Demujipoana 17:10 - EBƆRƐ BE KAWƆL

¹⁰ Ndoŋ nna nɛ Maika kaŋɛ mo: “Tu ma n chena nseŋ ki ma asoetojipo nɛ ma bɔrɛmatapo. Kafɛ kikɛ ma alɛ beeŋ baa ka fo gbiti be ndarbi kudu nsaa sa fo asɔbuuso nɛ ajibi.”

Demujipoana 17:10 ပူးပေါင်းရင်းမြစ်များ

Jɛnesis 45:8

Amoso, mannɛ menyi e bar ma nfe, Ebɔrɛ e bar ma nfe m ba ta ma ŋ ki ewura Fɛɛro be kowu to ebi kikɛ nyam so be enimu nɛ mee ji kuwura Ijipt be efuli so kikɛ.

2 Bewura 13:14

Jemanɛ ko ka ba fo nɛ kulɔ lubi ko pɛ Elaisha nɛ e bee sha kewu, ndoŋ nna nɛ Israɛl be ewura Jehɔash yɔ nɛ e ya bɔ mo so. Jehɔash ka yili mo kutɔ, nɛ e shu ŋ kaŋɛ le: “N tuto! Fo e la Israɛl be ekumpo lempo! Manɛ nɛ anyeeŋ tiŋ n wora nɛ fo maŋ wɔtɔ?”

2 Bewura 2:12

Elaisha ka wu loŋ nɛ e boŋto ŋ kaŋɛ anebi Elaija le: “Israɛl be benapo nɛ baa dii egbaŋɛ a kɔ kena nɛ bumo nɛ baa ta egbaŋɛturko a kɔ kena na ta n nyɛnpe n choŋ!” E ka baŋ kaŋɛ loŋ n loge, e maŋ naŋ wu anebi Elaija. Nɛ Elaisha chaŋɛ mbe piŋi to a ŋini mbe kagbenejija.

2 Bewura 6:21

Israɛl be ewura na ka wu Siriya be benapo na, nɛ e bishi Elaisha le: “N nyɛnpe m mɔ bumo a?”

Job be kawɔl 29:16

N daa la fanɛ etuto nna n sa betirpo, nseŋ daa ji asheŋ a chɛ befɔ to ashi demujikpa.

Aizaaya 22:21

nɛ n ta fo eshuŋkpa be piŋi nɛ kumo be kreso m mɛa mo to a ŋini basa fanɛ mo e sɔ fo so. Kumo be kaman nɛ e ki fanɛ etuto n sa Jerusalɛmebi kikɛ nɛ bekama nɛ b wɔ ewurkpa na.

Ezikɛl 13:19

Men keni ma jiga ma basa be anishito, ŋkpal shiŋkafa nɛ ajibi gbrɛbi nɛ menyeeŋ nya so. Ma basa kaa bee nu efɛ so, men bɔla efɛ so m mɔ basa nɛ b daŋ maŋ daga luwu nseŋ shin nɛ bumo nɛ b daga luwu bre ji efute.”

Matiu 26:15

n ya bishi bumo le: “Nɛ n nya mo m bɔɔ menyi enɔ, manɛ nɛ menyeeŋ sa ma?” Ndoŋ nna nɛ b karga egbiti be ndarbi adesa n sa mo.

Baru lela nɛ Jɔn kute na 12:6

Mannɛ fanɛ betirpo be asheŋ ka tir mo so so nɛ e daŋ kaŋɛ loŋ, ama e daa la eyu nna. Mo e daa la katuŋ na be amansherbikenipo, amoso, e daa wɔtɔ nna a lara amansherbi na be ako a wɔtɔ mbe jifa to.

1 Timoti 6:10

Ŋkpal manɛ so, amansherbi be kasha ga to nɛ kulubi be yiri kikɛ bee shi. Ŋkpal amansherbi be kasha ga so basa ko foe yirda be ekpa na so n luri kagbenejija damta to.

1 Pita 5:2

Mee kule menyi nna fanɛ men baa keni Ebɔrɛ be basa nɛ b wɔ men be enɔ to a du fanɛ mbolpɔ na so. Men sa maŋ ta bumo be kekeniso na fanɛ katiŋ be kusɔ. Men baa bugi ŋgbene a keni bumo so fanɛ kananɛ Ebɔrɛ bee sha fanɛ men baa du na. Men sa maŋ baa wɔtɔ a kɔ kajɛso a fin kakɔka, men baa bugi kagbene a sha kebaashuŋ basa.

Demujipoana 17:11

Nɛ Livai be kabrantiɛbia na shuli nɛ mo nɛ Maika be kachena nɛ Maika ta mo fanɛ mo pibinyɛn gbagba.

Demujipoana 17:9

Ndoŋ nna nɛ Maika bishi mo le: “Nnɛ nɛ fo shi?” Nɛ e yɛ: “Livai be kabuna be esa e la ma nɛ n shi Bɛtlɛhɛm nɛ k wɔ Juda be efuli so. Mee fin kakpa nna nɛ n chena.”

Demujipoana 18:4

Nɛ e kaŋɛ bumo kusɔ nɛ Maika wora n sa mo. E yɛ: “E ber ma paa nna nɛ n la mbe bɔrɛmatapo.”

1 Samuɛl 2:36

Fo kanaŋ to be esa kama nɛ e kraa wɔ ŋkpa to malɛ beeŋ yɔ bɔrɛmatapo na kutɔ n ya jɔŋɛ ŋ kule mo amansherbi nɛ ajibi, mo alɛ nseŋ naŋ kule fanɛ b sa mo alɛ gba bɔrɛmatapo be kushuŋ ko nɛ e chɛ to n shuŋ nseŋ nya kusɔ jiso.”