɛn, jemanɛ nɛ e kraa wɔ mo tuto pe pɔɛŋ nseŋ ba kakil to so, nyɔmɔ be kesheŋ nɛ e wora ashi anyi be basa to na. Kananɛ menyeeŋ lara le be kulubi ere ashi menyi to nna na.

Ditɛronɔmi 22:24

menyeeŋ keta bumo benyɔ na kikɛ n lar kade na to n ya kpa bumo ajembu m mɔ. Eche na daga luwu ŋkpal e ka maŋ boŋ to n tre basa nɛ b ba chɛ mo to jemanɛ nɛ e wɔ kade to nɛ ekama daŋ beeŋ tiŋ n nu e ka bee boŋ to so. Enyɛn na malɛ daga luwu nna ŋkpal e ka di eche nɛ esa ko bee ji mbe kesha so. Kananɛ menyeeŋ wora n lara le be kulubi ere ashi menyi to nna na.

Ditɛronɔmi 24:7

Menyi to be ekama nɛ e beeŋ pɛ mo barkasa Israɛl be esa ŋ ki mbe kenya ŋko n fa fanɛ kenya, a daga fanɛ men mɔ esa nɛ e fa mo barkasa na. Kananɛ menyeeŋ wora n lara le be kulubi ere efuli na so nna na.

Demujipoana 19:22

Jemanɛ nɛ baa ji na nɛ kade na to be basa lubi ba kulti laŋ na n wɔtɔ nseŋ fara a ŋmea kukuloŋ na a ponte to a kaŋɛ kanyɛnnimubi na le: “Shin nɛ kanyɛn nɛ fo keta m ba fo laŋ to na e lar m ba! Anyee sha kedi mo keche nɛ kenyɛn nna!”

Demujipoana 20:12

Kede be kaman nɛ Israɛl be eyiriana na kikɛ shuŋi basa Bɛnjamin be yiri to be basa be efuli kikɛ so ŋ kaŋɛ: “Menyi basa jiga ere! Manɛ be kesheŋ lubi nɛ men wora loŋ?

Demujipoana 20:14

nɛ bumo be benyɛn shi bumo be ndeana kikɛ to m ba Gibiya nɛ b ba kɔ bumo braana Israɛlebi kena.

1 Samuɛl 2:25

Nɛ fanɛ esa ko baŋ wora n da mo barkasa so, Ebɔrɛ beeŋ tiŋ n lɔŋɛ bumo be kefɛato, ama nɛ fanɛ esa wora n da Ebɔrɛ so wanɛ malɛ e naaŋ tiŋ n lɔŋɛ bumo be kefɛato?” Ama ŋkpal Enyɛnpe Ebɔrɛ na ka daŋ yili kumo fanɛ e beeŋ mɔ bumo so, mbinyɛnsobi na daŋ maŋ nu n sa kusɔ nɛ bumo tuto daŋ kaŋɛ bumo na.

1 Samuɛl 30:22

Ama le nɛ Deevid be basa nɛ b daŋ yɔ kena na to nsaa la basa fuloŋ a kɔ amukpakpaso na bre daŋ kaŋɛ: “Ŋkpal basa ere ka maŋ tu anyi n yɔ kena ere to so, anyi nɛ bumo maaŋ barga asɔ nɛ an ya muu kena na to na n sa abar. Ama bumo be ekama beeŋ tiŋ ŋ keta mbe eche nɛ mbia bre a yɔ.”