Demujipoana 18:17 - EBƆRƐ BE KAWƆL

¹⁷ nɛ basa anu nɛ b ya dara kasawule na ŋ keni na bre luri laŋ na to n ya ta bɔrɛmatapoana be piŋi na nɛ agbirana na. Loŋ be jemanɛ nɛ bɔrɛmatapo na nɛ benapo alfa ashe na yil laŋ na be kabuna to.

Demujipoana 18:17 ပူးပေါင်းရင်းမြစ်များ

Jɛnesis 31:19

Pɔɛŋ nɛ b lar na Leeban ka yɔ nɛ e ya kuya mbe mbolpɔ be afuibi nɛ Reechel ya yuri mo tuto Leeban be laŋ to be agbir.

Jɛnesis 31:30

N nyi fo ka shile ŋkpal kenaŋ bɛta n yɔ fo tuto pe be asheŋ ka pere fo kenishi ga so so, ama manɛ e ba nɛ fo naa yuri ma agbir malɛ a shile?”

Ɛksodɔs 32:20

Kumo be kaman nɛ e ta kenabi nɛ basa na lɔŋɛ na malɛ n wɔtɔ edɛ to nɛ k ŋalga nɛ e kɔr kumo to fanɛ nyifu na nseŋ ta kumo n wɔtɔ nchu to n shin nɛ Israɛlebi na nuu amo.

Aizaaya 41:29

Agbirana ere kikɛ du jiga pasaa! B maaŋ tiŋ n wora shɛŋ, Bumo alɛ kikɛ maŋ kɔ eleŋ.”

Aizaaya 46:7

Baa kaa sulɔ agbirana na bumo be abatimu so nna n ya ka yili amo be eyilikpa nɛ e maa nite. Nɛ esa baŋ yɔ amo ase n ya malga amo kutɔ gba, a maaŋ tiŋ n tuge mo ŋko m mɔlga amodoŋwura ashi tɔrɔ kikɛ to.

Ezikɛl 21:21

Babilɔn be ewura kaŋ baa fo ekpa anyɔ na be ŋkpancheri na, e beeŋ bɔla mbe atanyembi so nɛ mbe agbirana so nɛ kusɔbɔya nɛ b mɔ n lara sarga be kegbirche so m bishi so m pin kusɔ nɛ e beeŋ wora.

Hoziya 3:4

Loŋ koŋwule na nɛ k beeŋ chɛr ga pɔɛŋ nɛ Israɛl be basa e nya ewura ŋko basa nɛ baaŋ ba juŋkpar bumo. K beeŋ chɛr pɔɛŋ nɛ b naaŋ bɔla esarga ŋko ajembu cheembi ŋko kabɔrɛmata be piŋi ŋko agbir so n fin Ebɔrɛ be nɛfa.

Maika 5:13

Ma alɛ beeŋ naŋ mur asɔ nɛ menyee ta a lɔŋɛ agbir a shuŋ na kikɛ, nɛ menyi maaŋ naŋ nya amo a shuŋ.

Demujipoana 18:14

Ndoŋ nna nɛ basa anu nɛ b ya dara kasawule na m ba na kaŋɛ bumo be basa le: “Men nyi fanɛ bɔrɛmatapoana be piŋi nɛ agbirana be yiri yiri nɛ b shɛl amo nseŋ ŋalga gbiti ŋ gbiti amo wɔ nwuana ere be kuko to a? Manɛ nɛ menyee fɛ fanɛ an wora?”

Demujipoana 18:16

Ndoŋ nna nɛ benapo alfa ashe nɛ b shi Dan be kabuna na bre kilgi n yili laŋ na be kabuna to,

Demujipoana 18:18

Basa na ka luri Maika be laŋ to n ya ta bɔrɛmatapo be piŋi na nɛ agbirana na nɛ Maika be bɔrɛmatapo na bishi bumo: “Manɛ nɛ menyee wora ere?”

Demujipoana 18:2

Ndoŋ nna nɛ Dan be basa lara benapo anu nɛ b shi Zora nɛ Ɛshtaɔl fanɛ b yɔ n ya dara kasawule ko m ba. B daŋ keni nnaŋ na to nna n lara basa na nseŋ kaŋɛ bumo le: “Men yɔ n ya dara kasawule na ŋ keni.” B ka ta n yɔ na nɛ b ya lar Efrayim be kepreŋsawule so nseŋ ya luri Maika be laŋ to n di ndoŋ ŋklade.

Demujipoana 6:31

Nɛ Joash kaŋɛ basa nɛ b diewu m ba na le: “Menyee sha kekɔ n sa Baal nna a? Menyee sha kumɔlga mo nna a? Ta a ba kachipurso, fo kama nɛ fee sha kekɔ n sa Baal beeŋ wu! Nɛ Baal la kegbir kashenteŋto nna, mo gbagba beeŋ kɔ esa kama nɛ e bure mbe kegbirsure na n sa mbe kumu.”

1 Samuɛl 19:13

Ndoŋ nna nɛ Mikaal ta kedibi ko nɛ b shɛl kumo fanɛ kegbir na n ya nase gedo so nseŋ ta kaboe be afuibi n deŋi kumo be kumu so nseŋ ta wajɛ m buu kumo be eyur so.

1 Samuɛl 4:11

Filistiebi na daŋ sɔ Ebɔrɛ be ŋkre be deka na nna nseŋ mɔ Eli be mbinyɛnsobi anyɔ nɛ baa tre Hofni nɛ Finihas na.