Demujipoana 2:16 - EBƆRƐ BE KAWƆL

¹⁶ Ade kikɛ be kaman nɛ Enyɛnpe Ebɔrɛ na naŋ lara bejuŋkparpo ko Israɛlebi na to nɛ b kɔ m mɔlga bumo ashi bumo doŋana be enɔ to.

Demujipoana 2:16 ပူးပေါင်းရင်းမြစ်များ

2 Samuɛl 7:11

Ŋkpal manɛ so, meeŋ kuŋ menyi ashi men doŋana kutɔ nseŋ naŋ shin nɛ menyi be kanaŋ to ebi e wora kishi ga n ti so.

Nehemaya 9:27

Amoso fo ta bumo nna m bɔɔ bumo doŋana enɔ, nɛ b kɔrfɛ bumo ga. Ama bumo be awurfoŋ na to, b daŋ kule fo fanɛ fo chɛ bumo to nna. Ebɔrɛso nɛ fo wɔ nseŋ nu bumo be kekule, ŋkpal fo kuwɔrwu ka shi ga so, fo daŋ shuŋi bejuŋkparpo nna nɛ b ba kɔ n suge bumo ashi bedoŋ be enɔ to.

Ashuŋ Shunso 13:20

Asheŋ ere kikɛ daŋ fo fanɛ nfɛ alfa ana nɛ adunu. Kumo be kaman benimu ko nɛ Ebɔrɛ daa sa a sa bumo pɔɛŋ nɛ anebi Samuɛl ya ba.

Demujipoana 10:1

Abimelɛk ka wu be kaman, kanyɛn ko nɛ baa tre mo Tola, nɛ e la Puwa pibinyɛn nɛ mo nananyɛn daa la Dodo na, e ba sɔ so nɛ e mɔlga Israɛl be efuli na ashi bumo doŋana be enɔ to. Issaka be kabuna nɛ e shi, ama e daŋ chena Shamir nɛ k wɔ Efrayim be kepreŋ be efuli so na nna.

Demujipoana 11:32

Kede be kaman nɛ Jɛfta dii lɔr be kaba ndoŋ n ya kɔ Ammɔnebi na, nɛ Enyɛnpe Ebɔrɛ na shin nɛ e kɔ m pɔɔ bumo so.

Demujipoana 3:15

Ndoŋ nna nɛ Israɛlebi na naŋ shu n tre Enyɛnpe Ebɔrɛ na nɛ e naŋ sa bumo emɔlgapo nɛ baa tre mo Ehud, nɛ e la enapo nsaa la kanyɛn nɛ baa tre Gɛra, nɛ e shi Bɛnjamin be yiri to na pibinyɛn. Israɛlebi daŋ ta bumo be lampo nna n shuŋi Ehud fanɛ e ta n ya sa ewura Ɛglɔn nɛ e la Mowab be efuli so be ewura na.

Demujipoana 3:31

Ehud ka wu be kaman, kanyɛn nɛ baa tre Shamgaa nɛ e la Anaf pibinyɛn na, e sɔ mo so a juŋkpar Israɛlebi. E daŋ ta kedibi nɛ b shɛl fanɛ kekpa nna m mɔ Filisti be basa alfa ashe kachɛ koŋwule m mɔlga Israɛlebi.

Demujipoana 4:5

Dɛbora daa chena abii be kedibi ko nɛ baa tre kumo Dɛbora be Abiidibi nɛ k daa yil nde nɛ baa tre Rama nɛ Bɛtɛl be kefɛato ashi Efrayim be kepreŋsawule so na be kifito nna nɛ Israɛlebi na bee ba mo kutɔ nɛ e bee ji bumo be asheŋ a sa bumo.

Demujipoana 6:14

Ndoŋ nna nɛ Enyɛnpe Ebɔrɛ na gbagba kaŋɛ mo: “Ta eleŋgboŋ nɛ fo kɔ ere n ya kɔ n sɔ Israɛlebi na ashi Midianebi na be enɔ to. Ma e naa shuŋi fo!”

Ruf be kawɔl 1:1

Jemanɛ nɛ demujipoana kraa juŋkpar Israɛl be efuli so ebi na be saŋko nɛ akoŋ tɔr efuli na so. Ndoŋ nna nɛ kanyɛn ko nɛ e shi Juda be kasawule so be kade nɛ baa tre Bɛtlɛhɛm na keta mbe eche nɛ mbinyɛnso anyɔ ŋ kaa n yɔ Mowab be efuli so nɛ b ya chena ndoŋ n wora nchɛnnyɔ.

1 Samuɛl 12:11

Nɛ Enyɛnpe Ebɔrɛ shuŋi Gidiɔn nɛ Barak nɛ Jɛfta nɛ ma, nɛ an mɔlga menyi ashi men doŋana kutɔ nɛ men nya menyi be amu.

1 Samuɛl 14:48

E daŋ kɔ kena kenyɛnso nna ga hale m pɔɔ Amalɛk be basa so. Mo e daŋ mɔlga Israɛl be basa ashi basa nɛ baa ta kena a purgi basa a suge bumo be asɔ na kutɔ.