Demujipoana 18:7 - EBƆRƐ BE KAWƆL

⁷ Ndoŋ nna nɛ basa anu na ta n yɔ Layish be kade to n ya wu fanɛ ndoŋebi be kebaawɔtɔ baa du fanɛ Sidɔnebi peya nna. Shɛŋ shɛŋ daa maa tɔrɔ bumo ndoŋ. B daa maa ŋana kufu fanɛ kusɔ ko beeŋ wora bumo, amoso shɛŋ be asheŋ maŋ tir bumo.

Demujipoana 18:7 ပူးပေါင်းရင်းမြစ်များ

1 Bewura 16:31

Mannɛ alubi nɛ Nebat pibinyɛn Jeroboam wora na nawule be yiri nɛ Ahab daŋ wora ama e daŋ wora amo nɛ a maŋ walɛ kekeni gba nna hale n ta Sidɔn be kade to be ewura Ɛfbaal pibiche Jɛzebel ŋ ki mbe eche nsaa shuŋ bumo be kegbir nɛ baa tre Baal na gba.

1 Kronikɛls 4:40

B daŋ wu asɔbɔya be ejikpa be kasawule gboŋgboŋi lela ko nna nɛ awɔr kikɛ maŋ wɔ ndoŋ nɛ ndoŋ kɔ kayurwushi ga. Hamebi e daŋ chena ndoŋ ŋ ku so.

Jɛremaya 49:31

‘Men shin nɛ an ya kɔ basa nɛ baa fɛ fanɛ shɛŋ maaŋ tiŋ n wora bumo na! Bumo be kadegboŋ na maŋ kɔ egbalana nɛ mbunagboŋana a kuŋ kumo.’

Romebi 13:3

Ŋkpal manɛ so, basa nɛ baa wora kelela maa ŋana abane be bejuŋkparpo. Bumo nɛ baa wora alubi e naa ŋana bumo. Men maa sha fanɛ men baa ŋana abane be ejuŋkparpo kama ŋko? To, kumo ere, men baa wora asɔ nɛ a daga nɛ enimu na e baa sa menyi mbo.

Joshuwa 19:47

Dan be yiri to ebi na ka paŋ bumo be kasawule nɛ b yɔ Leshɛm n ya kɔ kumo kena m pɔɔ kumo so m mɔ kumo be basa kikɛ nseŋ sɔ kasawule na ŋ ki bumo peya. Ndoŋ nɛ b daŋ chena nseŋ chɛrga kade na be ketre Leshɛm na ŋ ki Dan. Bumo nananyɛn be ketre e daa la Dan.

1 Pita 2:14

ŋko mbe beyaasepo mo nɛ ewurgboŋ na bee kaa shuŋi fanɛ b ya kaa gberge alubiworapoana kusoe nsaa sa alelashenworapoana na mbo.

Kelaraŋŋini 18:7

Men sa mo tɔrɔ nɛ kagbenejija ga nɛ a fo fanɛ kananɛ e daŋ sa mbe kumu kemaŋkura nɛ dama na, ŋkpal manɛ so, le nɛ e wɔtɔ a kaŋɛ mbe kumu: ‘Ewurche e la ma nɛ n tase. M maŋ la ekulpoche, kagbenejija maaŋ tu ma kikɛ.’

Demujipoana 18:29

nseŋ chɛrga kumo be ketre Layish na nseŋ ta bumo nananyɛn nɛ e daa la Jeekɔb pibinyɛn na be ketre, Dan, n nase kumo.

Demujipoana 18:6

Nɛ bɔrɛmatapo na shuli ŋ kaŋɛ: “Men shin nɛ men be ŋgbene e dese menyi, ŋkpal manɛ so, Enyɛnpe Ebɔrɛ na be kagbene fuli menyi be enite na so.”

Demujipoana 18:8

Basa anu na ka bɛta n yɔ Zora nɛ Ɛshtaɔl nɛ bumo be basa ya bishi bumo le: “Nuso nɛ asheŋ du ndoŋ?”

1 Samuɛl 3:13

N teŋ kaŋɛ mo fanɛ meeŋ gberge mbe laŋ to ebi kusoe mbaanaayɔ ŋkpal mbe mbinyɛnsobi ka maŋ ta bunyaŋ n sa ma nsaa wora alubi a gbiti ma nɛ mo alɛ kini keshin nɛ b yige kebaawora loŋ so.