Demujipoana 17:7 - EBƆRƐ BE KAWƆL

⁷ Livai be yiri to be kabrantiɛbia ko daŋ shi kade nɛ baa tre Bɛtlɛhɛm nɛ k wɔ Juda be efuli so nna

Demujipoana 17:7 ပူးပေါင်းရင်းမြစ်များ

Jɛnesis 35:19

Reechel ka wu nɛ b puli mo ashi Efraf be ekpa to. Ndoŋ koŋwule na e la Bɛtlɛhɛm na.

Maika 5:1

Jerusalɛmebi, men gama men be benapo abar so n wora shiriya, ŋkpal manɛ so, bedoŋ kulti anyi nna n wɔtɔ! Baa fin kekɔ Israɛlebi be ewura kena ŋ ŋe mbe ketaya kedibi nna.

Maika 5:2

Ama Enyɛnpe Ebɔrɛ na yɛ: “Bɛtlɛhɛm Efrata, fo la Juda be efuli so be ndewurbiana na be kuko nna, ama fo to nɛ meeŋ lara esa nɛ e beeŋ ba ji Israɛl be efuli so be kuwura. Dra dra na kikɛ nɛ mbe kanaŋ jɔŋɛ.”

Matiu 2:1

Bɛtlɛhɛm nɛ k wɔ Judiya be kasawule so na to nɛ b daŋ kurge Yesu, saŋɛ nɛ Ewura Hɛrɔd daa ji ndoŋ be kuwura na. B ka kurge Yesu k maŋ chɛr ko nɛ basa ko nɛ b daa koya achɛkpabi be asheŋ na shi epeŋilarkpa m ba Jerusalɛm m ba bishi:

Joshuwa 19:15

n ta Kattaf nɛ Nahalal nɛ Shimrɔn nɛ Idalah nɛ Bɛtlɛhɛm n ti so. B daa kɔ ndegboŋ kuduanyɔ nɛ amo be ndewurbi.

Demujipoana 12:5

Giliad be basa na ka maa sha Efrayim be basa na ka nya n shile so, b kɔ n sɔ kakpa nɛ baa bɔla a dii Jɔɔdan be lɔr na nna. Efrayim be esa kama nɛ e bee shile nseŋ ba kule ekpa nɛ e dii lɔr na, Giliad be benyɛn na bee bishi mo le nna: “Efrayim be esa e la fo a?” E baŋ kaŋɛ: “Ayai!”

Demujipoana 12:8

Jɛfta ka wu be kaman, kanyɛn ko nɛ baa tre mo Ibzan nɛ e shi kade nɛ baa tre Bɛtlɛhɛm na e sɔ so a juŋkpar Israɛlebi.