Demujipoana 2:1 - EBƆRƐ BE KAWƆL

¹ Enyɛnpe Ebɔrɛ na be Malaika daŋ shi Gilgaal nna n yɔ Bokim n ya kaŋɛ Israɛlebi na le: “Ma e lara menyi Ijipt be efuli so nseŋ bar menyi kasawule nɛ n nase kɔnɔ dra kikɛ fanɛ meeŋ ta n sa men nananyɛnana na so. N daŋ kaŋɛ bumo fanɛ m maaŋ lar kɔnɔkoŋwule be ŋkre nɛ ma nɛ men nananyɛn Eebraham kre na kaman kikɛ.

Demujipoana 2:1 ပူးပေါင်းရင်းမြစ်များ

Jɛnesis 12:7

Ndoŋ nɛ Enyɛnpe na lar Eebram so ŋ kaŋɛ mo: “Meeŋ ta kasawule ere n sa fo kanaŋ to ebi.” Kumo be kaman nɛ Eebram yuu bɔrɛsure ndoŋ n lara sarga n sa Enyɛnpe Ebɔrɛ nɛ e lar mo so ndoŋ na.

Jɛnesis 16:13

Ndoŋ nna nɛ Heega bishi mbe kumu le: “Ma alɛ e wu Ebɔrɛ nseŋ kraa wɔ ŋkpa to ere a?” Kumo be kaman nɛ e nase Enyɛnpe nɛ e daŋ malga mo kutɔ na ketre fanɛ “Ebɔrɛ nɛ e bee wu asheŋ.”

Jɛnesis 48:16

Malaika mo nɛ e tu ma ŋ kɔ emaŋ na e nɛfa bumo. Ebɔrɛ e shin nɛ ma ketre nɛ n tuto Aizek be ketre nɛ n nananyɛn Eebraham be ketre e bɔla mbia ere so a wɔtɔ mbaanaayɔ. Ebɔrɛ e sa bumo mbia damta nɛ kanaŋ to ebi damta durnya to.”

Nshɛ 89:3

Fo yɛ: “Ma nɛ esa nɛ n lara na wora kɔnɔkoŋwule be ŋkre nna. Ma alɛ nase kɔnɔ nna n sa ma kayɛrbi Deevid fanɛ

Nshɛ 89:34

Ma alɛ maaŋ ku ma nɛ mo be kɔnɔkoŋwule be ŋkre na to, ŋko n lar nnɔ nɛ n nase n sa mo na be kekama kaman.

Ɛksodɔs 14:14

Enyɛnpe Ebɔrɛ na beeŋ kɔ bumo kena n sa menyi. Menyi ere e yige a keni mo de.”

Ɛksodɔs 14:19

Ade kikɛ be kaman nɛ Ebɔrɛ be malaika mo nɛ e daa wɔ kuwɔlpa to a juŋkpar Israɛlebi na bɛta n ya kaa bɛ bumo be kaman.

Ɛksodɔs 20:2

“Ma e la Enyɛnpe Ebɔrɛ, men be Ebɔrɛ mo nɛ e lara menyi ashi Ijipt be kasawule so, kakpa nɛ men daa wɔ kenyaya to na.

Ɛksodɔs 23:20

Ade kikɛ be kaman nɛ Ebɔrɛ kaŋɛ bumo le: “Meeŋ shin nɛ malaika ko e baa juŋkpar menyi ŋ kuŋ menyi ekpa to loŋ n ya fo kaboŋ nɛ n lɔŋɛ n yili menyi na.

Ɛksodɔs 33:14

Ndoŋ nna nɛ Enyɛnpe Ebɔrɛ kaŋɛ: “Meeŋ tu fo n yɔ, nɛ fo kagbene e wushi.”

Aizaaya 63:9

Enyɛnpe Ebɔrɛ na ka wu mbe basa ka wɔ etɔrɔ to nɛ k tɔrɔ mo ga nɛ e shuŋi mbe malaika nɛ e ba mɔlga bumo ashi awurfoŋ na to. Kashenteŋto Enyɛnpe Ebɔrɛ na bee wu kuwɔr pasaa, amoso nɛ e kɔ n suge mbe basa na. Mbe enɔ to nɛ e keta bumo nfɛ damta nɛ a choŋ ere kikɛ na.

Jɛremaya 14:21

Nyiŋi fo nnɔ naseso nsaa maŋ kini anyi n lɛ. Sa maŋ shin nɛ nyɔmɔ e ba Jerusalɛm nɛ k la kakpa nɛ fo kemaŋkura be kuwurputi wɔ na so. Sa maŋ lar anyi nɛ fo be kɔnɔkoŋwule be ŋkre na kaman.

Levitikɔs 26:42

meeŋ nyiŋi ma nɛ Jeekɔb nɛ Aizek nɛ Eebraham be kɔnɔkoŋwule be ŋkre na nseŋ naŋ tiŋi ma kɔnɔ nɛ n nase fanɛ meeŋ sa ma basa kasawule na to.

