Demujipoana 18:31 - EBƆRƐ BE KAWƆL

³¹ Jemanɛ nɛ Ebɔrɛ be wajɛbu na daa wɔ Shilo nɛ Israɛl be basa kikɛ daa shuŋ Ebɔrɛ kumo to na, nɛ Maika be agbirana ere bre wɔ Dan be yiri to ebi kutɔ nɛ baa shuŋ amo.

Demujipoana 18:31 ပူးပေါင်းရင်းမြစ်များ

Jɛremaya 41:5

benyɛn aduburwa ko daŋ shi nde nɛ baa tre Shɛkɛm nɛ Shilo nɛ Samɛria na nna m ba. B daa kɔ ayu nɛ eduwu be ŋkɛ nna a yɔ nɛ b ya sa Enyɛnpe Ebɔrɛ na bɔrɛlambu na to ashi Jerusalɛm. Bumo alɛ daŋ she bumo be ntɔl nna nseŋ kpɛa bumo be asɔbuuso to nseŋ naŋ ku ŋ ku bumo be eyurana, ŋkpal b ka daa shu keeli so.

Jɛremaya 7:12

Men yɔ kade nɛ baa tre Shilo nɛ n juŋkpar n lara fanɛ b baa shuŋ ma ndoŋ na n ya keni nɛ n kusɔ n wora ndoŋ. Ŋkpal ma basa Israɛlebi na ka wora alubi so, n daŋ mur kumo nna.

Joshuwa 18:1

Israɛlebi na ka kɔ n sɔ kasawule na n loge, nɛ bumo kikɛ ya gama abar so ashi Shilo nseŋ yuu Enyɛnpe Ebɔrɛ be nshɛr be wajɛbu ndoŋ.

Demujipoana 19:18

Nɛ Livai be kanyɛn na kaŋɛ le: “An shi Bɛtlɛhɛm nɛ k wɔ Juda be efuli so nna nsaa yɔ kade wɔfɔ ko nɛ k wɔ Efrayim be kepreŋsawule so. Ndoŋ nɛ an wɔ. An ba choŋ Bɛtlɛhɛm nɛ k wɔ Juda nna nseŋ bɛta a choŋ kakpa nɛ baa shuŋ Enyɛnpe Ebɔrɛ na. Esa kama malɛ maŋ sɔ anyi n wɔtɔ mbe laŋ to.

Demujipoana 21:19

Kumo be kaman nɛ b bar le be nfɛra ere: “Enyɛnpe Ebɔrɛ na be kafɛ kafɛ be kachɛgboŋ na maaŋ naŋ chɛr nɛ b ji kumo ashi kade nɛ baa tre Shilo na.” Shilo daa dese kakpa nɛ baa tre Bɛtɛl na be kelargato be esoso be kaba so, nɛ Lebona be kelargato be kaseto be kaba so nna. Kumo alɛ nseŋ naa dese ekpa nɛ k wɔ Bɛtɛl nɛ Shɛkɛm be kefɛato be epeŋilarkpa na.

Demujipoana 21:21

Saŋɛ na so nɛ Shilo be mbichesobi na kaŋ lar a cha kachɛgboŋ achɛ na, nɛ men lar adɔana na to nɛ men be ekama e pɛ eche katiŋso n yɔ mo pe nɛ e ya ki mbe eche ashi Bɛnjamin be kasawule so.

1 Samuɛl 1:3

Kafɛ kikɛ Ɛlkana daa shi Raama nna a yɔ Shilo n ya kaa bunyaŋ Enyɛnpetale na nsaa lara sarga a sa mo. Eli nɛ mbe mbinyɛnsobi anyɔ nɛ baa tre Hofni nɛ Finihas na e daa la bɔrɛmatapoana ashi ndoŋ.

1 Samuɛl 4:4

Ndoŋ nna nɛ b shuŋi basa ko fanɛ b yɔ Shilo n ya ta Enyɛnpe be ŋkre be deka nɛ mbe ketre Enyɛnpetale deŋ mbe kuwurputi so ashi shuwa be emalaika anyɔ na be nferinto na m ba. Eli be mbinyɛnsobi anyɔ nɛ baa tre, Hofni nɛ Finihas gba daŋ ti bumo nɛ b ya ta ŋkre be deka na m ba na so.