Demujipoana 2:7 - EBƆRƐ BE KAWƆL

⁷ Jemanɛ nɛ Joshuwa kraa wɔ ŋkpa to na Israɛlebi na daa shuŋ Enyɛnpe Ebɔrɛ na nɛnɛ nna. Mbe luwu be kaman gba, b daa shuŋ mo loŋ nna ŋkpal benimu nɛ b chɛr a chɔ Joshuwa nseŋ wu emamachisheŋ nɛ Enyɛnpe Ebɔrɛ na wora n sa Israɛlebi na be beko ka kraa wɔ ŋkpa to so.

Demujipoana 2:7 ပူးပေါင်းရင်းမြစ်များ

2 Bewura 12:2

E daa wora kusɔ nɛ k walɛ Enyɛnpe Ebɔrɛ be anishito nna ŋkpal manɛ so bɔrɛmatapo Jehowada e daŋ bela mo.

2 Kronikɛls 24:2

E daa wora kusɔ nɛ k walɛ Enyɛnpe Ebɔrɛ be anishito saŋɛ so nɛ bɔrɛmatapo Jehowada daa wɔ ŋkpa to na nna.

Filipaiebi 2:12

Amoso, n teri shasoana, men baa kraa nu a sa ma fanɛ kananɛ men chɛr a wora na, mannɛ fanɛ saŋɛ nɛ n wɔ menyi kutɔ nawule, ama saŋɛ nɛ m maŋ wɔ menyi kutɔ gba a chɔ ŋ ka wɔ men kutɔ. Men baa ta kagbene ŋana asheŋ ŋ kraa kɔ a fin men be kumɔlga kikɛ be kenya.

Joshuwa 24:31

Joshuwa ka daa wɔ ŋkpa to na, Israɛlebi na daa shuŋ Enyɛnpe Ebɔrɛ nna. E ka naŋ wu malɛ gba b daŋ kraa shuŋ mo nna saŋɛ nɛ benimu nɛ b wu kusɔ nɛ Enyɛnpe Ebɔrɛ wora n sa bumo na kraa wɔ ŋkpa to na.

Demujipoana 2:17

Ama Israɛlebi na daa maa nu a sa bumo be bejuŋkparpo ere nsaa wɔtɔ a shuŋ agbirana. Bumo tutoana bre daŋ nu n sa Enyɛnpe Ebɔrɛ na nna, ama bumo ere maa nu a sa mo.

Demujipoana 2:6

Joshuwa ka daŋ kraa wɔ ŋkpa to na nɛ e sa Israɛlebi na ekpa fanɛ b baa yɔ, nɛ ekama bɛta n yɔ nɛ e ya kɔ n sɔ kasawule nɛ k daa la mbe kachige.

Demujipoana 2:8

Nun pibinyɛn, Joshuwa, nɛ e la Enyɛnpe Ebɔrɛ na be kayɛrbi na daŋ ji nfɛ kalfa nɛ kudu nna pɔɛŋ nseŋ wu.