Demujipoana 2:19 - EBƆRƐ BE KAWƆL

¹⁹ Ama nɛ ejuŋkparpo na baŋ wu b naa bɛta nna a yɔ asheŋ alubi nɛ a chɔ amo nɛ bumo tutoana daa wora na gba to. Kumo e la fanɛ baa bɛ agbirana so nna a shuŋ amo nsaa kini kelar bumo be asheŋ jiga to.

Demujipoana 2:19 ပူးပေါင်းရင်းမြစ်များ

Jɛnesis 6:11

Ebɔrɛ daŋ wu fanɛ alubi daŋ sɔ durnya kikɛ to nna nɛ asheŋ lubi chase kaplɛkama.

Nehemaya 9:28

Ama b baŋ nya kayurwushi, baa kilgi nna a wora alubi a da fo so, nɛ fo naŋ ta bumo m bɔɔ bumo doŋana enɔ. Kumo be kaman nɛ b naŋ kule n fin fo kechɛto, ŋkpal fo kuwɔrwu ka shi ga so, fo naŋ laŋɛ m mɔlga bumo.

Nshɛ 78:8

Bumo ere maaŋ baa du fanɛ bumo nanaana nɛ b daŋ lar Ebɔrɛ kaman nseŋ kini kewora mo kasonu, nɛ bumo be yirda ashi Ebɔrɛ to daa maa yil to kpakpa, nɛ b maŋ ji kashenteŋ n sa mo na.

Ɛksodɔs 32:7

Ndoŋ nna nɛ Enyɛnpe Ebɔrɛ kaŋɛ Mosis: “Gbelge to manaŋ n yɔ, ŋkpal manɛ so, fo basa nɛ fo keta n lar Ijipt be kasawule so na wora kulubi m pal kaman n sa ma.

Jɛremaya 16:12

Ama menyi ere wora asheŋ lubi nɛ a chɔ men nananyɛnana peya. Menyi kikɛ be ŋgbene du kpakpa nna nseŋ lubi. Menyi alɛ maa nu a sa ma.

Jɛremaya 23:17

Anebi fɛpoana ere bee kaŋɛ basa nɛ b kini kenu kusɔ nɛ ŋ kaŋɛ na nna fanɛ asheŋ beeŋ nyalɛ n sa bumo. Bumo alɛ nseŋ naa kaŋɛ kagbene kpakpasowuraana fanɛ b maaŋ ji jɛrbi kikɛ.”

Jɛremaya 3:17

Jemanɛ na kaŋ fo, Jerusalɛm be kadegboŋ na beeŋ baa la Enyɛnpe Ebɔrɛ na be Kuwurputiakpa, nɛ efuli pɔtɛana na so be basa kikɛ e baa kaa gama ndoŋ a shuŋ ma. B maaŋ naa wora asheŋ lubi nɛ e wɔ bumo be ŋgbene kpakpaso to na.”

Ezikɛl 20:30

Amoso kaŋɛ Israɛl be basa na fanɛ kusɔ nɛ Enyɛnpetale Ebɔrɛ bee bishi e la fanɛ, manɛ e baa nɛ menyeeŋ jija menyi be amu nɛ kebaawɔtɔ fanɛ kananɛ men tutoana daŋ wora na nsaa shuŋ bumo be agbirana nɛ amo be asheŋ bee nu agbo na?

Matiu 23:32

To, menyi alɛ gba e baa kɔ to a wora alubi nɛ men nanaana daŋ wora na ai!

Ditɛronɔmi 31:29

Ade be kaman n nyi fanɛ ma luwu be kaman, basa na be amu beeŋ ki kpakpa nɛ b kini kusɔ nɛ ŋ ŋini bumo ere n lɛ nseŋ kini kewora Enyɛnpe Ebɔrɛ na kasonu. Kumo be loŋ malɛ beeŋ shin nɛ Enyɛnpe Ebɔrɛ na e nya agbo n wora bumo n shin nɛ kumu lubi gboŋgboŋi e ba bumo so.”

Joshuwa 24:31

Joshuwa ka daa wɔ ŋkpa to na, Israɛlebi na daa shuŋ Enyɛnpe Ebɔrɛ nna. E ka naŋ wu malɛ gba b daŋ kraa shuŋ mo nna saŋɛ nɛ benimu nɛ b wu kusɔ nɛ Enyɛnpe Ebɔrɛ wora n sa bumo na kraa wɔ ŋkpa to na.

Demujipoana 10:13

Ama men kraŋ yige ma nseŋ ya kaa shuŋ agbir. Ŋkpal loŋ so, m maaŋ naŋ mɔlga menyi.

Demujipoana 2:18

Jemanɛ kikɛ nɛ Enyɛnpe Ebɔrɛ na baŋ ya lara ejuŋkparpo n sa bumo, mo alɛ beeŋ chɛ loŋ be ejuŋkparpo na to nɛ e tiŋ m mɔlga bumo ashi bumo doŋana be enɔ to hale n ya fo fanɛ ejuŋkparpo na ka beeŋ wu. Ŋkpal manɛ so, jemanɛ kikɛ nɛ b baŋ ya kaa wɔ tɔrɔ to nseŋ shu n tre Enyɛnpe Ebɔrɛ na e bee wu bumo kuwɔr nna.

Demujipoana 2:20

Ŋkpal loŋ so nɛ Enyɛnpe Ebɔrɛ na daŋ nya agbo n wɔtɔ Israɛlebi na nseŋ kaŋɛ le na: “Israɛlebi ere ka maŋ wora m bɔlɔ ma nɛ bumo nananyɛnana be kɔnɔkoŋwule be ŋkre na so, nsaa maŋ naa nu a sa ma na so,

Demujipoana 2:7

Jemanɛ nɛ Joshuwa kraa wɔ ŋkpa to na Israɛlebi na daa shuŋ Enyɛnpe Ebɔrɛ na nɛnɛ nna. Mbe luwu be kaman gba, b daa shuŋ mo loŋ nna ŋkpal benimu nɛ b chɛr a chɔ Joshuwa nseŋ wu emamachisheŋ nɛ Enyɛnpe Ebɔrɛ na wora n sa Israɛlebi na be beko ka kraa wɔ ŋkpa to so.

Demujipoana 4:1

Ehud ka wu be kaman nɛ Israɛlebi na naŋ wora alubi n da Enyɛnpe Ebɔrɛ na so.

Demujipoana 8:33

Gidiɔn be luwu be kaman, Israɛlebi na kraŋ pal kaman nna n sa Ebɔrɛ nsaa shuŋ agbir. B daa shuŋ agbir nɛ baa tre Baal na nna nseŋ ta kumo nɛ baa tre Baal Bɛrif na fanɛ bumo kegbirgboŋ,

1 Samuɛl 15:23

Kekini kenu n sa Enyɛnpe Ebɔrɛ du fanɛ kegbaya nna. Nɛ kamoowu malɛ du fanɛ kagbirshuŋ. Ŋkpal fo ka kini kenu n sa Enyɛnpe Ebɔrɛ na so, mo alɛ gba kini fo fanɛ ewura.”