Demujipoana 16:24 - EBƆRƐ BE KAWƆL

²⁴ Basa na ka baŋ wu mo nɛ b fara a kpaŋ bumo be kegbir a kaŋɛ le: “Anyi be kegbir pɔɔ an doŋana so n sa anyi; an doŋana nɛ b jija anyi be efuli nɛ anyi be asɔ nseŋ mɔ anyi be basa damta na.”

Demujipoana 16:24 ပူးပေါင်းရင်းမြစ်များ

Danɛl 5:4

nsaa di bumo be agbir nɛ b ta shuwa nɛ gbiti nɛ danyaŋ nɛ abɛlso nɛ ndibi nɛ ajembu n lɔŋɛ na epaŋ.

Kelaraŋŋini 11:10

Kasawule so be basa be ŋgbene beeŋ fuli bumo ŋkpal basa anyɔ na be luwu so. Baaŋ ji bumo be amuana nseŋ kɛ ŋ kɛ abar asɔ ŋkpal kananɛ anebi anyɔ na daŋ bar kasawule ere so ebi tɔrɔ nsaa maŋ naa wɔtɔ na so.

Habakuk 1:16

Baa bunyaŋ bumo be ashewu nna nsaa lara esarga a sa amo, ŋkpal b ka bee bɔla ashewu na so a dii kedama nsaa nya ajibi lela a ji so.

Danɛl 5:23

Fo wora n da Enyɛnpe Ebɔrɛ nɛ e wɔ ebɔrɛso na so nna, ŋkpal fo ka ta shuwa be asɔnuunchu nɛ ntishaŋ nɛ fo tuto ta ashi Ebɔrɛ be bɔrɛlambu nɛ k wɔ Jerusalɛm na to nɛ fo nɛ bewurbiana nɛ fo beche, nɛ fo jipoana kikɛ ta amo a nuu nsa nsaa di agbirana nɛ b ta shuwa nɛ gbiti nɛ danyaŋ nɛ abɛlso, nɛ ndibi nɛ ajembu n lɔŋɛ na epaŋ so. Le be agbir ere maa wu ŋko a nu, amo alɛ maŋ nyi shɛŋ. Ama fo kini kebunyaŋ Ebɔrɛ nɛ kusɔ kama bɔɔ mo enɔ nɛ e kɔ eleŋ nɛ e tiŋ n shin nɛ fo ji efute ŋko n wu na bre.

Ezikɛl 20:14

Ama n daa maŋ wora loŋ, ŋkpal ŋ ka daa maa sha fanɛ ma ketre e jija ashi efuliana nɛ b wu kananɛ n lara bumo ashi Ijipt be efuli so na be anishito so.

Aizaaya 37:20

Ama fo ere la Enyɛnpe, anyi be Ebɔrɛ nna! Anyee kule fo nna nɛ fo mɔlga anyi ashi Asiriya be ewura be enɔ to, saŋɛ na so, ekama nɛ e wɔ durnya to be efuli kama so, beeŋ pin fanɛ fo nawule e la Ebɔrɛ.”

1 Kronikɛls 10:9

Ndoŋ nna nɛ Filistiebi na ku Sɔɔl be kumu nseŋ gbaŋ mbe kenyɛnkale nseŋ shuŋi mbɔ fanɛ b nite Filisti be efuli so be agbirlambu to nɛ kaplɛkama nɛ bumo be basa wɔ m bɔ baru lela ere.

1 Samuɛl 31:9

Ndoŋ nna nɛ Filistiebi na ku Sɔɔl be kumu ŋ gbaŋ mbe kenyɛnkale nseŋ shuŋi mbɔ fanɛ b nite Filisti be efuli so be agbir be alambu to nɛ kaplɛkama nɛ basa wɔ ŋ bɔ baru lela ere.

Demujipoana 15:16

Ndoŋ nɛ Samsɔn nase ketande ere: “Kurma be ketayawibi nɛ n ta m mɔ basa kagboŋ; kurma be ketayawibi nɛ n ta m mɔ bumo m biti abar so.”

Demujipoana 15:8

Nɛ Samsɔn diewu n ta tokobi m mɔ bumo be galeŋga. Kumo be kaman nɛ e ya kaa wɔ Etam na be kelaŋ to.

Ditɛronɔmi 32:27

Ama m maaŋ tiŋ n shin nɛ men doŋana e puchi fanɛ b tiŋ m pɔɔ ma basa so, saŋɛ nɛ k la fanɛ ŋ gbagba e pɔɔ bumo so.’

Demujipoana 16:25

Jemanɛ nɛ kamooji luri bumo to ga na nɛ b boŋ to ŋ kaŋɛ: “Men ya keta Samsɔn m ba nɛ e ba deŋi anyi anishito.” Ndoŋ nna nɛ b ya lara Samsɔn kabuti to m ba. Kumo be kaman nɛ b fara a mushe mo a wora mo eyur to. Eshabɔrɛgboŋ nɛ e daa kɔ lambu nɛ b daa wɔ kumo to a yil na be nferinto nɛ b daŋ ta Samsɔn n yili.

Nshɛ 97:7

Bekama nɛ baa shuŋ agbirana ŋko a puchi amo so na bee ŋaba nna; ŋkpal manɛ so, agbirana kikɛ maŋ la shɛŋ Ebɔrɛ be anishito.

Demujipoana 15:14

B ka ta Samsɔn m ba ka fo Lehi be kade to nɛ Filistiebi na yarase a ponte to a ba mo kutɔ. Epul to nɛ Enyɛnpe Ebɔrɛ na be Kiyoyu gbelge Samsɔn so n shin nɛ e nya eleŋ nɛ efɔl nɛ b ta ŋ kre mbe enɔ nɛ aya na kikɛ tuge to n tɔr fanɛ nyaŋkpaŋfɔl wuso na.