Demujipoana 2:10 - EBƆRƐ BE KAWƆL

¹⁰ Joshuwa be jemanɛ to be basa na kikɛ ka wu be kaman, bumo nɛ b ka na daa maŋ naa nyi Enyɛnpe Ebɔrɛ na ŋko asɔ nɛ e wora n sa Israɛl na.

Demujipoana 2:10 ပူးပေါင်းရင်းမြစ်များ

Jɛnesis 15:15

Ama fo ere beeŋ ji kasawule ere so n ya bel n fuli kumu nseŋ wu kagbenewushi be luwu nɛ b puli fo.

Jɛnesis 25:17

Ishmaɛl daŋ ji nfɛ kalfa nɛ adesa nɛ ashunu nna pɔɛŋ nseŋ wu n yɔ mo nanaana kutɔ.

Jɛnesis 25:8

Nfɛ kalfa nɛ adushunu nɛ anu nɛ Eebraham daŋ ji kasawule ere so.

Jɛnesis 49:33

Jeekɔb ka ta le be mmalga ere kikɛ m bɔɔ mbe mbia na enɔ n loge nɛ e lɔŋɛ n dese nseŋ fute mbe lalaloge be efute n wu.

2 Samuɛl 7:12

E kaŋ wu nɛ b ta mo n ya nase mo nananyɛnana be edesekpa, meeŋ shin nɛ mbe mbinyɛnsobi ere be eko e ki ewura, nɛ n shin nɛ mbe kuwurji malɛ e ba kɔ eleŋ ga.

1 Kronikɛls 28:9

Ade kikɛ be kaman nɛ e kaŋɛ Sɔlɔmɔn malɛ le: “M pibinyɛn, ta fo kagbene nɛ fo nfɛra kikɛ a shuŋ fo tuto be Ebɔrɛ na. Mo e nyi anyi be nfɛra nɛ kusɔ nɛ anyee sha kikɛ. Nɛ fo ba mo kutɔ, e beeŋ sɔ fo, ama nɛ fo shile mo bre, mo alɛ beeŋ kplaŋ fo so mbaanaayɔ.

Job be kawɔl 21:14

Ama le nɛ basa lubi na bee kaŋɛ Enyɛnpetale Ebɔrɛ na: ‘Yige anyi! Anyi maa sha kepin fo aparsheŋ.

Ɛksodɔs 1:6

B wɔtɔ loŋ nɛ Josɛf nɛ mo daana nɛ bumo be jemanɛ to ebi kikɛ wu n loge.

Ɛksodɔs 1:8

Ndoŋ nna nɛ esa popɔr ko nɛ e daa maŋ nyi Josɛf ba ji Ijipt be efuli so be kuwura.

Ɛksodɔs 5:2

Ndoŋ nna nɛ ewura Fɛɛro bishi bumo le: “Wanɛ e la Enyɛnpe Ebɔrɛ ere nɛ k daga fanɛ n nu n sa mo n shin nɛ Israɛlebi e yɔ? Ma ere maŋ nyi Enyɛnpe Ebɔrɛ kama, ma alɛ maaŋ shin nɛ Israɛlebi na e yɔ.”

Aizaaya 5:12

Ejaŋjilaŋ nɛ echakachaka nɛ nlopi nɛ yabra nɛ menyee ta a ji menyi be amu ashi menyi be kasanuu be kejigboŋana to, ama menyi maa kaa fɛ asɔ nɛ Enyɛnpe Ebɔrɛ na wora be asheŋ.

Jɛremaya 31:34

Bumo be ekama maaŋ naŋ ŋini mo barkasa kananɛ e beeŋ wora m pin Enyɛnpe Ebɔrɛ na, ŋkpal manɛ so, bumo be bewura nɛ bebɔlpo kikɛ beeŋ pin ma nsaa wora ma kasonu. Ma alɛ beeŋ ta bumo be alubi m paŋ bumo nsaa maaŋ naŋ nyiŋi amo kikɛ. Ma, Enyɛnpe Ebɔrɛ e kaŋɛ na.”

Jɛremaya 9:2

N daa yɛlga kenya kakpa ashi keshishɛrsawule so, nɛ n lar ma basa to n ya chena ndoŋ. Ŋkpal manɛ so, bumo kikɛ maŋ kɔ kashenteŋji n sa Ebɔrɛ, bumo alɛ kikɛ la bedebɔrpo nawule nna.

Jɛremaya 9:3

Jemanɛ kikɛ b wora shiriya nɛ b baa ku efɛ nna. Kapuni e naa ji kuwura kasawule na so, mannɛ kashenteŋ. Ndoŋ nna nɛ Enyɛnpe Ebɔrɛ na kaŋɛ le: “Ma basa baŋ lar kulubi ko to baa luri kenyɔsopo to nna, bumo alɛ maŋ nyi fanɛ ma e la bumo be Ebɔrɛ na.”

Jɛremaya 9:5

Baa gben bumo be amu nna a fin ekpa popɔr nɛ baŋ bɔla so m puni bumo teriana nna.

Nɔmbɛs 27:13

Fo baŋ keni kasawule na n loge fo alɛ gba beeŋ wu fanɛ kananɛ fo da Ɛɛrɔn wu na.

Luuk 20:32

Kumo be kaman nɛ eche na malɛ ba wu.

Ashuŋ Shunso 13:36

Ŋkpal manɛ so, Deevid be jemanɛ na, e daŋ wora Ebɔrɛ be aparsheŋ nna nseŋ wu nɛ b ta mo m puli m mata mo nanaana nɛ e bɛ.

Ditɛronɔmi 31:16

Kumo be kaman nɛ Enyɛnpe Ebɔrɛ na kaŋɛ Mosis le: “Fo maaŋ naŋ chɛr nseŋ wu. Fo alɛ be luwu be kaman basa na maaŋ naa ji kashenteŋ a sa ma nseŋ lar kɔnɔkoŋwule be ŋkre nɛ ma nɛ bumo kre na to. Baaŋ lar ma kaman n ya kaa shuŋ nnyamase be agbirana nɛ a wɔ kasawule nɛ baa yɔ na so.

2 Tɛsalɔnikaebi 1:8

m ba gberge basa nɛ b maŋ nyi Ebɔrɛ nɛ bumo nɛ b maa bɛ an Nyɛnpe Yesu be baru lela na so kusoe.

Taites 1:16

B yɛ b nyi Ebɔrɛ, bumo alɛ nsaa kini mo ashi bumo be kebaawɔtɔ nɛ asheŋ woraso to. Bumo be alubisheŋ nɛ bumo be amuleŋ maŋ kɔ ebarkasa, b maŋ walɛ kelela be kusɔ kama be kewora.

Joshuwa 24:31

Joshuwa ka daa wɔ ŋkpa to na, Israɛlebi na daa shuŋ Enyɛnpe Ebɔrɛ nna. E ka naŋ wu malɛ gba b daŋ kraa shuŋ mo nna saŋɛ nɛ benimu nɛ b wu kusɔ nɛ Enyɛnpe Ebɔrɛ wora n sa bumo na kraa wɔ ŋkpa to na.

1 Samuɛl 2:12

Eli be mbinyɛnsobi na daa la basa lubi nna nsaa maa nu a sa Ebɔrɛ,