Demujipoana 18:2 - EBƆRƐ BE KAWƆL

² Ndoŋ nna nɛ Dan be basa lara benapo anu nɛ b shi Zora nɛ Ɛshtaɔl fanɛ b yɔ n ya dara kasawule ko m ba. B daŋ keni nnaŋ na to nna n lara basa na nseŋ kaŋɛ bumo le: “Men yɔ n ya dara kasawule na ŋ keni.” B ka ta n yɔ na nɛ b ya lar Efrayim be kepreŋsawule so nseŋ ya luri Maika be laŋ to n di ndoŋ ŋklade.

Demujipoana 18:2 ပူးပေါင်းရင်းမြစ်များ

Jɛnesis 42:9

Ndoŋ nna nɛ e nyiŋi mbe edareana nɛ e daŋ ku a laŋɛ bumo be kaplɛa so saŋɛ nɛ mo nɛ bumo kikɛ daa wɔ Keenan na nseŋ kaŋɛ bumo le: “Men la bedarapo nna. Men ba nfe nna nɛ men ba dara m pin efuli ere so be kakpa nɛ bekumpo maŋ wɔ.”

Aŋasa 20:18

Fo baa bela ase nɛ fo kɔ kena, kumo ere fin kasotoji lela nɛ k chɛ fo to.

Nɔmbɛs 13:17

Pɔɛŋ nɛ Mosis shuŋi bumo Keenan be kasawule so na, le nɛ e daŋ kaŋɛ bumo: “Men yili nfe m bɔla Keenan be keshishɛrsawule na be kelargato be kaseto be kaba so n sɔ to kelargato be esoso be kaba so n ya luri kebee be efuli na so.

Luuk 14:31

Ŋko ewura mo e naaŋ baa yɔ nɛ mo nɛ ewura pɔtɛ e ya kɔ kena nsaa maaŋ chena n fɛ kumo be nfɛra pɔɛŋ m pin ŋko e beeŋ tiŋ n ta benapo ŋgboŋ kudu n ya tu mo doŋ nɛ e kɔ benapo ŋgboŋ adunyɔ ŋko e maaŋ tiŋ a ba na?

Joshuwa 15:33

Ndegboŋ nɛ a daa wɔ epeŋitɔrkpa be kaba so be apreŋ so na e daa la: Eshtaol nɛ Zora nɛ Ashna nɛ

Joshuwa 19:41

Le be nde ere e daa wɔ bumo be kasawule na so: Zora nɛ Eshtaol nɛ Irshemɛsh nɛ

Joshuwa 2:1

Saŋɛ nɛ Israɛlebi na be keeyi to daa wɔ Shitim na nɛ Nun pibi Joshuwa shuŋi basa anyɔ fanɛ b dii Jɔɔdan be lɔr na be kaba ndoŋ n ya ŋana n dara Keenan be kasawule na, fɔnfɔŋ Jɛriko. Basa na ka fo Jɛriko be kade to nɛ b ya luri sakaleche ko nɛ baa tre Reehab be laŋ to.

Joshuwa 2:2

Nɛ Jɛriko be ewura nu fanɛ Israɛlebi ko ba ndoŋ nɛ b ba ŋana n dara bumo be kasawule.

Demujipoana 13:2

Kanyɛn ko malɛ daa wɔtɔ nɛ baa tre mo Manoa nɛ e shi kade nɛ baa tre Zora na. Dan be yiri to be esa e daa la mo. Mbe eche daa la egbentepo nna.

Demujipoana 13:25

Kachako Samsɔn ka daa wɔ mboŋ nɛ baa tre Zora nɛ Ɛshtaɔl be kefɛato ashi Dan be keeyi to na nɛ Enyɛnpe Ebɔrɛ na be Kiyoyu na fara a sa mo eleŋ.

Demujipoana 16:31

Ndoŋ nna nɛ mo kurgepoana nɛ mbe kanaŋ to ebi ba m ba ta mbe kebuni n ya puli mo tuto Manoa be kebeelaŋ be nchaŋ to ashi Zora nɛ Ɛshtaɔl be kefɛato. Nfɛ adunyɔ nɛ Samsɔn daŋ juŋkpar Israɛlebi na.

Demujipoana 17:1

Kanyɛn ko e daa wɔtɔ nɛ baa tre mo Maika nɛ e daŋ chena Efrayim be kepreŋsawule so.

Demujipoana 18:11

Ndoŋ nna nɛ benyɛn alfa ashe nɛ b shi Dan be kabuna kre kena nɛ bumo nɛ bumo be mbia n lar Zora nɛ Ɛshtaɔl.

Demujipoana 18:13

Nɛ b shi ndoŋ nseŋ ba Maika pe ashi Efrayim be kepreŋsawule so.

Demujipoana 18:3

Maika pe ndoŋ nɛ b nu Livai be kabrantiɛbia na be ebɔl nseŋ b pin mo n ya bishi mo le: “Wanɛ e bar fo nfe? Manɛ nɛ fee wora nfe?”

Demujipoana 18:8

Basa anu na ka bɛta n yɔ Zora nɛ Ɛshtaɔl nɛ bumo be basa ya bishi bumo le: “Nuso nɛ asheŋ du ndoŋ?”

Demujipoana 19:1

Pɔɛŋ nɛ bewura fara a ji kuwura ashi Israɛl be efuli so na, Livai be yiri to be kanyɛn ko e daa wɔ kakpa wɔfɔ ko ashi Efrayim be kepreŋsawule so nseŋ ya ta ejipoche ashi kade nɛ baa tre Bɛtlɛhɛm nɛ k wɔ Juda be efuli so na.

Demujipoana 19:18

Nɛ Livai be kanyɛn na kaŋɛ le: “An shi Bɛtlɛhɛm nɛ k wɔ Juda be efuli so nna nsaa yɔ kade wɔfɔ ko nɛ k wɔ Efrayim be kepreŋsawule so. Ndoŋ nɛ an wɔ. An ba choŋ Bɛtlɛhɛm nɛ k wɔ Juda nna nseŋ bɛta a choŋ kakpa nɛ baa shuŋ Enyɛnpe Ebɔrɛ na. Esa kama malɛ maŋ sɔ anyi n wɔtɔ mbe laŋ to.