Demujipoana 18:10 - EBƆRƐ BE KAWƆL

¹⁰ Nɛ menyi alɛ gba yɔ ndoŋ menyeeŋ wu fanɛ basa na maa fɛ fanɛ kusɔ ko beeŋ wora bumo. Efuli na malɛ shi ga nsaa kɔ asɔ nɛ anyeeŋ baa sha kebaawɔtɔ to. Ebɔrɛ malɛ e ta amo n sa anyi.”

Demujipoana 18:10 ပူးပေါင်းရင်းမြစ်များ

Ɛksodɔs 3:8

Ŋkpal loŋ so, nɛ ŋ gbelge m ba nɛ m ba mɔlga bumo ashi Ijiptebi na be enɔ to nseŋ lara bumo ashi Ijipt be kasawule so n yɛr bumo kasawule lela nɛ k shi so. Kasawule mo nɛ k kɔ kanya alegaiso nsaa wora ajibi nɛnɛ. Loŋ be kasawule na so nɛ Keenanebi nɛ Hitebi nɛ Amɔriebi nɛ Pɛrizebi nɛ Hivebi nɛ Jebusiebi tase so na.

Ezikɛl 20:6

Loŋ be kachɛ na nɛ e nase kɔnɔ fanɛ e beeŋ lara bumo Ijipt be efuli so n yɔ kasawule nɛ k kɔ kanya alegaiso nsaa wora adɔjibi ga nseŋ naa la kasawule nɛ k walɛ a chɔ nsawule kikɛ nɛ mo gbagba fin n yili bumo na so.

Ditɛronɔmi 2:29

hale nɛ an ya dii lɔr nɛ baa tre Jɔɔdan na n yɔ kasawule nɛ Enyɛnpe anyi be Ebɔrɛ na ta a sa anyi na so. Edɔmebi nɛ Mowabebi bre tiŋ n shin nɛ an bɔla bumo be nsawule so n choŋ.”

Ditɛronɔmi 4:1

Ade kikɛ be kaman, nɛ Mosis kaŋɛ basa na le: “Nɛ menyee wora mbraana nɛ mee ŋini menyi ere kikɛ kasonu, menyeeŋ baa wɔtɔ nseŋ tiŋ n ya chena kasawule nɛ Enyɛnpe Ebɔrɛ nɛ men nananyɛnana shuŋ na, bee ta a sa menyi na so.

1 Timoti 6:17

Ŋini bumo nɛ b kɔ dama durnya ere to na fanɛ b sa maa wu bumo be amu ŋko a ta bumo be yirda a deŋi bumo be asɔ so, ŋkpal manɛ so, esa kikɛ maaŋ tiŋ m pin kananɛ mbe asɔ beeŋ chɛr a wɔ mo kutɔ. Kusɔ nɛ k daga damawuraana ka wora e la b ka yirda Ebɔrɛ, ŋkpal manɛ so, mo e naa bugi kagbene a kɛ anyi asɔ yɛlyɛla so nɛ an baa ta a wushi an be ŋgbene.

Joshuwa 2:23

Kumo be kaman nɛ basa anyɔ nɛ b ba nɛ b ba ŋana n dara efuli na malɛ lar abee na to n ya yuu Jɔɔdan be lɔr na to n dii n ya kaŋɛ Nun pibi Joshuwa kusɔ kama nɛ k wora.

Joshuwa 2:24

Le nɛ b kaŋɛ Joshuwa: “Enyɛnpe Ebɔrɛ na ta bumo be kasawule na kikɛ m bɔɔ anyi enɔ. Kufu daŋ pɛ basa na ga nna ŋkpal anyi so.”

Joshuwa 6:16

B ka bee kulti kela shunusopo na, nɛ bɔrɛmatapoana na foŋ bumo mbel na n chɛr nɛ Joshuwa ponte ŋ kaŋɛ basa na le: “Men cha awɔr, ŋkpal manɛ so Enyɛnpe Ebɔrɛ na ta kade ere nna m bɔɔ menyi enɔ.

Demujipoana 18:11

Ndoŋ nna nɛ benyɛn alfa ashe nɛ b shi Dan be kabuna kre kena nɛ bumo nɛ bumo be mbia n lar Zora nɛ Ɛshtaɔl.

Demujipoana 18:27

Danebi na ka suge Maika be agbirana nɛ mbe bɔrɛmatapo na be kaman, nɛ b yɔ nɛ b ya kɔ kade nɛ baa tre Layish nɛ kumo to be basa maa tuge asheŋ to na kena. Etokobi nɛ b ta n ya kɔ bumo nseŋ chɔɔ bumo be kade na.

Demujipoana 18:7

Ndoŋ nna nɛ basa anu na ta n yɔ Layish be kade to n ya wu fanɛ ndoŋebi be kebaawɔtɔ baa du fanɛ Sidɔnebi peya nna. Shɛŋ shɛŋ daa maa tɔrɔ bumo ndoŋ. B daa maa ŋana kufu fanɛ kusɔ ko beeŋ wora bumo, amoso shɛŋ be asheŋ maŋ tir bumo.

Demujipoana 18:9

Nɛ b kaŋɛ: “Men shin nɛ an ya kɔ Layishebi na! An wu fanɛ kasawule na walɛ ga. Men sa maŋ shin nɛ an chena nfe jiga nsaa maa wora shɛŋ. Men shin nɛ an wora manaŋ n ya kɔ bumo n sɔ kasawule na.