Demujipoana 17:5 - EBƆRƐ BE KAWƆL

⁵ Maika ere daa kɔ lambu nna a shuŋ agbir ashi mbe laŋ to. Ŋkpal loŋ so nɛ e ya baa bɔrɛmatapo be piŋi nseŋ fin agbir damta n ti so. Kumo be kaman nɛ e lara mo pibinyɛn ko m buu mo kegbirwura.

Demujipoana 17:5 ပူးပေါင်းရင်းမြစ်များ

Jɛnesis 31:19

Pɔɛŋ nɛ b lar na Leeban ka yɔ nɛ e ya kuya mbe mbolpɔ be afuibi nɛ Reechel ya yuri mo tuto Leeban be laŋ to be agbir.

Jɛnesis 31:30

N nyi fo ka shile ŋkpal kenaŋ bɛta n yɔ fo tuto pe be asheŋ ka pere fo kenishi ga so so, ama manɛ e ba nɛ fo naa yuri ma agbir malɛ a shile?”

1 Bewura 12:31

Ewura Jeroboam gba daŋ wora kakpa nɛ baa shuŋ agbir nna ashi abee so nseŋ lara basa nɛ b maŋ shi Livai be kanaŋ to nɛ b ki bɔrɛmatapoana.

1 Bewura 12:32

Ewura Jeroboam malɛ gba daŋ naŋ yili kumo nna fanɛ b baa ji kabɔrɛshuŋ be kachɛgboŋ na kufɔl burwasopo be kachɛ kuduanusopo kikɛ fanɛ kananɛ baa ji Juda peya na. E daŋ lara esarga n sa shuwa be egbolu fɔlbi be agbir na nna ashi Bɛtɛl be bɔrɛsure na so nseŋ lara bɔrɛmatapoana n chena Bɛtɛl nɛ baa keni kagbirshuŋ be mboŋ nɛ e pɔr n yili na so.

Ɛzra 1:7

Ade kikɛ be kaman, nɛ ewura Sairus bɛta echeenshi nɛ ekurwa nuunchu nɛ ewura Nebukadneeza daŋ ta bɔrɛlambu na to ashi Jerusalɛm n ya wɔtɔ mbe agbir be ebu to na n sa bumo.

Ɛksodɔs 24:5

Kumo be kaman nɛ Mosis lara Israɛl be basa na to be mbrantiɛbia nɛ b ya lara sarga chɔɔso nseŋ ta ana n lara kɔnɔkoŋwuleso be esarga n sa Enyɛnpe Ebɔrɛ na.

Ɛksodɔs 28:15

Men lɔŋɛ kagbeneso be kɔlgu n sa bɔrɛmatapo nimuso na nɛ k baa la kusɔ nɛ e beeŋ baa ta a pin Ebɔrɛ be aparsheŋ. Men ta ejese be yiri ana nɛ men daŋ ta n lɔŋɛ ɛfɔd na n lue wajɛ nseŋ jɔ kumo.

Ɛksodɔs 28:4

Shin nɛ b lɔŋɛ kusɔ kuŋ kagbeneso fanɛ kɔlgu, nɛ kale nɛ k maŋ kɔ mbre nɛ baa tre ɛfɔd na nɛ piŋi tenteŋ nɛ k bee fo aya so nɛ danshiki nɛ b ta jese n lue nɛnɛ nɛ neemu nɛ kreso peŋgeleŋ. Loŋ be asɔbuuso na e daga fanɛ b lɔŋɛ n sa fo da Ɛɛrɔn nɛ mbe mbinyɛnso, a ŋini fanɛ b la bɔrɛmatapoana nna a shuŋ ma.

Ɛksodɔs 29:9

nseŋ buu bumo nwuro n ta ekreso ŋ kre bumo so. Nɛ men wora loŋ Ɛɛrɔn nɛ mbe bibinyɛn nɛ bumo be kaman to ebi kikɛ beeŋ ki bɔrɛmatapoana a shuŋ ma hale mbaanaayɔ.

Aizaaya 44:13

Ndibi be eshɛlpo e naaŋ ku kedibi nseŋ chaŋ kusɔ nɛ e bee sha na be kapɔrduli n deŋi kumo so. Kumo be kaman nɛ e shɛl kedibi na nɛ k ki fanɛ dimɛdi be kapɔrduli gbagba n yili mbe laŋ to.

Ezikɛl 21:21

Babilɔn be ewura kaŋ baa fo ekpa anyɔ na be ŋkpancheri na, e beeŋ bɔla mbe atanyembi so nɛ mbe agbirana so nɛ kusɔbɔya nɛ b mɔ n lara sarga be kegbirche so m bishi so m pin kusɔ nɛ e beeŋ wora.

