Demujipoana 19:16 - EBƆRƐ BE KAWƆL

¹⁶ Jemanɛ nɛ b tase kelɔnɛ na so na nɛ kanyɛnnimubi ko shi ndɔ to a ba. Mo alɛ daa la esa nɛ e shi Efrayim be kepreŋsawule so nna nseŋ ba chena Gibiya ndoŋ.

Demujipoana 19:16 ပူးပေါင်းရင်းမြစ်များ

Jɛnesis 3:19

Kashenteŋto feeŋ baa nyɛa kebleŋ damta nna pɔɛŋ nsaa ji, hale loŋ nɛ fo naŋ ya bɛta n yɔ shishɛr to, ŋkpal manɛ so, shishɛr na nɛ b ta n pɔr fo. Fo la shishɛr nna, amo alɛ to nɛ feeŋ naŋ bɛta n yɔ.”

Nshɛ 104:23

Kumo be kaman nɛ edimɛdi e koso n yɔ ashuŋ to n ya shuŋ n tɔr epeŋi.

Nshɛ 128:2

E beeŋ ji mbe kegben be tɔnɔ; asheŋ beeŋ baa nite nɛnɛ a sa mo nɛ mbe kagbene e fuli mo.

Aŋasa 13:11

Ekpa lubi so be kanya maa chɛr nsaa loge. Ama esa kama nɛ e bee fin gbrɛgbrɛbi be kanya bee ti so saŋkama nna.

Aŋasa 14:23

Kepere kenishi n shuŋ bee bar tɔnɔ nna, ama k baa tase a malga nawule bre bee bar ketir nna.

Aŋasa 24:27

Nase kudɔ n du fo adɔjibi pɔɛŋ nsaa pɔr kowu.

Kaŋinichiŋgeliŋ 1:13

N wora ania fanɛ meeŋ koya nseŋ pin kusɔ kama nɛ k bee wora durnya ere to. Ama Ebɔrɛ shin nɛ k ki kpakpa n sa anyi edimɛdi.

Kaŋinichiŋgeliŋ 5:12

Etirpo bre ji nɛ e maŋ ji gba, e bee dese kanyɛso a di nɛnɛ nna. Ama amansherbi wura bre, maa di a mata, ŋkpal mbe kedamaya so.

Hoziya 9:9

Men wora alubi alegaiso nsaa puni fanɛ basa nɛ b daa wɔ Gibia na. Ebɔrɛ yɛ e beeŋ nyiŋi bumo be alubi nseŋ gberge bumo kusoe.”

Ɛfesesebi 4:28

Ekama nɛ e daa yuri e yige kayu na naniere nseŋ fara a ta mbe enɔana a wora asheŋ lela a shuŋ, saŋɛ na so e beeŋ nya kusɔ nɛ k daga n tiŋ n chɛ bumo nɛ b maŋ kɔ to.

2 Tɛsalɔnikaebi 3:10

Anyi nɛ menyi ka daa wɔtɔ na gba, an chɛr ŋ kaŋɛ menyi fanɛ: “Ekama nɛ e maŋ shuŋ, men sa maŋ shin nɛ e ji.”

Demujipoana 19:1

Pɔɛŋ nɛ bewura fara a ji kuwura ashi Israɛl be efuli so na, Livai be yiri to be kanyɛn ko e daa wɔ kakpa wɔfɔ ko ashi Efrayim be kepreŋsawule so nseŋ ya ta ejipoche ashi kade nɛ baa tre Bɛtlɛhɛm nɛ k wɔ Juda be efuli so na.

Demujipoana 19:14

Ndoŋ nna nɛ b baŋ Samsɔn so a yɔ. B ka ya ka fo Gibiya nɛ k wɔ Bɛnjamin be yiri be kasawule so na nɛ epeŋi tɔr kuraa.

Demujipoana 19:15

Nɛ b gbɛ nɛ b ya dese ndoŋ. Ndoŋ nna nɛ b yɔ kade na to n ya chena kelɔnɛ so, ama esa kama daŋ maŋ keta bumo n luri mbe laŋ to n ya sa bumo edesekpa.

Demujipoana 19:17

Kanyɛnnimubi na ka wu befɔ na kelɔnɛ na so na nɛ e bishi bumo: “Nnɛ nɛ men shi? Nnɛ nɛ menyee yɔ?”