Demujipoana 2:18 - EBƆRƐ BE KAWƆL

¹⁸ Jemanɛ kikɛ nɛ Enyɛnpe Ebɔrɛ na baŋ ya lara ejuŋkparpo n sa bumo, mo alɛ beeŋ chɛ loŋ be ejuŋkparpo na to nɛ e tiŋ m mɔlga bumo ashi bumo doŋana be enɔ to hale n ya fo fanɛ ejuŋkparpo na ka beeŋ wu. Ŋkpal manɛ so, jemanɛ kikɛ nɛ b baŋ ya kaa wɔ tɔrɔ to nseŋ shu n tre Enyɛnpe Ebɔrɛ na e bee wu bumo kuwɔr nna.

Demujipoana 2:18 ပူးပေါင်းရင်းမြစ်များ

Jɛnesis 6:6

Nɛ kumo be loŋ besa Enyɛnpe Ebɔrɛ na ga nseŋ jija mbe kagbene ŋkpal e ka to dimɛdi kasawule ere so so.

2 Bewura 13:4

Jehowahaz ka wu kananɛ Siriya be ewura na bee tɔrɔ bumo nsaa mɛaŋ bumo na nseŋ kule Enyɛnpe Ebɔrɛ nɛ e nu mbe kekule,

Nshɛ 12:5

Ndoŋ nna nɛ Enyɛnpe Ebɔrɛ kaŋɛ le: “Meeŋ koso, ŋkpal bepɔshipo be kamɛaŋ, nɛ basa nɛ asheŋ bee tɔrɔ be kushuto so. Meeŋ sɔ bumo n yige.”

Nshɛ 90:13

Enyɛnpe Ebɔrɛ, chɛ anyi to! Sa maŋ naŋ jo gbrɛbi kama! Wu fo nyɛrbi kuwɔr, n shu anyi so!

Ɛksodɔs 2:24

Nɛ Ebɔrɛ nu bumo be nfubel na nseŋ nyiŋi mbe kɔnɔkoŋwule be ŋkre nɛ k wɔ mo nɛ bumo nananyɛnana Eebraham nɛ Aizek nɛ Jeekɔb be kefɛato na.

Ɛksodɔs 3:12

Nɛ Ebɔrɛ kaŋɛ mo le: “Meeŋ baa wɔ fo kutɔ. Fo kaŋ ya lara basa na ashi Ijipt be efuli so m ba kebee ere so nfe m ba bunyaŋ ma na nɛ feeŋ pin fanɛ ma e shin nɛ loŋ wora.”

Ɛksodɔs 32:14

Ndoŋ nna nɛ Enyɛnpe Ebɔrɛ chɛrga mbe nfɛra nsaa maŋ naŋ bar tɔrɔ na bumo so.

Hoziya 11:8

Ama m maaŋ tiŋ n yige Israɛlebi ŋko ŋ kplaŋ bumo so kikɛ. M maaŋ tiŋ n jija bumo fanɛ kananɛ n jija Adma nɛ Zeboyim be nde na. Ma kasha nɛ ŋ kɔ n sa bumo na shi ga.

Jona 3:10

Ebɔrɛ ka wu kusɔ nɛ b wora na nɛ kananɛ b yige bumo be asheŋ lubi nɛ kebaawɔtɔ lubi na, nɛ e wu bumo kuwɔr nsaa maŋ naŋ shin nɛ b mur fanɛ kananɛ e daŋ yili na.

Nɔmbɛs 10:9

Nɛ men doŋana kaŋ baa kaa kɔ menyi kena men gbagba be kasawule so nɛ men foŋ mbel na, ma Enyɛnpe Ebɔrɛ na beeŋ nu nseŋ ba mɔlga menyi.

Ditɛronɔmi 32:36

Enyɛnpe Ebɔrɛ na beeŋ kɔ n sɔ mbe basa, jemanɛ nɛ e beeŋ wu fanɛ bumo be eleŋ loge na. E beeŋ wu bumo nɛ baa shuŋ mo na kuwɔr, jemanɛ nɛ e beeŋ wu fanɛ b maaŋ tiŋ n wora shɛŋ n sa bumo be amu na.

Joshuwa 1:5

Esa kama malɛ maaŋ tiŋ m pɔɔ fo so fo kebaawɔtɔ to kikɛ. Kananɛ n daa wɔ Mosis be kaman na, loŋ nɛ meeŋ baa wɔ fo alɛ gba be kaman. M maaŋ yige fo ŋko ŋ kplaŋ fo so kikɛ.

Demujipoana 10:16

Kumo be kaman nɛ b kini efuli pɔtɛ be agbir na kikɛ nseŋ fara a shuŋ Enyɛnpe Ebɔrɛ na. Nɛ Israɛlebi be awurfoŋ nɛ b daa ji na be asheŋ naŋ ba ka tɔrɔ Enyɛnpe Ebɔrɛ na.

Demujipoana 11:32

Kede be kaman nɛ Jɛfta dii lɔr be kaba ndoŋ n ya kɔ Ammɔnebi na, nɛ Enyɛnpe Ebɔrɛ na shin nɛ e kɔ m pɔɔ bumo so.

Demujipoana 2:19

Ama nɛ ejuŋkparpo na baŋ wu b naa bɛta nna a yɔ asheŋ alubi nɛ a chɔ amo nɛ bumo tutoana daa wora na gba to. Kumo e la fanɛ baa bɛ agbirana so nna a shuŋ amo nsaa kini kelar bumo be asheŋ jiga to.

Demujipoana 3:9

Ama Israɛlebi na ka naŋ shu n tre Enyɛnpe Ebɔrɛ na nɛ e shuŋi Kalɛb mo sipo Kɛnaz pibinyɛn, Ofniɛl, fanɛ e ba mɔlga bumo.

Demujipoana 6:12

Ndoŋ nna nɛ malaika na lar Gidiɔn so nseŋ kaŋɛ mo: “Enapo lempo, Enyɛnpe Ebɔrɛ na wɔ fo kutɔ!”

Demujipoana 6:16

Ndoŋ nna nɛ Enyɛnpe Ebɔrɛ na naŋ kaŋɛ mo le: “Ma e naaŋ chɛ fo to nɛ fo tiŋ m pɔɔ Midianebi na kikɛ so fanɛ b ka la esa koŋwule na.”