Demujipoana 2:17 - EBƆRƐ BE KAWƆL

¹⁷ Ama Israɛlebi na daa maa nu a sa bumo be bejuŋkparpo ere nsaa wɔtɔ a shuŋ agbirana. Bumo tutoana bre daŋ nu n sa Enyɛnpe Ebɔrɛ na nna, ama bumo ere maa nu a sa mo.

Demujipoana 2:17 ပူးပေါင်းရင်းမြစ်များ

Nshɛ 106:39

Kusɔ nɛ b daŋ wora na shin nɛ b wora eyurpi daŋkare be ekpa so nna. B daa maŋ ji kashenteŋ n sa Ebɔrɛ.

Nshɛ 106:43

Ale damta nɛ Enyɛnpe Ebɔrɛ na daŋ mɔlga mbe basa; ama b daŋ kute n lar mo kaman a wora asheŋ gela m bɔla amo so n tɔr alubi damta to.

Nshɛ 73:27

O Enyɛnpe Ebɔrɛ, bekama nɛ b kplaŋ fo so beeŋ mur cheche. Fo alɛ beeŋ mur bekama nɛ b maŋ ji kashenteŋ n sa fo.

Ɛksodɔs 32:8

B teŋ kini kebɛ mbra nɛ n sa bumo na so nseŋ ŋalga shuwa n lɔŋɛ kenabi a shuŋ nsaa lara esarga a sa kumo a kaŋɛ fanɛ bumo be ebɔrɛ mo nɛ a lara bumo ashi Ijipt be kasawule so na nna na.”

Jɛremaya 3:6

Jemanɛ nɛ Josaya daa la Juda be ewura na nɛ Enyɛnpe Ebɔrɛ na kaŋɛ ma le. E yɛ: “Jɛremaya, fo wu kusɔ nɛ Israɛl be efuli nɛ k du fanɛ eche nɛ e maa ji kashenteŋ a sa mo kul na wora, ŋko? E kini ma nseŋ ya kaa shuŋ agbir ashi abee jeŋgreŋ so nɛ ndibigboŋ nɛ e kɔ afantaŋ ga be afito.

Jɛremaya 6:16

Ade kikɛ be kaman nɛ Enyɛnpe Ebɔrɛ naŋ kaŋɛ mbe basa le: “Men yili ŋkpancheri n to anishi ŋ keni, nseŋ bishi m pin ekpa dra nɛ men nananyɛnana daa bɔla so a wora asheŋ na nsaa bɔla kumo so wora asheŋ, saŋɛ na so nɛ men baa wɔ kayurwushi be kebaawɔtɔ to.” Ama le nɛ men daŋ kaŋɛ: “Ayai, anyi maaŋ wora loŋ!”

Hoziya 2:2

Mbia, men fiɛ men nio so. Kashenteŋ nna fanɛ e maŋ naa la ma eche nɛ ma alɛ maŋ naa la mo kul, ama men kaŋɛ mo nɛ e yige mbe kesakalea nɛ kebirkɔnshi be kebaawɔtɔ na.

Levitikɔs 17:7

Israɛlebi na e sa maa lar Enyɛnpe Ebɔrɛ na kaman n ya kaa mɔ bumo be asɔbɔya a lara esarga a sa agbir nɛ a bee ji mboe ŋko ayoyu lubi ashi bumo be ndɔana to. Mbra ere dese nna n sa bumo nɛ bumo be kaman to ebi kikɛ hale mbaanaayɔ.

Eemɔs 2:4

Enyɛnpe Ebɔrɛ yɛ: “Juda be basa wora alubi n ya baŋ so, amoso abaanaaworashɛŋ meeŋ gberge bumo kusoe. B kplaŋ ma keŋini so nseŋ kini kebɛ ma mbra malɛ so. Agbir koŋwule nɛ bumo nananyɛnana daa shuŋ na e fule bumo nɛ b foe ekpa.

Galeeshaebi 1:6

Men be asheŋ bee chinchiŋ ma kashenteŋto pasaa, ŋkpal kananɛ men tea yige Ebɔrɛ nɛ e bɔla Kristo be kuwɔr be kakɛ na so n tre menyi na a to nsaa sɔ baru pɔtɛ nɛ basa ko bee tre baru lela na.