Ezikɛl 21:26

Ma, Enyɛnpe Ebɔrɛ na e naa kaŋɛ fo na fanɛ fo shɛŋi fo kumu so be neemu na nseŋ lara kuwurwuro na. Ŋkpal manɛ so, asheŋ maaŋ naa du kananɛ a daa du na. Esa nɛ e daa maŋ kɔ eyilikpa beeŋ nya eyilikpa nɛ emo nɛ e daa kɔ eyilikpa e paŋ mbe eyilikpa.

Hoziya 3:4

Loŋ koŋwule na nɛ k beeŋ chɛr ga pɔɛŋ nɛ Israɛl be basa e nya ewura ŋko basa nɛ baaŋ ba juŋkpar bumo. K beeŋ chɛr pɔɛŋ nɛ b naaŋ bɔla esarga ŋko ajembu cheembi ŋko kabɔrɛmata be piŋi ŋko agbir so n fin Ebɔrɛ be nɛfa.

Hoziya 8:14

Israɛlebi pɔr bewura be elaŋ damta nna nseŋ kplaŋ bumo be etopo na so. Nɛ Judaebi malɛ pɔr nde nseŋ pɔr egbal ŋ kulti amo. Meeŋ shin nɛ edɛ e ba chɔɔ bewura be elaŋ na nɛ nde nɛ b pɔr egbal ŋ kulti na kikɛ nyam.”

Nɔmbɛs 3:10

Lara Ɛɛrɔn nɛ mbe bibinyɛn nɛ b baa la bɔrɛmatapoana. Esa pɔtɛ kama nɛ e pɛl n shuŋ bɔrɛmatapo be kushuŋ b mɔ mo.”

Hibruwebi 5:4

Esa kama maaŋ tiŋ n ta le be bunyaŋ be kushuŋ ere n sa mo gbagba be kumu. Ebɔrɛ nawule e naaŋ tre esa n ta loŋ be kushuŋ m bɔɔ mo enɔ fanɛ kananɛ e daŋ tre Ɛɛrɔn na nɛ e daŋ juŋkpar ŋ ki bɔrɛmatapo nimuso na.

Demujipoana 17:4

Ndoŋ nna nɛ Maika bɛta gbiti be ndarbi na n sa mo nio nɛ mo nio lara amo to be alfa anyɔ n sa gbiti be bɔyɛpo. Nɛ bɔyɛpo na malɛ ta amo n lɔŋɛ kegbir n sa Maika nɛ e ta n yɔ epe.

Demujipoana 18:14

Ndoŋ nna nɛ basa anu nɛ b ya dara kasawule na m ba na kaŋɛ bumo be basa le: “Men nyi fanɛ bɔrɛmatapoana be piŋi nɛ agbirana be yiri yiri nɛ b shɛl amo nseŋ ŋalga gbiti ŋ gbiti amo wɔ nwuana ere be kuko to a? Manɛ nɛ menyee fɛ fanɛ an wora?”

Demujipoana 18:24

Nɛ Maika kaŋɛ: “Men ta ma agbirana nɛ ma bɔrɛmatapo a yɔ nsaa bishi ma fanɛ manɛ e kɔ ma a? M maŋ naa kɔ shɛŋ nna na!”

Demujipoana 18:30

Ade be kaman nɛ Dan be yiri to be basa na yuu agbirana na a shuŋ amo nɛ Jonatan nɛ mbe kaman to ebi ki bumo be bɔrɛmatapoana hale n ya fo jemanɛ nɛ bumo doŋana ba kɔ m pɔɔ bumo so nseŋ tintiŋ bumo n yɔ efuli pɔtɛ wɔfɔ ko so. Jonatan ere daa la Mosis pibinyɛn nɛ baa tre Gɛshɔm na be kenana nna.

Demujipoana 8:27

Ndoŋ nna nɛ Gidiɔn ta shuwa na n lɔŋɛ kegbir n yɔ Ofra, nɛ k la mbe kade to na. Nɛ Israɛlebi na kikɛ pal kaman n sa Ebɔrɛ nseŋ yɔ ndoŋ n ya kaa shuŋ kegbir na. Nɛ k ba ki kejigbelɛ n sa Gidiɔn nɛ mbe kanaŋ.

1 Samuɛl 19:13

Ndoŋ nna nɛ Mikaal ta kedibi ko nɛ b shɛl kumo fanɛ kegbir na n ya nase gedo so nseŋ ta kaboe be afuibi n deŋi kumo be kumu so nseŋ ta wajɛ m buu kumo be eyur so.

1 Samuɛl 23:6

Ahimɛlɛk pibinyɛn Abiata ka shile n ya tu Deevid ashi Kiila na, e daŋ ta kabɔrɛmata be piŋi nɛ baa tre Ɛfɔd na nna n ti so n yɔ.