Demujipoana 16:21 - EBƆRƐ BE KAWƆL

²¹ Ndoŋ nna nɛ Filisti be basa na ba pɛ mo nseŋ lute mbe anishi. Kumo be kaman nɛ b ta mo n yɔ Gaaza nseŋ ya ta danyaŋ be ŋgbɛlɛbi ŋ kre mo nseŋ shin nɛ e bee ŋin kuboo jembu a kɔr asɔ ashi kabuti to.

Demujipoana 16:21 ပူးပေါင်းရင်းမြစ်များ

Aŋasa 2:19

Esa kama nɛ e yɔ loŋ be eche pe maŋ naa bɛta a yɔ epe, ŋko a bɔla ekpa nɛ k bee yɛr esa ŋkpa to na.

Matiu 24:41

Beche anyɔ beeŋ baa kɔr asɔ abo so nɛ b ta ekoŋwule nseŋ ka enyɔsopo na.

Aizaaya 47:2

Men fara a shuŋ kushuŋ nɛ men maŋ naŋ shuŋ ŋ ku so nseŋ ta kuboo a kɔr ayu! Men deŋi men be eshata na n nase nseŋ gbaŋ menyi be asɔbuuso lela na n lɛ! Nɛ menyee sha kenite nchu to n dii kabombi, men koli ewajɛ nɛ men dela na nɛ men be abembi e dese, pɔɛŋ nɛ men nya n nite nchu na to n choŋ.

Aŋasa 14:14

Kusɔ kama nɛ esa duu, kulubi ŋko kelela, kumo nɛ e beeŋ teŋi.

Ɛksodɔs 11:5

Kaplɛkama malɛ nɛ e yɔ be ewurkoŋ nyɛnso beeŋ wu. Yili ewura Fɛɛro n ya fo kenyache nɛ e bee kɔr ayu be ewurkoŋ nyɛnso beeŋ wu, nɛ asɔbɔya na gba peya e wu.

Aŋasa 5:22

Esa lubi be alubi du fanɛ kegba, nɛ mo gbagba bee kilgi a tɔr to nɛ k bee pɛ mo nna.

Nshɛ 149:8

nseŋ naa kpaŋ mo jemanɛ nɛ baŋ pɛ efuli pɔtɛana na be bewuraana nɛ bumo be benimuana nseŋ wɔtɔ bumo ŋgbɛlɛbiana na.

2 Kronikɛls 33:11

Amoso Enyɛnpe Ebɔrɛ na daŋ shin nna nɛ Asiriya be benapo be benimuana ya kɔ n sɔ Juda be efuli na, nseŋ pɛ ewura Manase n ta kekɔltobi ŋ kɔl mbe kamuna to nseŋ ta ŋgbɛlɛbi ŋ kre mo n ta mo n yɔ Babilɔn.

2 Bewura 25:7

Ndoŋ nna nɛ Nebukadneeza shin nɛ b mɔ ewura Zɛdikaya be mbinyɛnsobi nɛ e yil a keni. Kumo be kaman nɛ ewura Nebukadneeza shin nɛ b chule ewura Zɛdikaya be anishi nseŋ chɛ mo ŋgbɛlɛbi n ta mo n yɔ Babilɔn be efuli so n ya ti ebu.

Nɔmbɛs 16:14

Men nase kɔnɔ fanɛ menyeeŋ yɛra anyi kudɔsawule lela nɛ k bee wora adɔjibi nɛnɛ nɛ anyeeŋ tiŋ n dɔ asɔrso nɛ baa tre greeps kumo so na so nɛ k ki anyeya. Ama naniere nnɛ nɛ a wɔ? Menyee fule anyi nna. Amoso anyi maaŋ ba!”

Demujipoana 16:20

Kumo be kaman nɛ Delaila tre: “Samsɔn, Filistiebi na e naa ba fo so na!” Nɛ e yeŋi n tiŋi edi to nseŋ yaŋ fɛ mbe kumu to le: “Meeŋ yaŋ kpa n niŋi to n suge ma kumu.” Ama e daa maŋ nyi fanɛ Enyɛnpe Ebɔrɛ na lar mbe kaman.

Demujipoana 16:22

B ka she mo na be kaman nɛ mbe emin na naŋ fara a daŋ.

Jɛremaya 39:7

Ade be kaman nɛ e shin nɛ b chule ewura Zɛdikaya be anishi nseŋ chɛ mo ŋgbɛlɛbi n ta mo n yɔ Babilɔn be efuli so.

Nfabel 5:13

B nyaŋ anyi be mbrantiɛfɔlbi nɛ baa kɔr ayu abo so fanɛ anya, nɛ anyi be mbinyɛnsobi malɛ bee sulɔ ndibi gbɛgbɛso a jante.