Ditɛronɔmi 31:16

Kumo be kaman nɛ Enyɛnpe Ebɔrɛ na kaŋɛ Mosis le: “Fo maaŋ naŋ chɛr nseŋ wu. Fo alɛ be luwu be kaman basa na maaŋ naa ji kashenteŋ a sa ma nseŋ lar kɔnɔkoŋwule be ŋkre nɛ ma nɛ bumo kre na to. Baaŋ lar ma kaman n ya kaa shuŋ nnyamase be agbirana nɛ a wɔ kasawule nɛ baa yɔ na so.

Ditɛronɔmi 31:18

Ma alɛ beeŋ kini kechɛ bumo to, ŋkpal b ka ya kaa shuŋ agbirana n wora kulubi so.

Ditɛronɔmi 9:12

Kumo be kaman nɛ Enyɛnpe Ebɔrɛ na kaŋɛ ma le: “Nya manaŋ ŋ gbelge kebeegboŋ na so n yɔ, ŋkpal manɛ so, basa nɛ fo juŋkpar n lar Ijipt be efuli so na ki basa jiga nseŋ wora kulubi. B teŋ kplaŋ kusɔ nɛ ŋ kaŋɛ bumo fanɛ b baa wora na so nseŋ lɔŋɛ kegbir n sa bumo be amu.”

Ditɛronɔmi 9:16

Ma alɛ daŋ wu fanɛ men daŋ maŋ wora Enyɛnpe menyi be Ebɔrɛ na be mbraana nɛ e sa menyi na kasonu. Menyi alɛ daŋ lɔŋɛ kebɛlso be gbolu fɔlbi be kegbir n wora kulubi n da mo so.

Joshuwa 24:24

Nɛ basa na malɛ kaŋɛ Joshuwa le: “Anyeeŋ shuŋ Enyɛnpe an be Ebɔrɛ na nseŋ wora mo kasonu.”

Joshuwa 24:31

Joshuwa ka daa wɔ ŋkpa to na, Israɛlebi na daa shuŋ Enyɛnpe Ebɔrɛ nna. E ka naŋ wu malɛ gba b daŋ kraa shuŋ mo nna saŋɛ nɛ benimu nɛ b wu kusɔ nɛ Enyɛnpe Ebɔrɛ wora n sa bumo na kraa wɔ ŋkpa to na.

Demujipoana 2:7

Jemanɛ nɛ Joshuwa kraa wɔ ŋkpa to na Israɛlebi na daa shuŋ Enyɛnpe Ebɔrɛ na nɛnɛ nna. Mbe luwu be kaman gba, b daa shuŋ mo loŋ nna ŋkpal benimu nɛ b chɛr a chɔ Joshuwa nseŋ wu emamachisheŋ nɛ Enyɛnpe Ebɔrɛ na wora n sa Israɛlebi na be beko ka kraa wɔ ŋkpa to so.

Demujipoana 8:33

Gidiɔn be luwu be kaman, Israɛlebi na kraŋ pal kaman nna n sa Ebɔrɛ nsaa shuŋ agbir. B daa shuŋ agbir nɛ baa tre Baal na nna nseŋ ta kumo nɛ baa tre Baal Bɛrif na fanɛ bumo kegbirgboŋ,

1 Samuɛl 12:12

Ama men ka wu Nahaash nɛ e la Ammɔn be ewura na ka bee ba nɛ e ba kɔ menyi na, nɛ men kini Enyɛnpe Ebɔrɛ na fanɛ menyi be ewura nsaa fin menyi gbagba be ewura nɛ e beeŋ baa juŋkpar menyi.

1 Samuɛl 12:17

Mannɛ ketarso nde a? Meeŋ kule Enyɛnpe Ebɔrɛ nɛ e shin nɛ bɔrɛ e ba nseŋ ponte eleŋso. Le be kesheŋ kaŋ wora na, nɛ menyeeŋ pin men ka wora kulubi gboŋgboŋi ŋ gbiti Enyɛnpe Ebɔrɛ, ŋkpal men ka kule mo fanɛ e sa menyi ewura so.”

1 Samuɛl 12:19

Ndoŋ nna nɛ b kaŋɛ Samuɛl le: “Jande kule Enyɛnpe fo Ebɔrɛ na n sa anyi, saŋɛ na so anyi maaŋ wu. Naniere an pin fanɛ anyi be alubi nɛ an wora na kikɛ be kaman, anyi be kekaŋɛ fanɛ anyee sha ewura na gba la kulubi nna.”