Demujipoana 16:4 - EBƆRƐ BE KAWƆL

⁴ Jemanɛ ko, nɛ Samsɔn ba kaa sha kebichebi ko nɛ baa tre Delaila nɛ e shi efuli na be kaba ko nɛ baa tre Sɔrɛk be Ketaŋɛ na.

Demujipoana 16:4 ပူးပေါင်းရင်းမြစ်များ

1 Bewura 11:1

Ijipt be efuli so be ewura pibiche na be kaman ewura Sɔlɔmɔn daŋ ta efuli pɔtɛana fanɛ Hiti nɛ Mowab nɛ Ammɔn nɛ Edɔm nɛ Sidɔn be beche damta nna n ti so.

Nehemaya 13:26

Ebɔrɛ daŋ sha Israɛl be ewura Sɔlɔmɔn ga nseŋ daŋ shin nɛ durnya to kikɛ be ewura kikɛ maŋ fo mo so, ama beche pɔtɛ nɛ e ta na daŋ shin nɛ e shuŋ agbir nseŋ tɔr kulubi to nna.

Aŋasa 22:14

Eche nɛ e bee lar mo kul kaman be mmalga du fanɛ kemaŋ chiŋgeliŋ nna, nɛ bumo nɛ Enyɛnpe Ebɔrɛ be agbo wɔ so na bee tɔr kumo to.

Aŋasa 23:27

Sakaleche du fanɛ kejamaŋ chiŋgeliŋ nna, nɛ eche nɛ e bee lar mo kul be kaman malɛ du fanɛ ketirbu chiŋgeliŋ na.

Aŋasa 26:11

Kananɛ jɔnɔ bee gbu nsaa bɛta a ji amo na, aloŋ nɛ bewulpo bee lɔŋɛ a tal bumo be kawulisheŋ to.

Aŋasa 27:22

Kebri maaŋ tiŋ n ju kawuli ashi esa to.

1 Kɔrintebi 10:6

To, le be asheŋ ere kikɛ la asɔ nɛ a bee ŋini anyi asɔ ko nna a fiɛ anyi so nɛ an sa maŋ kaa ta anyi be ŋgbene a deŋi alubi so fanɛ kananɛ b daŋ wora na.

Demujipoana 16:3

Samsɔn daŋ dese ndoŋ nna n ya fo kiidiso nseŋ ya pɛ kade na be kabunagboŋ na nɛ kumo be abersobi kikɛ ŋ gbuŋgbuŋ n tia. Kumo be kaman nɛ e maŋ kumo so n deŋi aba so n sulɔ kumo n dii kebee nɛ k shoŋi Hibrɔn na.

Demujipoana 16:5

Ndoŋ nna nɛ Filistiebi na be benimu na yɔ kebichebi na kutɔ n ya kaŋɛ mo le: “Wora ania n fule Samsɔn nɛ e ŋini fo ashiri nɛ k wɔ mbe eleŋ nɛ e kɔ ere be kaman nɛ an tiŋ n nya mo m pɛ ŋ kre mo nɛ e maŋ naŋ tiŋ n wora shɛŋ. Anyi alɛ b ekama beeŋ sa fo gbiti be ndarbi kagboŋ nɛ kalfa koŋwule.”