Levitikɔs 26:44

Asheŋ nɛ b wora ere kikɛ be kaman, m maa ba nɛ m ba kplaŋ bumo so ŋko m mur bumo kuraa jemanɛ nɛ b wɔ bumo doŋana be efuli so na. Nɛ n wora loŋ k beeŋ shin nɛ ma nɛ bumo be kɔnɔkoŋwule be ŋkre na e ba ekar. Ma e la Enyɛnpe bumo be Ebɔrɛ na.

Zakareya 11:10

Kumo be kamɔnchɛ nɛ m bu kekpabi nɛ mee tre ‘Kushuso’ na to, a ŋini fanɛ kɔnɔkoŋwule be ŋkre nɛ Enyɛnpe Ebɔrɛ nɛ efuliana na kikɛ kre na ku to.

Malakai 3:1

Enyɛnpetale na yɛ: “Meeŋ shuŋi ma kabɔ nɛ e ya lɔŋɛ ekpa n yili ma. Nɛ Enyɛnpe Ebɔrɛ nɛ menyee fin na e ba mbe lambu to epul to. Ma kabɔ nɛ menyee jo na beeŋ ba bɔ ma kɔnɔ nase nɛ ma nɛ menyi kre na be kubɔya na n sa menyi.”

Nɔmbɛs 14:34

Ŋkpal men ka ta nchɛ adena n dara efuli na so, menyeeŋ nite a kilgi to keshishɛrsawule ere so nfɛ adena. Kafɛ koŋwule kikɛ bee yili nna a sa kachɛ koŋwule. Ndoŋ nɛ menyeeŋ pin kananɛ ma kekilgi ŋ kɔ esa du.

Ditɛronɔmi 1:8

Le be kasawule ere nɛ ma, Enyɛnpe Ebɔrɛ na nase kɔnɔ fanɛ meeŋ ta n sa Eebraham nɛ Aizek nɛ Jeekɔb nɛ b la men nananyɛnana na nɛ bumo be kaman to ebi na. Men yɔ n ya sɔ kumo n chena so.’ ”

Ditɛronɔmi 4:34

Kegbir ko malɛ daŋ ber kagbene fanɛ k beeŋ ya lara basa ko ashi efuli ko so m ba ki kumo gbagba be basa fanɛ kananɛ Enyɛnpe Ebɔrɛ na wora ashi Ijipt be efuli so na a? Menyi gbagba be anishito nɛ Enyɛnpe Ebɔrɛ na bɔla mbe yukugboŋ nɛ eleŋ so n shin nɛ alɔ mɔso nɛ kena nɛ emamachisheŋ be yiri yiri wora nseŋ naŋ shin nɛ asheŋ nɛ a bee keta kufu wora nɛ men wu amo.

Ditɛronɔmi 7:9

Ŋkpal loŋ so, men baa nyiŋi fanɛ Enyɛnpe menyi be Ebɔrɛ na nawule e la Kashenteŋ be Ebɔrɛ nsaa la Kashenteŋjipo. E beeŋ wora m bɛ mbe kɔnɔkoŋwule be ŋkre so nseŋ lara mbe kasha nɛ k maa loge na ŋ ŋini basa nɛ baa sha mo nsaa wora mbe mbraana kasonu na, yili kenana ko n ya fo kenana ko loŋ be kagboŋ so.

Joshuwa 3:10

Kananɛ menyeeŋ pin fanɛ Enyɛnpe Ebɔrɛ nɛ e wɔ ŋkpa to na wɔ menyi kutɔ nde. E beeŋ ju Keenanebi nɛ Hitebi nɛ Hivebi nɛ Pɛrizebi nɛ Gɛgashebi nɛ Amɔriebi nɛ Jebusiebi nɛ b wɔ Jɔɔdan be lɔr be kaba ndoŋ na kikɛ.

Demujipoana 11:24

Menyi ere maaŋ sɔ kusɔ kama nɛ menyi be kegbir, Chemɔsh sa menyi a? To, kusɔ kama nɛ an Nyɛnpe, Israɛl be Ebɔrɛ na sa anyi, anyi alɛ gba beeŋ sɔ kumo.

Demujipoana 13:2

Kanyɛn ko malɛ daa wɔtɔ nɛ baa tre mo Manoa nɛ e shi kade nɛ baa tre Zora na. Dan be yiri to be esa e daa la mo. Mbe eche daa la egbentepo nna.

Demujipoana 13:3

Kachako nɛ Enyɛnpe Ebɔrɛ be malaika lar eche na so ŋ kaŋɛ mo le: “Fo la egbentepo nna, ama k maaŋ chɛr feeŋ di kedampo ŋ kurge ebinyɛn.

Demujipoana 2:5

nseŋ nase kakpa na be ketre Bokim. Kumo be kefito e la kushu. Kumo be kaman nɛ b lara esarga n sa Enyɛnpe Ebɔrɛ na ashi ndoŋ.

Demujipoana 6:8

nɛ Enyɛnpe Ebɔrɛ na shuŋi mbe anebi ko bumo kutɔ nɛ e bar bumo kubɔya. Kusɔ nɛ Enyɛnpe, Israɛl be Ebɔrɛ na kaŋɛ nde: “Ma e daŋ lara menyi kenyaya to ashi Ijipt be efuli so.