Demujipoana 16:20 - EBƆRƐ BE KAWƆL

²⁰ Kumo be kaman nɛ Delaila tre: “Samsɔn, Filistiebi na e naa ba fo so na!” Nɛ e yeŋi n tiŋi edi to nseŋ yaŋ fɛ mbe kumu to le: “Meeŋ yaŋ kpa n niŋi to n suge ma kumu.” Ama e daa maŋ nyi fanɛ Enyɛnpe Ebɔrɛ na lar mbe kaman.

Demujipoana 16:20 ပူးပေါင်းရင်းမြစ်များ

2 Kronikɛls 15:2

nɛ e yɔ ewura Asa kutɔ n ya kaŋɛ mo le: “Ewura Asa nɛ Juda nɛ Bɛnjamin be basa, men kikɛ e nu nfe! Men baa nu a sa Enyɛnpe Ebɔrɛ na, mo alɛ beeŋ baa wɔ menyi kutɔ saŋkikɛ. Men baa fin mo, menyeeŋ wu mo, ama nɛ men baŋ pal kaman n sa mo bre, mo alɛ beeŋ yige menyi to.

Aizaaya 42:24

Wanɛ e sa ekpa nɛ beko ba suge Israɛl be asɔ? Enyɛnpe Ebɔrɛ nɛ an wora n da so na gbagba e sa bumo ekpa nɛ b wora loŋ! Ŋkpal manɛ so, an daa maa wɔ kebaawɔtɔ nɛ e daa sha na to ŋko n daa wora mbe keŋini nɛ e sa anyi na kasonu.

Hoziya 7:9

Bumo alɛ maŋ nyi fanɛ bumo be egbɛ nɛ b ta n deŋi efuli pɔtɛana so ere so nɛ b maŋ naa kɔ eleŋ na. Baaŋ bel n fuli amu nɛ efuli pɔtɛana so ebi e baa kraa ji bumo so eleŋ nɛ bumo alɛ maŋ nyi.

Nɔmbɛs 14:9

Amoso men sa maŋ shin nɛ an kini kenu n sa Enyɛnpe Ebɔrɛ na. K maŋ daga an ka bee ŋana basa nɛ b wɔ ndoŋ na, ŋkpal manɛ so, Enyɛnpe Ebɔrɛ na wɔ anyi kutɔ, amoso b maaŋ tiŋ ŋ kɔ m pɔɔ anyi so.”

Matiu 17:16

M bar mo fo bebɛsopo kutɔ nna fanɛ b chɛ mo, ama b maŋ tiŋ.”

Matiu 17:20

Nɛ Yesu kaŋɛ bumo: “Men be yirda ka maŋ shi so nɛ men maŋ tiŋ na. Ma e kaŋɛ menyi kashenteŋto na fanɛ nɛ men be yirda baa du fimbi fanɛ kakilia be kebi gba, menyeeŋ tiŋ ŋ kaŋɛ kebee ere le: ‘Pulgi fo kumu nfe n yɔ ndoŋ ere!’ Nɛ k pulgi. Shɛŋ shɛŋ maaŋ baa du menyi so kpakpa.

2 Kɔrintebi 3:5

Ama mannɛ fanɛ an gbagba ka kɔ eleŋ ko fanɛ an gbagba e wora kushuŋ na, Ebɔrɛ kutɔ nɛ anyi be eleŋ na bee shi.

Ditɛronɔmi 32:30

Manɛ so nɛ esa koŋwule tiŋ m pɔɔ basa kagboŋ so, nɛ basa anyɔ malɛ tiŋ m pɔɔ basa ŋgboŋ kudu so? Enyɛnpe bumo be Ebɔrɛ na e kini bumo n lɛ. Bumo be Ebɔrɛ lempo na e ta bumo n sa bumo doŋana.

Joshuwa 7:12

Amoso nɛ Israɛlebi na maŋ tiŋ n yili n tu bumo doŋana na. B shile nna ŋkpal bumo gbagba ka ki basa nɛ baaŋ mur so. M maaŋ naa wɔ menyi kutɔ, ama men baŋ mur asɔ nɛ men ta ŋ ŋana na kikɛ nna!

Demujipoana 16:14

Ndoŋ nna nɛ Delaila lɔlɔ Samsɔn nɛ e di m mel nɛ e pɛ mbe emin na n wɔtɔ kɔrɛ be ejese to n lue amo. Kumo be kaman nɛ e gbir amo m mata egbal so kpakpa nseŋ ponte n tre: “Samsɔn, Filisti be basa na e naa ba fo so na!” Nɛ Samsɔn yeŋi n tiŋi edi to nseŋ gberge mbe emin nɛ keyir na nɛ kɔrɛ na kikɛ m tia nseŋ lara mbe emin.

Demujipoana 16:19

Nɛ Delaila ta Samsɔn be kumu n deŋi mbe aya so nseŋ lɔlɔ mo nɛ e di nɛ e shin nɛ Filisti be kanyɛn ko ba she mbe emin nɛ b far ntuŋ ashunu so na. Ndoŋ nna nɛ mbe eleŋ na lar mo to.

Demujipoana 16:21

Ndoŋ nna nɛ Filisti be basa na ba pɛ mo nseŋ lute mbe anishi. Kumo be kaman nɛ b ta mo n yɔ Gaaza nseŋ ya ta danyaŋ be ŋgbɛlɛbi ŋ kre mo nseŋ shin nɛ e bee ŋin kuboo jembu a kɔr asɔ ashi kabuti to.

Demujipoana 16:3

Samsɔn daŋ dese ndoŋ nna n ya fo kiidiso nseŋ ya pɛ kade na be kabunagboŋ na nɛ kumo be abersobi kikɛ ŋ gbuŋgbuŋ n tia. Kumo be kaman nɛ e maŋ kumo so n deŋi aba so n sulɔ kumo n dii kebee nɛ k shoŋi Hibrɔn na.

Demujipoana 16:9

Delaila malɛ daŋ shin nɛ basa ko ba ŋana ebu nɛ mo nɛ Samsɔn daa wɔtɔ to na nna. E ka kre mo n loge nɛ e ponte n tre: “Samsɔn, Filistiebi na e naa ba fo so na!” Samsɔn ka kpa n niŋi to nɛ efɔl na tuge to fanɛ b ka ta jese n fuli edɛ na. B daŋ maŋ tiŋ m pin Samsɔn be eleŋ na be ashiri.

1 Samuɛl 16:14

Nɛ Enyɛnpe Ebɔrɛ be kiyoyu lar Sɔɔl to, nɛ kiyoyu lubi ba luri mo to a tɔrɔ mo ga.

1 Samuɛl 18:10

Kumo be ŋklade nɛ Ebɔrɛ sa ekpa nɛ kiyoyu lubi ko ba luri Sɔɔl to eleŋso nɛ e fara a wora fanɛ ebompo ashi mbe laŋ to. Nɛ Deevid ba kaa laŋ jaŋjilaŋ a sa mo fanɛ kananɛ e chɛr a wora karechɛ kama na. Loŋ be saŋɛ na so nɛ Sɔɔl kɔ kekpa to.

1 Samuɛl 18:12

Kumo be kaman nɛ Sɔɔl fara a ŋana Deevid ŋkpal Enyɛnpe Ebɔrɛ ka daa chɛ Deevid to nseŋ kplaŋ mo ere Sɔɔl so so.