Demujipoana 19:3 - EBƆRƐ BE KAWƆL

³ Ndoŋ nɛ kanyɛn na yɔ nɛ e ya mata eche na m bɛta mo m ba. E daŋ keta mbe kayɛrbi nɛ ekurma anyɔ nna n yɔ. B ka ya fo, nɛ eche na keta kanyɛn na n yɔ mo tuto be laŋ to. Keche na mo tuto ka wu kanyɛn na nɛ e sɔ mo kagbenefuliso.

Demujipoana 19:3 ပူးပေါင်းရင်းမြစ်များ

Jɛnesis 34:3

E ka pur mo na nɛ mbe kagbene kilgi Jeekɔb pibiche Daina na so ga nɛ mbe kasha ba kebichebi na so nɛ e malga mo kutɔ kashaso.

Jɛnesis 50:21

Amoso, men sa maŋ shin nɛ kufu kama e baa kɔ menyi. Meeŋ baa keni menyi nɛ men be mbia so.” E daŋ leŋ bumo to nna m malga mmalga lela n sa bumo.

Jɛremaya 3:1

Nɛ Enyɛnpe Ebɔrɛ kaŋɛ Israɛl be basa na le: “Nɛ enyɛn baaŋ kini mbe eche nɛ eche na ya kil enyɛn pɔtɛ, loŋ be eche na maaŋ naŋ tiŋ m bɛta n yɔ mo kul dra na kutɔ. Nɛ e wora loŋ kasawule na beeŋ wora eyurpi daŋkare be ekpa so. Ama menyi Israɛl be basa kɔ agbir damta nɛ e chɔ sakaleche be benyɛnana gba. Nɛ manɛ so nɛ ma ere beeŋ naŋ sɔ menyi?

Hoziya 2:14

Ma Enyɛnpe Ebɔrɛ gbagba beeŋ naaŋ kule Israɛlebi fanɛ b bɛta n tu ma m ba keshishɛrsawule so nɛ m malga kashaso bumo kutɔ.

Hoziya 2:16

Yili kumo be kachɛ na a yɔ, menyeeŋ baa tre ma men kul nna, nɛ mannɛ men Nyɛnpe.

Levitikɔs 19:17

Sa maŋ kaŋ ta kusɔ nɛ fo barkasa wora fo n wɔtɔ kagbene to ŋkpal loŋ so ŋ kishi mo, ama shin nɛ e pin kulubi nɛ e wora, saŋɛ na so, fo nɛ mo kikɛ maaŋ tɔr kulubi to.

Levitikɔs 20:10

Nɛ enyɛn di mo barkasa be eche, mo nɛ eche na kikɛ ji kubojua nna na nseŋ daga luwu.

Nɔmbɛs 22:22

Balaam daŋ dii mbe kurma nna nɛ mbe nyɛrbi anyɔ ko tu mo a yɔ Mowab, nɛ Ebɔrɛ nya agbo ŋkpal Balaam ka daŋ tu basa na a yɔ so nseŋ shin nɛ mbe malaika ya kuŋ mo akpa.

Matiu 1:19

Josɛf nɛ Mɛɛri daa sha kekil na daa la esa nɛ e daa la esa cheembi nna a wora alelasheŋ saŋkama, ama e daa maa sha kesheŋ na e lar efuli ŋ ŋaba Mɛɛri. Amoso, e daa kre mo nɛ Mɛɛri be kakil na be kegboŋi be nia nna wulo to.

Baru lela nɛ Jɔn kute na 8:11

Nɛ kache na kaŋɛ Yesu: “Ebunyampo, esa kama maŋ ka.” Nɛ Yesu kaŋɛ mo: “To, ma alɛ gba maaŋ kaŋɛ fanɛ fo daga kasogberge. Baa yɔ, ama sa maŋ naa wora alubi.”]

Galeeshaebi 6:1

Ŋ kurgepoana, nɛ men be ekama baŋ tɔr kulubi to, menyi nɛ Kiyoyu Cheeŋ na bee juŋkpar na e bar men be amu kaseto n chɛ mo to nɛ e lar alubi na to. Ama nɛ menyee wora loŋ, men baa de men be amu so nɛ menyi alɛ gbagba e sa maŋ luri kechɔŋkeni to n tɔr.

Demujipoana 15:1

Jemanɛ nɛ b daa teŋi ayu na, nɛ Samsɔn ta kaboe fɔlbi n yɔ nɛ e ya chɔrɔ kasuŋgurbia nɛ e bee fɛ fanɛ e kraa la mbe eche na. E ka yɔ nɛ e ya kaŋɛ eche na mo tuto le: “Mee sha keluri ma eche be ebu to nna.” Ama e daa maŋ shuli nɛ e luri ebu na to.

Demujipoana 19:2

Ama ejipoche na daa maa ji kashenteŋ a sa kanyɛn na. E daŋ yige mo nna nseŋ bɛta n yɔ mo tuto pe ashi Bɛtlɛhɛm n ya kaa wɔ ndoŋ afɔl ana.

Demujipoana 19:26

Kare ka chɛ kachipurdidi nɛ kache na ba tɔr kanyɛnnimubi na be laŋ na be kabuna to n dese hale nɛ epeŋi ba lar mo so.

Demujipoana 19:4

Eche na mo tuto na daa maa sha fanɛ kanyɛn na e bɛta n yɔ kakpa nɛ e shi m ba. Amoso nchɛ asa nɛ e daŋ ji ndoŋ, nɛ mo nɛ mo shanyɛn bee ji a nuu.